خطوات عمليه لتيسير ترخيص الاسلحه في جمهورية مصر العربيه

[hossamedeen]

يا جماعه خلونا نسجل .....التسجيل زي ما انا عملت كده اسمك الاولاني (مش لازم كامل ) ومدينة الاقامه ورقم تلفون للاتصال ويا ريت لو افضل موعد للاتصال علي شان منزعجش حد نايم او في شغله واخيرا وده الي نسيته (طبيعة العمل) علي شان نحاول نوزع الاختصاصات مبدئيا حسب الخبرات قبل الجتماع الاولاني علي شان نجهز اوراق الاعمال والمشاريع والافكار المختلفه وان شاء الله نكون كلنا في مساحات جغرافيه ومحافظات قريبه من بعضها علي شان تسهيل الاجتماع الاولاني (التاسيسي) للتعارف وتبادل الافكار ولو حد بعيد معلش هيتعب معانا شويه في الاول وبعدها هنحاول نتصل عن طريق المنتدي او اي طريقه اخري يقترحها الزملاء

[الرحاله]

طب ممكن حد من الاخوة اللى فى المنتدى محامى يتولى طرح الموضوع امام المحكمة الدستورية العليا بناء على توكيلات ولو اتحكم فيها الكل هياخد الحكم ويطالب بالمثل .. وساعتها ندعمه ماديا كلنا لو امكن .......ولا كلامى غلط ؟؟ بيتهيئالى كده الموضوع يبقى اسرع من اللجان ... تقبل مرورى

[hossamedeen]

المشاركة الأصلية كتبت بواسطة الرحاله

طب ممكن حد من الاخوة اللى فى المنتدى محامى يتولى طرح الموضوع امام المحكمة الدستورية العليا بناء على توكيلات ولو اتحكم فيها الكل هياخد الحكم ويطالب بالمثل .. وساعتها ندعمه ماديا كلنا لو امكن .......ولا كلامى غلط ؟؟ بيتهيئالى كده الموضوع يبقى اسرع من اللجان ... تقبل مرورى

كلامك مش غلط ابدا كلامك عين الصح كمان وده مسار اساسي لازم نمشي فيه بس علي شان ميبقاش حكم وخلاص والداخليه تنفذه بمزاجها لازم القصه دي تثار كمان في مجلس الشعب وغالبا التيارات الاسلاميه هتتبناها وممكن كمان التيارات الليبراليه وده هيعمل ضغط محترم وكمان الموضوع ممكن يتثار في الفضائيات علي شان تستميل الراي العام والجرايد كمان وتعرف الناس اساسا بالموضوع وباساسيات واداب واصول حمل السلاح علي شان متبقاش بتأيد حمل الاسلحه لكل من هب ودب وخلاص ...العمليه لازم تبقي متكامله وزقه من هنا وزقه من هنا الموضوع هيتحرك ...وموضوع المحكمه الدستوريه ده ان شاء الله مضمون لانك لو قريت شروط او مبررات حمل السلاح في قانون الاسلحه المصري هتكتشف فورا انها غير دستوريه وبتميز بين المواطنين(علي اساس الدخل الاقتصادي) يعني لو عملنا فريق محاميين شباب كويس ممكن القصه ما تاخدش وقت خالص

[safroot]

على فكرة انا فكرت فى حاجة ان ممكن الحكومة تفتح الترخيص عشان تريحنا وعشان مش عايزة مشاكل بس ممكن تخلى سعر المسدس الحى 50 الف جنية وممكن تتحكم فى سعر المسدسات او تحتكر البيع او احنا ممكن نطلب منها دا نقول للحكومة افتحى الترخيص لاى حد بس بردة مش اى حد هايمسك سلاح يعنى لما يبقى السلام ب 6 الاف جنية غير لما يبقى ب 50 الف مش اى حد ممكن يشترية

[old hunter]

