أنا أتعقدت خلاص

[ابو عامر]

انت لما بتضرب فى الخشبه الى عندك من 15 متر اكيد ها تعرف قوه البندقيه من تاثيرها على الخشبه ده اولا وثانيا وضع النشان بيختلف لازم تتدرب على الوضع العالى بمعنى يكون الهدف على ارتفاع 15 متر مثلا وكمان وضع البلكونه يعنى تنشن على غطاء زجاجه فى الشارع مكان وقوف اليمام وشوف الرشه بتكون فين واظبط نشان بندقيتك انا لو طالع اصطاد يمام بظبط النشان لو كانت الطلعه الى قبلها دجاج ماء والعكس هو تحريك النشان يعتبر تحيريك بسيط جدا بس بيفرق على المسافات البعيده ويا رب اكون افدتك .

[dr_mohasan]

ربنا يباركلك فى البندقية يا أستاذ محمد

الحل هو كثرة الممارسة حتى تتعود على اللبندقية , وأنصحك تخرج للصيد مع حد أكثر خبرة

[mman2005]

المشاركة الأصلية كتبت بواسطة dr_mohasan

ربنا يباركلك فى البندقية يا أستاذ محمد

الحل هو كثرة الممارسة حتى تتعود على اللبندقية , وأنصحك تخرج للصيد مع حد أكثر خبرة

الله يبارك فيك يا دكتور محمد، أكيد الواحد محتاج يطلع طلعة صيد، ربنا يسهل لولا الخوف من القلق إلى فى البلد كان الواحد طلع، ويا سلام بقى لو الواحد طلع البلد، كنز يمام هناك فى البلد، عندنا بيت مبنى وسط الزرع وأنت قاعد فى البلكونة اليمام بيبقى واقف على مسافة 10 متر، ده غير عند أرض خالى جنينة برتقال اليمام معشش فى شجر البرتقال، أتمنى أن حضرتك تشرفنى فى يوم أكون طالع البلد.

[دكتور/عادل]

من الشباك للارض معناها انك بتضرب على مستوى مايل بحوالى زاويه40 درجه الى الاسفل فلا يصلح ان تستعمل نفس اسلوب وميزانيه التنشين لان بذلك ستمر الطلقه مرتفعه كثيرا فوق اليمامه اضرب تحت ارجل اليمامه بواحد سم بدلا من التنشين على الراس والرقبه وادعيلى

[Orabi]

المشاركة الأصلية كتبت بواسطة dr_mohasan

ربنا يباركلك فى البندقية يا أستاذ محمد

الحل هو كثرة الممارسة حتى تتعود على اللبندقية , وأنصحك تخرج للصيد مع حد أكثر خبرة

مع إن الموضوع قديم أوي بس برضه هرد لعلها تكون إفاده لحد جديد معانا++++++++++++++++++11111111
أولآ أوافق دكتور محمد رأيه بشده
ثأنيا يجب عليك مراعاة إن كل ضربه لها تكنيك مختلف يعني اللي قدامك غير العالي غير اللي تحتك و كده وده هتتعلمه لما تتطلع مع حد خبره أو إنك تعلم نفسك و تكتسب الخبره بعملية التكرار و الصواب و الخطاء بس هتاخد وقت أطول لتكتسب الخبره.

خالص تحياتي لحضرتك و تذكر أن الصيد رياضة الصبر و الإصرار

[mman2005]

المشاركة الأصلية كتبت بواسطة ابو عامر

انت لما بتضرب فى الخشبه الى عندك من 15 متر اكيد ها تعرف قوه البندقيه من تاثيرها على الخشبه ده اولا وثانيا وضع النشان بيختلف لازم تتدرب على الوضع العالى بمعنى يكون الهدف على ارتفاع 15 متر مثلا وكمان وضع البلكونه يعنى تنشن على غطاء زجاجه فى الشارع مكان وقوف اليمام وشوف الرشه بتكون فين واظبط نشان بندقيتك انا لو طالع اصطاد يمام بظبط النشان لو كانت الطلعه الى قبلها دجاج ماء والعكس هو تحريك النشان يعتبر تحيريك بسيط جدا بس بيفرق على المسافات البعيده ويا رب اكون افدتك .

شكراً يا ريس على المعلومات الجميلة، بس المشكلة أن مش بشوف الرشة خبطت فين بالظبط من سرعتها ولأنى ببقى مغمض عين ومفتح عين وباصص على النيشان، بس ساعات بيبان وعادة بتبقى مكان اليمامة، العملية شكلها هخلص فيها 500 رشة على ما أتعلم.