اول طلعه ليا في حياتي

[moorey]

المشاركة الأصلية كتبت بواسطة akel

السلام عليكم ورحمة الله وبركاته .
أولا ألف مبروك ياأستاذ moorey علي دخولك عالم الصيد وبقوة (5 يمامات وعصفورة وفرخة مية كمااان ) . وده مؤشر انك حتكون صياد جامد مع اننا ماشوفناش الصور .
ثانيا لي كام ملاحظة هامة لأي صياد مبتدئ زي مابانصح ابني 12 سنة ومجنون صيد برضوا وماشاء الله عليه ودي احتياطات أمان لازم تراعيها وتحفظها كمان .
1- بندقية الرش ليست لعبة أطفال وممكن أن يحدث منها أي خطر تتخيله للأنواع القوية أو الهاي باور وحتي متوسطة القوة قلاتستخدم أبدا غير للتدريب علي الصيد أو الصيد نفسه ويمتنع نهائيا الهزار بها حتي لو كانت بدون رش وعلشان كده ياريت تبعد بندقيتك عن ايدي العابثين وعديمي الخبرة قدر الامكان .
2- تخيل مسار الرشة فيما لولم تصيب الهدف فمن الممكن أن تضل طريقها وتصيب انسان او غيره وخاصة الأهداف الأرضية أو التي خلفهامواد مثل كاوتش السيارات تكون لها رد فعل مقارب لسرعة الرشة .
3- تخير وقت ومكان الصيد . ويعتبر بداية اليوم ونهايته أفضل اوقات الصيد مثل التي ذكرتها بعد صلاة الفجر وقبل شروق الشمس بقليل وكذلك مكان الصيد يفضل أن يكون خارج الأماكن السكنية قد الامكان لتتجنب الفضوليين وكذلك نظرات من يجهل هذه الهواية وراعي أيضا ودي مهمة ( أننا في مصر وبفضل المخلوع مبارك وحاشيته الله ينتقم منهم ان الناس فقيرة وبتجري علي أكل عيشها والبنادق والصيد دي بالنسبلهم شيء غريب ودي شغلة ناس فاضية أو عاوزين ياكلو لحمة ببلاش مع ان الصيادين دول أرقي ناس ماشية علي الأرض وأقل ثمن بندقية مستعملة تؤكل اسرة سنة كاملة فمعلش اعزر جهلهم وفقرهم .
4- ياريت كل مبتدئ صيد يخرج في رحلاته الأولي مع صياد قديم يوجهه توجيه عملي علي الطبيعة لكيفية الصيد وكذلك احتياطيات الأمان وغيرها ولو لم يتمكن يبقي يدخل منتدي محترم زي ده ويطلع عليه وحيلاقي اجابات شافية لكل اسئلته .
آسف للأطالة وتقبلوا تحياتي . محمد عبد الرازق .

شكرا لحضرتك علي النصائح الجميله دي و كمان الصور موجوده فوق

المشاركة الأصلية كتبت بواسطة salas0010

ازيك يا اخى الكريم ربنا يبارك لك فى صيدك ويكرمك ان شاء الله

اولا اهم حاجه عملتها هى (و قررنا نطلع بعد الفجر صلينه الفجر)
ثانيا رجاء متخليش حد يهزر بالبندقيه مع حد او يوجه مقدمه البندقيه لوجه او صدر احد متعرفش قدر الشخص ممكن الطلقه تخرج تأذيه فلازم تبقى مدرك اهميه ده وتحاول تستفاد قدر الامكان وباقل اضرار
وابقى خد بالك من اللى وراء الهدف بحيث ان لو الطلقه مجتش فى الهدف متصيبش انسان او شئ ورا الهدف بالخطأ
انا فرحان لك اوى اوى وربنا يبارك لك يا رب
ومتنساش تقول بسم الله الله اكبر وانت بتحط الطلقه فى البندقيه ومتنساش تقول بسم الله قبل ما تضرب الهدف
وكل سنه والناس كلها بخير وصحه وسلامه

واحلى تقييم

الله يخليك و شكرا علي الكلام الحلو ده

المشاركة الأصلية كتبت بواسطة القبطان المصرى22

مبرووووك ياجميل
ربنا يرزقك خيرها ويكفيك شرها
وياريت على قد ماتقدر متديش البندقيه لحد معندهوش فكره عن الصيد
حتى لو هايزعل منك بسبب رفضك
انا بعمل كده مع اصحابى
لأانى قبل كده شوفت حادثه بسبب هزار البنادق ده والرشايه دخلت فى ركبة الراجل وطلعت من الناحيه التانيه

و لله انت الجميل يا قبطان

و بجد البندقيه خرمتله رجله و كمان الركبه

المشاركة الأصلية كتبت بواسطة aymank2

الف مبروك دخولك عالم الصيد رياضه الملوك انشاء الله تبقى قناص كبير ياريت تشوف نصائح الزملاء المكتوبه وتحاول تمشى عليها .

شكرا ليك و ان شاء الله همشي علي نصائحهم

المشاركة الأصلية كتبت بواسطة hosam hamza

شكرا ليك