اقتباس:
المشاركة الأصلية كتبت بواسطة consul
بارك الله فيك حبيب قلبي...وكل عام وأنتم بألف خير وصحة وسعادة...آه طبعا بالتأكيد هوا بشكله بلماضته بشلضيمه مافيش غيره...هايكون إيه غيره...هو الوحيد السلاح الرسمي المعتمد للشرطة والبوليس الحربي في ذلك الوقت...وفي بعض الروايات يقال أنه كان من ضمن أسباب نكسة 67...والله أعلم...العهدة على الراوي...ونصيحتي لكم إللي عنده حتة يتبت فيها ويحافظ عليها ما يفرطش فيها أبدا...ده تراث...ويعتبر أثرا لا يقدر بمال...كأول سيارة تم تصنيعها بالكامل في مصر ماركة رمسيس أم بابين والموتور بتاعها كان في الخلف وبتمشي بجنزير زي بتاع العجلة مافيهاش عمود كردان...إللي كان شكلها عامل زي علبة الكبريت...يا سلام يا شباب على أيام الخير...كان كيلو اللحمة البلدي بـ 68 قرش...والبيض البلدي الإثنين بثلاثة تعريفة...وكيلو اللبلن الحليب بـ 8 قروش...والدولار الأمريكي بـ 35 قرش...الله يرحم...طبعا مش مصدقين وأنا بألتمس لكم العذر...الكلام ده ماكانش من بعيد قوي يعني...كان في الستينات وأوائل السبعينات...يعني أول إمبارح مش أيام الهكسوس...تعشموا خيرا يا شباب...الفرج قريب إن شاء الله...خالص تحياتي...
|
انا معاك يا أ\كونسول ان الحلوان كان سبب رئيسى فى الخسائر الفادحة فى حالات الاشتباك القريب المدى فى حرب 1967 ده غير طبعا الاسباب التانية المعروفة لخسارة 1967 عموما, وهذا مذكور بالتقارير و كتب التاريخ الحربى
مش مهم الاسعار
المهم نعرف ...
امتى الدولار يرجع تلت الجنيه من تانى
امتى نرجع نصنع عربيات من تانى (مش نجمع و خلاص)
امتى اللبن الحليب يتباع بخيره و قشطته من تانى
كان فيه اقتصاد قوى و خير وفير كان هو ضهر البلد ساعة النكسة ,حفترض فى اسوأ الظروف مع ثقتى الكاملة فى قوة الردع القوية لجيشنا المصرى ,لو دلوقتى حصلنا نكسة لا قدر الله حنعمل ايه ....... اقتصاد هش يعتمد على الاسثمارات الاجنبية اللى حتقف ساعة اى حرب , ولا الخير اللى فى الاكل بقى موجود الا بالغالى قوى عشات بيتصدر بره.
ولكنى متفائل
11-08-30, 07:32 AM
رد: الرد المفحم لكل مشكك في الحلوان شوف ملف خدمتها
المواضيع المتشابهه
العرض الشجري