اول طلعة ليا و جت على غفلة

[silver_5000]

المشاركة الأصلية كتبت بواسطة consul

بارك الله فيك أخي الحبيب وإبني الغالي...بسم الله ما شاء الله لا قوة إلا بالله...بارك الله فيما رزق وبألف هناء وشفاء...والطلعات الجاية أحسن إن شاء الله...نصيحتي لك حبيب قلبي تشيل التيليسكوب لأنه سيلخمك ويضيع وقتك على الفاضي البندقية ليست هاي باور وأنت لا تصطاد من مسافات بعيدة 15-20 متر في غير إحتياج لهاي باور أو تيليسكوبات...وتظبط نيشاناتك وتتدرب فترة على أهداف ثابتة ومن مسافات مختلفة قبل أن تخرج للصيد حتى تتقن الرماية وتحترف التنشين وتصبح نشنجي نمرة 1 بريمو ولا تعتمد من أولها على التيليسكوب لأنه لن يجعلك تتقن الرماية والتنشين كمن يتعلم السواقة على سيارة أوتوماتيك لن يستطيع بعد ذلك بسهولة تعلم السواقة على سيارة مانيوال ( يدوي )...لا تتعجل ولا تتسرع في طلوع السلم وخذ وقتك...وأنا متأكد بكره مش هانلاحق عليك وهانقول لك خف إيدك وسيب لينا شوية...تمنياتي لك بالتوفيق...خالص تحياتي...

و الله انا مبسوط جدا جدا بتشريف سعادتك ليا و ردك عليسا فى موضوعى المتواضع جدا ده , و على فكرة كنت مكسوف اوى انى احط الصور و هما يمامتين بس كدة بس قولت احطهم علشان كنت فرحان بيهم اوى ( فكرونى باليوم اللى كنت طالع اصطاد فيه من على السطح لو سعادتك فاكر ههههههههههه ) و بالنسبة لحكاية السكوب و الله انا جيبت السكوب لسببين , اولهم ان نظرى ضعيف و مش لابس نظارة ف لما بقفل عين و افتح عين و ابص على الناشنكان و اركز بتبقى عينى مزغللة اوى انما فى السكوب ببقى شايف كويس , و تانى سبب و ده الاهم ان الناشنكان الخلفى بتاع البندقية باظ و دوخت عليه مش لاقيه خالص , انما انا ناوى إن شاء الله و بوعدك إن ف البندقية الجاية اللى هيا الكرال اللى الدبشك بتاعها فايبر و لونه خشبى هسيبها من غير سكوب إن شاء الله و يمكن الناشنكانات الفسفورية تساعدنى ف موضوع الزغللة ده إن شاء الله , و ربنا يخليك ليا و ميحرمنيش خالص من تشجيعك ليا اللى بياثر تاثير عجيب عليا و إن شاء الله الطلعة اللى جاية يكون الصيد اكتر بإذن الله

المشاركة الأصلية كتبت بواسطة msa_79

الف مبروك علي الطلعة وفعلا احساس جميل اول صيد واول دبحة للصيد عمرك ما هاتنساه

بالنسبة لليمام اللي بتضربه ومش بييجي عندي سؤال هو بيكون علي الارض ولا علي حاجه عالية؟؟؟؟

اخيرا اوعي تفقد الثقفه في نفسك الثقه هي اساس من اساسيات الصياد ومع الوقت هاتتعلم ازاي تتحرك في ااتجاه اليمام والتمويه واصوله كل ده هاييجي بالممارسه وهاتحس بالمتعه بجد

اه و الله يا محمد باشا كنت قلقان اوى انى اعزب اليمامة ف اول دبحة دى و كان ليها رهبة شوية ف نفسى , و اليمام اللى بضربه و مش بييجى كان كله غالبا على الارض و اللى جه كمان كان على الارض بس فى يمامة من الاتنين اللى متصورين اتسرقت و لما لفيت و رجعت ف المكان تانى لقيتها ميتة و متاكد انى انا اللىصايدها لانها متصابة بالرشة و مكنش فى حد بيصطاد غيرى ساعتها , و موضوع الثقة بالنفس ده رجعلى شوية بعد ماجربت النشان على اهداف ثابتة ف البيت و كان 80% او 90% من الضرب بييجى مظبوط و من مسافات ابعد من اللى كنت بضرب من عليها اليمام ف علشان كدة عندى امل ان يكون اللى حصل سرقة طير مش عدم دقة نشان