مش عارف افك البندقية

[Qoldus]

المشاركة الأصلية كتبت بواسطة hard

انا دخلتها فعلا ولازم حد يحط المسمار بسرعة عشان بتتطلع تانى وجبت واحد يدخل المسمار بس مش راضى يدخل وايدى ورمت من المسكة والمسمار مش راضى يدخل

معلش حبيب قلبي...ريح شوية كده وحاسب على إيدك...حاول تظبط الفتحات أمام بعضها وإقلب المسمار ممكن يكون فيه ناحية أتخن وناحية أرفع شوية بسيطة حاول تدخله من ناحية المسمار الأرفع...بس كده واضح إن السوستة قوية مش ضعيفة...ممكن يكون العيب في الجلبة الداخلية على وش البستم...وممكن يكون العيب في الأورانج ( الجلبة المدورة حول بيت الرش ) ممكن تكون قديمة ومهرية أو ملحوسة وبتنفس...مين إللي أفتى لك وقال البندقية عايزة تغيير سوستة وجلبة داخلية...ممكن تكون البندقية مش عايزة أكتر من نظافة وتشحيم وتزييت فقط وتبقي زي الحاجة فاطمة ( مدفع الإفطار في رمضان )...معلش مافيش قدامك غير إنك تحاول تلمها وتربطها من تاني...مش ها تقدر تعمل أي حاجة قبل ما تدخل وترجع كل حاجة مكانها...إستهدى بالله كده وحاول بالراحة بدون نرفزة وطول بالك...ماهو الفك سهل المشكلة في التركيب عايز بال طويل حبتين...لو عندك مفك تخين شوية ويتحمل ممكن تدخله مبدأيا مكان المسمار علشان يظبطلك الفتحات أمام بعضها...لو متعصب سيبها دلوقتي وإشغل نفسك بأي حاجة وما تفكرش فيها لغاية ما تروق وأعصابك تهدأ...علشان ما تبوظش فيها حاجة وتكبر العملية...خالص تحياتي...