خطوات عمليه لتيسير ترخيص الاسلحه في جمهورية مصر العربيه

[hossamedeen]

يا جماعه حصل حاجه غريبه جدا وفريده من نوعها ممكن تغير حياة ناس كتير في العالم.... النهارده الصبح ولاول مره في حياتي .....اصحي متاخر من النوم...مش بس كده لا وكمان قربة الميه السخنه الي باحطها تحت البطانيه لقيتها مسربه ميه ...وشاكلي مش والا بد ....ومن تأثير الظاهرتين الغريبتين دول ظهرتلي فكره مهمه جدا .......(نيجي بقا للجد ونسيبنا من الهزار ) انا متابع المنتدي ده من اكتر من سنه وان كنت با حاول اتعلم من الاعضاء وتجاربهم اكتر من اني اقعد اكتب كلام ملوش لازمه زي بيع موفق وربنا يوفقك الي 90% من التعليقات من عينتها ...ومن متابعتي شبه اليوميه للمنتدي اكتشفت حاجه مهمه جدا وهيه ان مش بس انا الي عاشق للاسلحه ...لا ده ناس كتير جدا جدا في مصر عاشقه للاسلحه ...مش بس كده ,الاسلحه هيه مكون رئيسي من مكونات الشخصيه العربيه منذ فجر التاريخ وطبعا كلنا عارفين ان الرمايه وتعلمها قد ايه مرغب فيها في الاسلام وان الاسلام بيحث علي تعلم فنون القتال والدفاع والاستشهاد من اجل الارض والعرض والمباديء وطبعا بعد الازمه الهباب الي احنا عشناها بعد الثوره من انهيار الامن وانطلاق البلطجه المنظمه وغير المنظمه والي عايز اقول ان احنا لسه ما شفناش ذروتها لان فيه انتخابات جايه وما ادراك ما انتخابات وفيه سلاح هيتحدف علينا من ليبيا زي الرز اول ما الامور تنتهي هناك وفيه دول واشخاص يموتوا ويشوفوا مصر مش مستقره بالسلاح المتهرب الي اغلبه ممكن يستخدم للاخلال بالامن لانه مفيش عليه رقابه والا متسجل مالكه بكل بساطه ...بعد المقدمه الطويله الممله دي والمواضيع الكتير الي اتكتبت في القصه دي ...وبما اني شايف ان فيه ناس كتير عندها القدرات الفنيه والماديه علي المنتدي وحتي الي ما عندوش يكفي عشقه للاسلحه وهو عشق مشروع جدا ...يبقي ليه واحنا علي ابواب انتخابات مجلس شعب ورئاسه ما نبدأش نعمل حمله كبيره منظمه ومرتبه يكون هدفها ترخيص الاسلحه ولو بعد سنه او اتنين او عشره المهم مش مجرد البعبعه والصويت والاحلام والاماني الي احنا بنعملهم ومستنيين الداخليه ربنا يحنن قلبها علينا والسما تمطر تراخيص وممكن نستفيد من الخبرات الاجنبيه زي جمعية البنادق الامريكيه ....وعندي عدة اقتراحات وهيه عمل لجنه دائمه لادارة الحمله من متطوعين عندهم قدرات اداريه وعلميه وقياديه من افراد المنتدي او من خارجه من اجل الضغط علي الحكومه لتحقيق الهدف وهو فتح باب التراخيص وتسهيلها وتسهيل شروطها للمواطنين زي الدول الاجنبيه ....وهاكتب تفاصيل اكتر في الايام الجايه عن طريقة العمل وصولا للنجاح في المهمه....وارجوا استطلاع ارائكم ومدي استعدادكم للعمل انفاق الوقت والجهد والمال في سبيلها