اول طلعه ليا في حياتي

[moorey]

السلام عليكم

اليوم انا حابب احكلكم علي اول طلعه ليا في حياتي بعد ما اشتريت البندقيه

بعد ما انا اشتريت البندقيه الشنجهاي 55 عيار 2 من الاستاذ حماده بصراحه طلع راجل زي الفل

و بعد لهفه كبيره علشان صديقي محمد جبر البيحب الصيد زيي خلص امتحاناته قررنا نطلع اول طلعه

كمان من غير تدريب الا تدريب بسيط اوي و قررنا نطلع بعد الفجر صلينه الفجر و بعدين رحنا ضربنا فول

و استنينا لما الصبح طلع و رحنا طلعين في مشوار طويل و الحصيله كانت 5 يمامات و عصفوره

و طائر كده شبه العصفوره بس اكبر منها ييجي ضعفها كده انا مش عارف هو ايه بس الناس بيقوله عليه عندنا كروان و هو صوته حلو و كمان فرخه ميه بس معرفناش نجبها

و بعد مشوار كبير دول بس كانو الغنائم بتاعت اول يوم انا اصتدت يمامتين و العصفوره و الكروان و كمان فرخه ميه و هو اصتاد 3 يمامات
و دي الصور

[IMG][/IMG]

[IMG][/IMG]



و كان من المواقف الطريفه في الرحله دي ان محمد صديقي مكنش عارف يصتاد حاج خالص الا و احنا رجعين و اول يمامه اصتدها هههههههههه من كتر الفرحه قام رمه البندقيه و قال بصوت عالي ( يا جبر ياابن الجامد ) و طبعا محدش عارف يتخيل الموقع ده زيي و انا من كتر الضحك كنت هقع علي الارض و هو طبعا طلع يجري علشان يجبها هههههههههههههههههههههههه

و غير كده و احنا مشيين قابلنا واحد صحبنا برضو رخم اوووووووووي مكنتش متوقع ان انا ممكن اشوفه هناك طبعا اول لما شفنا جلنه و كمان لما شاف البندقيه قالي ( ايه ده يسطا الشغل الجامد ده هات يسطي اما اجرب طلقه كده ) و مسبناش خالص لحد ما ضرب 3 رشات و كمان الغبي و البندقيه متعمره راح الحمار جري بيها و ببوز المسوره راح خبتها في صدري هههههههههه الحمد لله لو الزناد كان ضعيف شويه كانت ضربت في صدري دي كانت اسوء حاجه في اليوم ده

و كمان انا يعتبر اول واحد يروح يصتاد في المنطقه بتاعتنا دي فكل الرايح و الجاي يخرم البندقيه بعينه و انا ماشي و هموت من الكسوف بسببهم

و كمان من المواقف الغريبه ان كل اليمامات ما عدا واحد نروح نجبها نطلاقيها غرقانه دم و مش عرفين الرشه جتلها فين معاده واحده الرشه جتلها في جناحها

و دي بقا كانت اول طلعه ليا و كان الرش المستخدم رش الرمايه و الحمد لله علي كل شيء

ارجو من الاعضاء التقيم و شكرا