مش عارف اقول ايه

[SIGSAUER P226]

اتفرجت على فيديو غريب من شويه خلانى مضايق طول اليوم و مخنوق و حاسس انى عشان امشى بعد كده فى الشارع لازم امشى بقاذفه لهب مثلا او 50cal.
الفيديو جهاز ان يكون معروف للاعضاء هو عباره عن مشاجره بين سياره ملاكى و توك توك
نزل الراجل اللى جنب السائق و ضرب سائق التوك توك فى رجله بالنار و ركب العربيه لما جه واحد اعترض نزل السائق ضربه بالنار فى راسه او كتفه على الاقل و ركبه العربيه و مشيوه
ازاى و صلنا للمرحله ديه ازاى انا ابقى مطمن و اختى او امى و اى حد من قرايبى نازل ازاى انا وانا راجل بسافر اطمن على نفسى
مش ممكن حد يطلع عاوز يسرقنى و مش من طبيعتى انى هديله كل حاجه و امشى لازم ادافع عن نفسى مش هفضل ماشى بمسدس يضرب صوت بس او بندقيه رش عشان خاطر القانون لما القانون يحمى الناس ابقى احترمه و اتبعه انا عارف ان كلامى يضايق وممكن ناس تزعل منى بس للاسف اللى شاف الفيديو هيحس بالحنق و الخنقه و القرف اللى حسيته

YouTube

YouTube

[jamayka]

الفيديو شوفته ... و رغم اعتقادى ان السلاح كان صوت لأكتر من سبب بس برضه اللى بيحصل قدامنا و فشوارعنا و قدام عنينا حاجة ميتسكتش عليها و فعلا سلاح الصوت ملوش قيمة ف اى موقف من المواقف دى
بس هل فى حد يقدر يقولى فين الحل ؟؟!!! هل انى افضل ماشى بالمسدس متعمر طول اليوم و حتى و انا نايم حاطه تحت راسى !!! يا استاذى كلنا قلقانين و اكيد كلنا بنخاف لو مش على روحنا يبقى على اهلنا و حاجتنا الموضوع مش سلاح و بس الموضوع فى بلد مش عارفين رايحة بينا على فيـــــن

[SIGSAUER P226]

مش عارف بأمانه ده مسدس صوت ولا حى بس متهيألى حى لأن الاصابات كانت ظاهره
فعلاً كلام حضرتك صح بس انا عاوز اعرف الحل ايه مش هفضل اضحك على نفسى كل ما جى انزل و اقول لازم اخد المسدس عشان الامان و معنديش استعداد امشى بمطواه ولا خنجر عشان ادافع بيه عن نفسى لأن تربيتى و نشأتى متسمحش بكده و ده حالنا كلنا اننا ولاد ناس متربين صح هو العيب كان على اهلينا ان هما ربونا و طلعنا ناس محترمه ملهاش فى البلطجه و السيوف و السنج
الحل يا باشا دور معايا على حل ؟

[jamayka]

و الله يا باشا انا نفسى مش لاقى اللى يقولى اعمل ايه ؟؟؟ يا فندم الازمة مش فى السلاح ... احسبها معايا كده لما ابقى ماشى ف اى مكان و ف اى وقت و مرغم امشى بالسلاح و برضو القلق موجود مقدرش انكر يعنى السلاح موجود و الرخصة موجودة و يوم ما يحصل حاجة لا قدر الله تستدعى التعامل المشاكل مش هتكون كبيرة بالنسبالى بس كده انا مأمن نفسى يا ترى بقى الناس اللى فالبيت اخواتى و عيلتى احميهم ازاى و بيتى ؟؟؟ اثبت رشاش جرينوف على باب البيت مثلا !! الحل ان ازمة البلد تتحل و حالها يتصلح
ولا رأيكو ايه يا جماعة

[ahmedabutaleb]

لا حول ولا قوة الا بالله ربنا يعدى الايام دى على خير

[mohamed_esm]

لا اله الا الله بس العيب على الشابا اللى واقفين فىالشارع الىل سابو العيال دى تتمنظر اوى كده علىالناس الغلابه عيب والله مهما كان بس هو معقول مسدس صوت يعجز كده من على المسافه دى ايريت حد من الخبراء يفيدنا وخصوصا استاذ بدر واستاذ جمال

[osama2011]

افتكر ان ده مسدس خرز وفي انتظار اراء الخبراء

[mohamed_esm]

بتهيقلى يا اخى الكريم الخرز ميعملش الصوت دا دا صوت طلق نارى ولا ايه برده مستنين اراء الخبراءللافاده ضرورىىىىىىىىىىىىىىىىى

