بعد طول غياب, وصول "حاصدة الأرواح"

[Angel of Death]

السلام عليكم يا رجالة,
للأسف في الفترة (حوالي شهر) اللي فاتت كنت بعيد عن المنتدى الرائع ده و لكن السبب و الله كان بسبب رجوعي و الحمد لله إلى أرض الوطن بعد رحلة سفر لمدة سنة في المملكة العربية السعودية و في الشهر اللي فات ده كنت بدور على أي فتفوفة إنترنت أقدر ألاقيها عشان أعيد عليكو بمناسبة الشهر الكريم لكن ملقيتش غير متأخر أوي.. و الحمد لله إشتريتلي يو إس بي موديماية كدة تمشيني لحد ماجيب خط أرضي و أشترك في الدي إس إل...

أكيد طبعا دلوقتي هتبدأو تسأله ياض بطل رغي بقى إحنا صايمين و متفطرناش عليك بغتاتك ديه.. عشان كدة أنا بقول لكم كل سنة و جميع أعضاء منتدى الصيد في مصر بخير و أعاده الله علينا و على الشعوب المسلمة جميعا بالخير و السعادة و السلوان.. أنا عارف إني متأخر جدا جدا جدا لكن و الله خارج عن إرادتي..

كلام زي الفل صح أكيد هتقولو بس مين بقى الحاجة حاصدة الأرواح, ديه تبقى قريبتك يعني و لا أختك؟؟؟ خش في لب الموضوع..
و الله يا عم الحاج إنت شكلك الصيام مأثر عليك و بتتوحم على لب سوبر ملح خفيف.. هههههههههههه هههههه :p



طبعا زي ما البعض كان ملاحظ قبل غيابي إنا كنت بسأل كثير جدا عن الكرال لحد ما بقيت خبير (تعبير مجازي و الله عشان محدش يقول لي ياض بطل فتي المصريين ده بقى) ..



هههههههههههه شايفين الحوار رايح على فين ولا لسة؟؟؟

و فعلا بدأت أبحث عن أسعارها الحالية و دورت على ناس عامله عليها عروض و أفضلهم بالنسبة لي كان عرض الأسناذ محمد ياقوت و بالفعل أخذت رقمه معايا على الموبايل...
:

و عشان كدة أول يوم رجعت في مصر خدت التليفون و كلمت الأستاذ ياقوت فورا بعد طبعا ما الحاج الوالد ربنا يخليهولي (أصل هو اللي إداني فلوسها, مع إني ديه تحويشة سنه.. بس يلا ديه أقل حاجة أقدر أعملهالو) شتمني و مرمطني عشان بعد ما وصلت البيت بأرع دقائف إتصل بالراجل قالي يا مجنون في حد يتصل أول ما يوصل.. لا و بالشريحة الدولي كمان.. معلش بقى أصل أخوكو عبقري زمانه..



هههههههههههههههههه أيوا كدة يا رجالة فرفشو بدل أم الحر ده..

و سألتة عن التفاصيل و إزاي أستلمها و مكان اللقاء و الذي منه...

و دقت الثانية و خمس دقائق بتاريخ 27 يوليو عام 2012 حين أتممت أهم إتفاق في تاريخي حتى الان و هو .......



دن دن دن دااااااه


و هي صفقة شراء , واحد فرد بندقية كرال من أستاذ محمد ياقوت و التي أصبحت من أسعد لحظات حياتي حتى الأن. و الحمد لله الأستاذ محمد كان شخص كويس جدا جدا جدا و حاجتة زي الفل من غير ولا خربوش...

