لا تنام قبل فعل خمس

[dr_mohasan]

المشاركة الأصلية كتبت بواسطة khawagah

حضرتك انا مش هألف حديث من دماغى

المشاركة الأصلية كتبت بواسطة khawagah

وهو ممكن يكون حديث موضوع بس انا

او اى حد يقرأه مش هيستغربله فى حاجه يعنى

وكمان انا نقله من اجعل صفحه النبى رقمك واحد على الفيس بوك

أنا فعلاً ماعرفش الحديث ده صحيح ولا لأ وكنت عايز أتأكد منك لأنى توقعت أنك أكيد عارف بما انك صاحب الموضوع

مش المقصود انك تألف حديث ولا حاجة , الحديث لازم يكون ليه سند , يعنى ان فلان رواه عن فلان عن فلان عن رسول الله صلى الله عليه و سلم

و كل ده بيكون ثابت فى الكتب الصحيحة للحديث مثل صحيح البخارى و مسلم و الترمذى ........ الخ للتأكد من صحة الحديث .

و مش كل حديث على الفيسبوك صحيح مهما كانت الصفحة التى تحتويه

اللى مستغرب منه فعلاً هو انك مستهون بأن الحديث ممكن يكون موضوع , ومعتبر دى حاجة عادية و يكفى ان اى حد يقراه مش هايستغربله , (زى ما انت قلت فى مشاركتك)

لا يا أخى العزيز , الموضوع مش بالبساطة دى , لازم تتأكد من صحة الحديث قبل نشره لأنك هاتشيل ذنبه و ذنب كل من يعمل به و ينقله عنك وهو غير صحيح

كما ان الإفتراء على رسول الله بكلام لم يقله يعد ذنباً عظيماً

وفى المشاركة الجاية انا حاهديلك برنامج كمبيوتر يحتوى على الكثير من كتب الحديث الصحيحة التى يمكنك البحث من خلالها عن الحديث المقصود من مجرد كلمة واحدة

البرنامج اسمه موسوعة الحديث

خالص تحيّاتى