[@MiDO@]

بعد إذن كل واحد هنا انا جديد هنا بس للأسف انا ملاحظ ان المنتدى بيتكلم عن قانون بعد إحترامى للقانون ده هو مش عارف يحمينى ظباط الشرطه من الأساس الى هما مدربين على التعامل مع المجرمين أكتر من أى حد بس أرجع وأقول دى نتيجة للى سمحو لناس غير مؤهله للشرطه تخش بفلوسها والفساد الى كان فى أكاديمية مبارك أحنا بنشوف نتيجته علينا دلوقتى أهى وأنا عن نفسى ياما قولت بجد أن هيجى يوم وهنشوف ان أغلب ظباط الشرطه هيتسببوا فى شىء زى الى احنا عايشينو دلوقتى ونسأل الله الرحمه والعفو وعلى فكره يا أستاذ الفيديو ده مش غريب على الإطلاق المنظر ده فى أغلب الشوارع كل يوم وأنا عن نفسى بحضر كل يوم حرب لأنى من منطقه شعبيه وللأسف مش عارف أبقى بلطجى عشان أحمى نفسى والظاهر كده الى هيمشى حاله اليومين دول البلطجيه وأنا برجح بجد أن مجموعه من الأشخاص ذو الخبره الموجودين هنا فى المنتدى انهم يفتحو موضوع يفكرو فيه بصوت عالى شويه عن سلاح يقدر يحمى ناس محترمه ملهمش فى البلطجه ولا فى الامور الى بتحصل دلوقتى ياريت

[جوبا]

من غير مشوف الفيديو رأي واضح ، في حالة الضرورة كل شيء مباح لحين زوال الأمر ، ديت حياة ، يقول النبي عليه الصلاة والسلام (لزوال الدنيا أهون عند الله من إراقة دم امرء مسلم ) او كما قال ، والي حيشتري دلوقتي ليه عزره ومحدش يلومه لأن ديت حياة مش لعبة وكلنا بنخاف على مصر ومحدش يتهم حد بأنه بيزعزع أمن البلد لكن ديت ظروف استثنائية

[SIGSAUER P226]

المشكله فعلاً ان الواحد دلوقتى ملهوش ديه اللى ممكن يطلع يثبتك هتشد معاه او هتتلكع عشان تفكر تتصرف ازاى يضربك او يموتك ياخد اللى عاوزه و يسيبك مرمى لازم فعلا نفكر بصوت عالى على حل مش عيب اننا نحمى نفسنا طالما القانون مش قادر انه يحمينا
انا قريت مهازل فى المنتدى هنا دكتور محترم طلعوه سرقوه و فى برضه عضو محترم ثبتوه فى مدخل عمارته هو و ابنه و هات اللى معاك او هندبح ابنك انا مثلا عندى جامعه الاسبوع اللى جاى و المفروض انى اسافر اسكندريه و صحابى اللى هناك بيقلولى ان الدنيا خربانه و مفيش لا شرطه و لا لجان شعبيه الحل ايه مش هروح و اتثبت و اسكت اكيد يا هقتل حد يا حد هيقتلنى و المسدسات الصوت دلوقتى ممكن تضرب نار فى الهوى يطلع مسدس حى يضربك بيه لازم نلاقى حل انا عمال ادور عل خنجر يتعلق فى الرقبه او يتربط فى الرجل عشان ميبانش من تحت اهوه اى حاجه ياريت من الاعضاء جميعا و خبراء المنتدى كل واحد يقول فكره و بتلاقى الافكار ده هنوصل لحل وسط هيطلع سلاح يحمى و مش مخالف ارجو من الأداره التواصل معانا احسن ما حد يروح يشترى مسدس من غير رخصه و يعمل جنايه نفكر مع بعض و اكيد هنوصل لحل وسط

[SIGSAUER P226]

الحل ايه انا عاوز اعرف ايه الحل انا لحد دلوقتى نتعرضش لسرقه او اى نوع من انواع البلطجه بس معنديش اى شك انى ممكن اتعرض فى اى وقت
الحل تفضل مستنى و تقول الفرج من عند ربنا طب و الناس اللى بتتختف و بتتسرق و بتتقتل يعنى فى اسكندريه من يومين قضيه مخدرات القاضى حكم حكم تقيل على المتهم راح اهله فى وسط القاعه مطلعين الالى و ضربين نار على المنصه و هربه الواد و هربوه معاه تخيل ده بيحصل جوه المحكمه
دكتور محترم بيتسرق و مش عارف يعمل حاجه
استاذ محترم برضه بقول انه 3 مره بيتسرق فى مدخل بيتهم و اخر مره ضربه نار على عربيته
اتوبيس حضانه فى اسكندريه يطلع عليه بلطجيه تنزل الناس اللى فيه و و تسرق الاتوبيس
لما يدخولوه على بنزينه فى عز النهار بالالى ويسرقوها ويكسروها
لما يفرضوا اتاوه على محلات الدهب و اللى ميدفعش يضربوه و يسرقوا المحل و يكسروه
لو البقاء للبلطجه يبقى المفروض الوم اهلى انهم ربونى كويس و مطلعونيش بلطجى اعرف اتخانق بالشوم و السنج
ياريت حد يقولى ايه الحل ؟