أحب بس أقوله حاجة دلوقتي... نعيماً يا أستاذ محمد.. (أصله كان عند الحلاق لما إتصلت بيه عشان نتفق )

أخش بقى في التفاصيل:

الشركة المصنعة: كرال أي في
الموديل: كرال ديمون
العيار: 5.5 مم
بلدج المنشأ: تركيا
سنة الإصدار: 2012 (يعني إصدار جديد زي الفل و معاة الأيزو 9001 كمان)
خامة الدبشك: فيبر متوسط إلى عالي الجودة
لون الدبشك: بني يشبه الخشب جدا

و الأهم إني طلعت عليها إسم و هو "حاصدة الأرواح" و ده لأنها إن شاء الله هتحصد أرواح طائرات العدو...
دلوقتي بقى لأحلى حاجة, اللي هي الصور:



ديه صورة بكل متضمنات العرض ما عدا الرش التركي لأني خلصتة في ساعتها و ملحقتش أصوره



ديه صورة للجراب المموه الرائع جدا جدا.. على فكرة ده في مكانين لتخزين البندقية بالإضافة إلى جيب كبيييييير جدا لتخزين أدوات أخرى كعلب الرش, سكين الذبح, إلخ, إلخ, إلخ



ده بقى جراب الرش. اللي هو عبارة عن جيب كبير شويتين تصب فيه الرش عشان و أنت بتصطاد تعرف تأخدلك رشاية بسرعة من غير ما تعد تفتح و تقفل في العلبة الحديد..



ديه بقى صورة للرش اللي أنا إشتريتو من عند أبو ضيف فرع الشيخ زايد.ز بس للأسف محلات أبو ضيف أسعارها غالية جدااااا.. أنا جايب العلبة ديه ب45 جنيه. الرش هو جامو برو ماجنم وزنه 15.43 جراين أو ما يساوي 1 جرام.. و بيني و بينكم الرش ده مش حلو خالص لكن أنا جبته مضطر عشان مكنش عنده غيره و أنا كنت هاموت و أضرب بيها.. يا ريت حد يقول لي مين بيبيع الرش بأسعار كويسة و منين أجيب الرش المصري؟؟



صورة رائعة لصف مكون من 5 رشايات برو ماجنم و جراب الرش



الكرال حين فتح العلبة.. و الله أنا زعلت جدا لأن البندقية رائعة لكن ينقصها كاتالوج كامل مثل جميع الشركات الأخرى.



الكرال بعد إخراجها من الكيس.



صورة قريبة للدبشك الذي يحتوي على نقش أكثر من رائع.



و أخرى مماثلة.



صورة لمجموعة الزناد ذات نظام الأمان و الزناد مزدوج المراحل.



صورة لمنطقة الزناد و الدبشك مجتمعين.



صورة للمسكة الأمامية.



صورة مقربة للحلية الأمامية و الناشنكاه الأمامي.



صورة مقربة لجسد البندقية مطبوع عليها لوجو الشركة.



صورة للناشنكاه الخلفي المزود بتقنية TruGlo و هو النيشان الفسفوري.



صورة لمصد السكوب أو Scope Stop و هي قطعة تثبت بالمسامير لمنع السكوب من الرجوع للوراء في الإرتداد.



محاولة تصوير للأوبن سايت في ظهور للنيشان الأمامي و الخلفي.



صورة للنيشان الأمامي و الحلية.



صورة للبندقية فوق الجراب.



و أخرى.




أتمنى الموضوع يكون عجبكم و مكنش طولت عليكم يا أساتذتنا الكبار..
دلوقتي أنا منتظر أول صيد ليا بحاصدة الأرواح لكي ترتقي حقا بإسمها...

أخيرا, أحب أشكر جميع الأساتذة العضاء اللي أنا ياما تعبتهم معايا عشان أفهم أكثر عنها و هم أ/عادل عبدة, أ/القبطان المصري, أ/عادل (اللي هو adel152 أنا أظن إن إسمه عادل أحمد لكن غير متأكد الحقيقة), أ/هشام سمير, أ/قنصل, أ/قناص المنوفية, و أخيرا و بالتأكيد ليس أخرا أ/محمد ياقوت... أتمنى إني ما كنش نسيت حد :confused: و لو حد ساعدني قبل كدة و ملاقاش إسمه رسالة على الخاص و هاحط إسمه على طول بإعتذار كمان :o ..

تحياتي,
محمد قطب الدكماوي