المشاركة الأصلية كتبت بواسطة safroot

على فكرة انا فكرت فى حاجة ان ممكن الحكومة تفتح الترخيص عشان تريحنا وعشان مش عايزة مشاكل بس ممكن تخلى سعر المسدس الحى 50 الف جنية وممكن تتحكم فى سعر المسدسات او تحتكر البيع او احنا ممكن نطلب منها دا نقول للحكومة افتحى الترخيص لاى حد بس بردة مش اى حد هايمسك سلاح يعنى لما يبقى السلام ب 6 الاف جنية غير لما يبقى ب 50 الف مش اى حد ممكن يشترية

لا كده يخليها زي مهيا احسن اه فيده انهم يفتحو التراخيص لما يبقا سعر السلاح تعجيز ولما يبقي الحد الادني 50000 يبقي لو هجيب مسدس جلو ولا سيجزور ولا اف ان هجيبه بمليون جنيه اه يا عم الكلام الي يجيب ورا ده احنا عايزين حاجه تطلعنا قدام مش ترجعنا ورا

[قناص الظلم]

المشاركة الأصلية كتبت بواسطة hossamedeen

يا جماعه خلونا نسجل .....التسجيل زي ما انا عملت كده اسمك الاولاني (مش لازم كامل ) ومدينة الاقامه ورقم تلفون للاتصال ويا ريت لو افضل موعد للاتصال علي شان منزعجش حد نايم او في شغله واخيرا وده الي نسيته (طبيعة العمل) علي شان نحاول نوزع الاختصاصات مبدئيا حسب الخبرات قبل الجتماع الاولاني علي شان نجهز اوراق الاعمال والمشاريع والافكار المختلفه وان شاء الله نكون كلنا في مساحات جغرافيه ومحافظات قريبه من بعضها علي شان تسهيل الاجتماع الاولاني (التاسيسي) للتعارف وتبادل الافكار ولو حد بعيد معلش هيتعب معانا شويه في الاول وبعدها هنحاول نتصل عن طريق المنتدي او اي طريقه اخري يقترحها الزملاء

برافو عليك شكرا لك وللساده الافاضل الى اشتركو معك بالردود وايه ياساده المحامين والضباط ورجال القضاء الى معانا فين عيب اوى كده يا اصحاب مهنه المحاماه

[hossamedeen]

المشاركة الأصلية كتبت بواسطة قناص الظلم

برافو عليك شكرا لك وللساده الافاضل الى اشتركو معك بالردود وايه ياساده المحامين والضباط ورجال القضاء الى معانا فين عيب اوى كده يا اصحاب مهنه المحاماه

يا معلم ما تظلمش الشباب ما تنساش ان احنا في عيد وممكن ناس كتير ما بتخشش ع النت اليومين دول (كل سنه وحضراتكم جميعا بخير ) وكمان مش كل الناس بتقرا المواضيع بسرعه لان فيه ناس غاويه حاجات تانيه زي صيد السمك او البنادق الهوائيه فبتدخل عليها علطول ...الوقت لصالحنا ما تقلقش بس احنا ما نبردش ونفكر الناس دايما ان حقهم ممكن ياخدوه لو طالبوا بيه ...ونعمل خطوات عمليه بقا في الاتجاه ده ونبدا وهتلاقي كل شويه ربنا بعتلنا الي يساعدنا ويزق الموضوع زقه لغاية اما ربنا يكرمنا جميعا .........كمان انا مقلق من طريقة التسجيل علي الملاء دي ممكن حد يكون مش عايز يكتب رقم تلفونه او مهنته او اسمه لاسباب تخصه ...فهل فيه حد عنده اقتراح لتنظيم العمليه دي بطريقه احسن لان بصراحه ده اخرة اخوكم في الكمبيوتر (لغاية دلوقت مش عارف اكبر الخط عن كده) احنا منتظرين مساعده كبيره جدااااااا من كل الزملا المحاميين والظباط والتجار الي علي المنتدي والمصلحه واحده يا جماعه والله حتي للتجار الي هيتعامل بعد كده في سلاح حي محترم مش صوت وبنادق صيد تشرف مش رمسيس مع احترامي للبنادق الهوائيه كلها طبعا لاحسن حد يزعل