[Consul]

الأخوة الأعزاء الأفاضل...واضح قوي أن هذا مسدس صوت...لا صوته ولا رد فعله ولا اللهب الخارج من ماسورته يقول إنه حي...وكحركة تلقائية ولا شعورية إللي بيمسك مسدس حي تلاقيه موجه الماسورة لأعلى لأنه عارف إنه حي وعارف مدي خطورته...بعكس المسدس الصوت...ولا حتي في إصابات...لو مسدس حي وإتضرب بيه بهذا المنظر كانت تبقي مجزرة وإصابات كثيرة وصراخ وآلام المصابين...خالص تحياتي...

[mohamed_esm]

طيب يا استاذ قنصل هو الصوت من على المسافه دى ممكن ياثراو على الاقل يشل الحركه

[بدر]

الاخوة الافاضل
لما شوفت الفيديو دة كان ليا تعليق وتوضيح
فى الاول الاخ اللى ضرب الولد فى رجلة دة مسدس صوت ومتعدل بوضع بلية حديد ضغيرة وفتح الماسورة ودى بتبقى قوية جدا وانا شخصيا جربت المسدس دة لاحد الاعضاء وذهلت من النتيجة واللى بياكد الكلام دة ان المسدس بيبقى فية مشكلة انك لازم تسحب طلقة طلقة ودة اللى حصل مع الاخ الاول لما ضرب سحب الاجزاء والمسدس علق منة و لو كان مسدس حى كنت تلاقى دم كتير ودة محصلش وممكن البلية تكون اصابتة فعلا بس تلاحظ انة كان متماسك شوية
اما المسدس التانى فصوت طبعا والناس مش فاهمة حاجة وكانو خايفين وخلاص
العيال دى مش مجرمين لدرجة انهم يقتلو فى الناس دول معاهم مسدسات صوت وعاملين جو ارهاب
تحياتى

[العربى]

اولا انا مع كل الاخوة فى اللى قالوه
ولكن عايز اعرف يعنى ايه معاى سلاح ومعرف احمى نفسى
او ازى احمى نفسى احنا اتعودنى فى الصعيد اننا ننام ونقوم بسلاح متعمر
ودا على مدى حياتنا ومن غير ترخيص ونحمى نفسنا لان جغرافيه القرى عندنا
وطبيعة الزرع بيكون فى بيوت بل نجوع وقرى بعيده عن العمار او مفيش طريق غير المشى لمسافه 5 او 6 كيلو فكدا كدا مكنش فى شرطه بتوصل ليها بسهوله وناهيكم عن التار دا ممكن نلاقى واحد طالع من اى مكان وغير متوقع ويضرب نار عليك وانت لازم تكون جاهز فى لحظه انك ترد وتصيب اللى بيضرب عليك
على العموم فى النهايه لكم منى عدة نصايح كانو بيقولهالنا واحنى صغيرين
اولا الهدوء عشان تعرف تفكر فى لحظه هتعمل ايهوبعد كدا بعد اذن الاخوه الكبار فى المنتدى
لازم نشترى سلاح حى باى شكل وباى سعر بس لازم نتعلم عليه الاول
ثانيا تاخد بالك يعنى مينفعش امشى فى مكان خالى ومكشوف ومننفعش نشى فرادى الا للضروره
وفى الحاله دى يبقى لازم سلاحى متعمر وعلى ايدى
جاهز
ثالثا النزول للشارع يكون بحساب وللضروره
والاهم من ذلك ان ربنا يسترها علينا جميعا ومعانا جميعاولكن نعمل بالحديث اللى بيقول
اعقلها وتوكل
حسبنا الله ونعم الوكيل

[rock]

