إستهبال التجار !!!!!!!!!

[YOSSEF EL MASRY]

المشاركة الأصلية كتبت بواسطة ahmed914

أيها السادة الأفاضل .... إستمراراً لمسلسل إستهبال وإستعباط التجار ... معاً أشرككم فى التجربة التالية :-
قمت ووالدى أثناء قضاء بعض حاجاتنا فى محافظة الجيزة الموقرة , ومن باب الفضول , قمنا بدخول أحد المحلات الخاصة بالأسلحة والذخيرة بالجيزة وهو محل شهير جداً , .... ومن باب الفضول دار بينى وبين أحد البائعين بالمحل الحوار التالى :-
أنا : السلام عليكم .
البائع : وعليكم السلام ... تحت أمرك ؟
أنا : ممكن أسأل عن حاجة تخص أسعار السلاح النارى ؟ و ...
البائع " مقاطعاً " : ممنوع أى سؤال الإ لما تجيب الترخيص !!!
أنا : يا سيدى صبراً .. أنا ماشى فى الإجراءات ... أنا بسأل عن حالة إصدار ترخيص وإستيراد سلاح من الخارج !!
البائع : أصل الأستيراد مقفول اليومين دول ... بس ممكن فيه حل ..
أنا : وأيه الحل ؟
البائع : بنخلى واحد يشترى سلاح من المانيا مثلاً , وبعدين يبعته لتركيا ومنه لمصر .
أنا : طب حاجة زى " السيج زاور " ثمنه من ألمانيا + الجمارك = حوالى ستة الآف جنية ... مش كده ؟ ... طب عملوتكم كام ؟
البائع : مظبوط ... بس اللفة طويلة ومحتاجة مصاريف ولازم شخص موثوق فيه و....
أنا " دورى فى المقاطعة !! " : حوالى كام من الآخر ؟
البائع : خمسة وثلاثون ألف جنيه !!!!!!!!!!!!!!!!!!!!!!
.......
.......
طبعاً أنا تنحت وأسبهليت وقولت بصوت وصل للمنيا أنا ووالدى فى نفس واحد " كااااااام ؟!!! " ....
إلى هنا أكتفى بالرواية وأحب أسألكم أيه الأخبار يا صيادينا الحلوين ؟ .....
مستنى ردودكم !!!!

ياباشا اوافق حضرتك الراي
ولازم الناس تفهم ان سياسة التجار كلها وحدة
ولكن المختلف فقط هو سياسة التطبيق وهو دة اللي بيخلي الناس تعتقد ان فية اختلاف
ويمكن والله واعلم لهم اجتماعات مشتركة لتنظيم السوق
هما كلهم كام واحد في مصر كلها
شكرا