المشاركة الأصلية كتبت بواسطة بدر

الاخوة الافاضل
لما شوفت الفيديو دة كان ليا تعليق وتوضيح
فى الاول الاخ اللى ضرب الولد فى رجلة دة مسدس صوت ومتعدل بوضع بلية حديد ضغيرة وفتح الماسورة ودى بتبقى قوية جدا وانا شخصيا جربت المسدس دة لاحد الاعضاء وذهلت من النتيجة واللى بياكد الكلام دة ان المسدس بيبقى فية مشكلة انك لازم تسحب طلقة طلقة ودة اللى حصل مع الاخ الاول لما ضرب سحب الاجزاء والمسدس علق منة و لو كان مسدس حى كنت تلاقى دم كتير ودة محصلش وممكن البلية تكون اصابتة فعلا بس تلاحظ انة كان متماسك شوية
اما المسدس التانى فصوت طبعا والناس مش فاهمة حاجة وكانو خايفين وخلاص
العيال دى مش مجرمين لدرجة انهم يقتلو فى الناس دول معاهم مسدسات صوت وعاملين جو ارهاب
تحياتى

الله ينور عليك ... تحياتى .

[basemzero]

انا شفت الفيديو دة ..واعتقد ان السلاحين صوت لعدم وجود رد فعل و تقريبا فى الدقيقة "1:12" فى سلاح اتحشرت فيه طلقة و كان بيحاول يطلع الظرف.... ولكن مش دى القضية...المشكلة ان دول اشخاص عديمى المسؤلية لاستخدام سلاح بهذه الطريقة العنجهيه حتى ولو كان صوت....لان فى اخر الفيديو ضرب من مسافه قصيره جدا فى وجه شاب اخر...وعلى حد علمى ان مسدس الصوت ممكن يسبب حروق من مسافات قصيره.....وانا اعتقد ان لو واحد استخدم سلاح صوت بالطريقة دى اتوقع منة انه لو معاه حى وارد يستخدمة بطريقة اكثر تهور..تحياتى

[Abdo]

الناس بقى هنا مكسرولوش العربية لية واتلمو علية زى ماكانوا بيعملوا مع الشرطة
المشكلة ان الواحد معدش فاهم اية اللى بيحصل؟؟؟ ولا عواقبة

[محمد متولى]

احمى نفسك بنفسك
لاكن مع ظبط النفس والهدوء الشديد

[جودريلا]

كلام سليم يا جماعه المسدسين صوت بس هو حط حاجه في فوهه المسدس مسمار او خرز اورش اكترمن وحده ولو حط اي حاجه من الي قولتها مع حشرها كويس اول طلقه هتعور جامد زي ما حصل بضبط اقترب منه وضرب لكن لو حي كان بق الفرق شاسع في الاصابه والطريقه الي كان بيتعامل بيه مع المسدس اما صوته فلا اعتقد ان احد يستطيع تميز الصوت من الحي في تصوير فيديو لو قدامك هقول ماشي لكن فيديو ما اعتقدش بس هوصوت ياجماعه مع العلم ان في مسدسات صوت كتير صوتها اعلي من الحي فمتخدوش بالصوت الا اما يكون امامك لان صوت الحي اينعم قوي بس مكتوم وشكرا مع احترامي التام لرئي الجميع

[romantic]

كلام جميل ومظبوط وانا رأى برده انه صوت وحاطط فيه بلى او رش كبير

[Mohamed Mahmoud]

لا الة الا اللة ولا حول ولا قوة الا باللة

[Mohamed Mahmoud]

حسبى اللة ونعم الوكيل

[أميجو]

لا إله إلا أنت سبحانك أنى كنت من الظالمين

[professional sniper]

اللهم ارفع مقتك وغضبك عنا *** ولا تسلط علينا بذنوبنا من لا يخافك ولا يرحمنا

[braveheart]

المشاركة الأصلية كتبت بواسطة بدر

الاخوة الافاضل
لما شوفت الفيديو دة كان ليا تعليق وتوضيح
فى الاول الاخ اللى ضرب الولد فى رجلة دة مسدس صوت ومتعدل بوضع بلية حديد ضغيرة وفتح الماسورة ودى بتبقى قوية جدا وانا شخصيا جربت المسدس دة لاحد الاعضاء وذهلت من النتيجة واللى بياكد الكلام دة ان المسدس بيبقى فية مشكلة انك لازم تسحب طلقة طلقة ودة اللى حصل مع الاخ الاول لما ضرب سحب الاجزاء والمسدس علق منة و لو كان مسدس حى كنت تلاقى دم كتير ودة محصلش وممكن البلية تكون اصابتة فعلا بس تلاحظ انة كان متماسك شوية
اما المسدس التانى فصوت طبعا والناس مش فاهمة حاجة وكانو خايفين وخلاص
العيال دى مش مجرمين لدرجة انهم يقتلو فى الناس دول معاهم مسدسات صوت وعاملين جو ارهاب
تحياتى

أنا معك تماما ... و هذا تحليل دقيق لما حدث بالفعل.

[oteote2010]

المشاركة الأصلية كتبت بواسطة جوبا

من غير مشوف الفيديو رأي واضح ، في حالة الضرورة كل شيء مباح لحين زوال الأمر ، ديت حياة ، يقول النبي عليه الصلاة والسلام (لزوال الدنيا أهون عند الله من إراقة دم امرء مسلم ) او كما قال ، والي حيشتري دلوقتي ليه عزره ومحدش يلومه لأن ديت حياة مش لعبة وكلنا بنخاف على مصر ومحدش يتهم حد بأنه بيزعزع أمن البلد لكن ديت ظروف استثنائية

يا جوبا واضح فعلا انك ماشفتش الفيديو ..

مافيش داعي لضرب النار وللكلام اللي حصل ده كله .

يعني اللي عمل كده ده مش مضطر خالص
ده المفروض يروح في ستين داهيه.

بس مش عارف ليه حاسس انه تمثيل

[Axel]

مسدس صوت مش حي و يمكن زي ما الاخوة قالوا انه يكون حاطط حاجة من ديه
و الشاب لما فعلا جيه يشد الاجزاء علق منه
لو حي كانت زمانهم اضربوا اساسا و هتلاقي دم و حاجة تانية خالص
هم مجرد عيال بوق بس فرحانين بالمسدس اللي في ايديهم و خلاص

[فيلمعربى]

طيب يا جماعة صلوا على النبى علية الصلاة والسلام
انا عندى فكرة بالنسبة لانتشار البلطجية فى كل مكان
اقترح ان احنا اعضاء حلويين كدة فى المنتدى نبدا من انفسنا بدعم الشرطة والمطالبة بتواجدها بقوة مية فى المية ومش كدة وبس دة المفروض كمان ان احنا نعمل حملة نشر لفكرنا هذا فى كل مكان يعنى سيادة القنصل اللى انا رغم انى لسة عضو مبتدا فى المنتدى الجميل دة بس اتعلمت منة حاجات واخدت بل واستفدت من خبراتة فى كذا حاجة انة يقول لمعارفة وقاربية ان لازم الشرطة تنزل الى الشارع بكامل قوتها لان دة يعتبر مطلب ضرورى جدن اكتر من اى مطلب على الساحة الان بل واكثر من موضوع التعديلات الدستورية وبالتالى كل واحد من اللى يعرفهم هيبلغ صاحبة وصاحبة يبلغ صاحبة وهكذا
واستاذى هشام سمير وجميع اعضاء المنتدى هنا يبلغوا كل اللى يعرفوهم ان دة يعتبر المطلب الهام جدن جدن بالنسبة لابناء مصر وشعبها يعنى انا عايز يكون مطلب التواجد الشرطى هو اللغة السائدة بين ابناء هذا الشعب فى الايام القادمة وايضا يتم عمل صفحات على الفيس بوك بكثافة كبيرة جدن جدن لان دة هو الحل الوحيد بالنسبة للبلطجة وممكن احنا بقة كمان ننفذ فكر جهنمى ونسخن الشرطة كمان يعنى نقول مثلا ان البلطجية بيقولوا ان احنا ميهمناش اى شرطة واى حد وهنعمل اللى احنا عايزينة ولكن اى حل اخر من حمل سلاح وغيرة غير نافع بالمرة لسبب بسيط ان حتى لو فرضنا مثلا ان شاب مننا غير مدرب على حمل سلاح حى ولا موهل لكدة وقابلة واحد بلطجى بلاش اتنين ولا تلاتة انا بقول واحد بس انا متاكد تماما انة ممكن يديلة المسدس اللى هو المفروض مسدس حى وهيبوس ايدية كمان انة يسيبة يمشى
فانا بقول الحل الوحيد هو الشرطة الشرطة الشرطة بكامل قوتها 100 فى ال100
وشكرا

[صقر ابوحسانين]

لالالالالالالالالالالا ده مسدس بلى لو المسدس ده حى كان صوته جااااااااااااااااااامد بكتير وبعدين لو كان حى كان المصاب جاب دم كتير وعمل بركه فى الشارع خلال ثوانى وده عن خبره الصعايده طبعا هههههههههههه

[شبرا]

انا رايي أن المناداه بحماية القانون وقت لا يكون فيه قانون يا إما حالم أو مخادع أو خائف.لا أقصد حد بس ده رايي.وبرضه نفسي أعرف هو ده مسدس حي ولا بلي.مع إحترامي للجميع

[tatoo]

تقريبا ده مسدس بلي