حكومه غبيه وقانون متخلف احزروا يا صيادين

[waleedrahmy]

المشاركة الأصلية كتبت بواسطة هشام سمير

يا حسرتاااااااااااه على مصر وعلى الثوره وعلى الثوار
ماشى بعربيتى عاااااااااادى خالص دخلت على كمين شبرا العلوى
الظابط : الرخص والبطايق
انا : اتفضل يا فندم
الظابط : انزل من العربيه .. الظابط ل امناء الشرطه فتشو العربيه
الامين طلع مسدس رش جامو بى تى 90 وعلبة رش وتيلسكوب
الظابط : ايه ده
انا : دا يا فندم مسدس رش وبستخدمه فى الرمايه لانى بمارس هواية الصيد وبلعب رمايه
الظابط خد المسدس ودخل جو والامين واقف معايا وكل شويه يلمحلى عايز فلوس علشان وهو هيخلصلى الموضوع انا عملت فيها مش فاهم لانى رافض انه يستغلنى ومخنوق من الحور كله اصلاً
الظابط : دخلو الحجز وخد منه التيلفون
انا: يا باشا حجز ايه دا مسدس رش جربه حضرتك بنفسك وعلى سبيل الهزار قلتله حتى جربه على ايدى مردش عليا.. ووجه كلامه للعسكرى دخله الحجز قولتلك وخد منه التيلفون
انا : طيب حضرتك هتاخد التيلفون ليه ... العسكرى غمزلى بعينه كدا .. فأنا سكت
الباشا حرز المسدس وبعتنى قسم الساحل وهناك دخلت للمأمور يا باشا يهديك يرضيك قالى مقدرش اسيبك كل اللى انا اقدر اعملهولك انى مدخلكش الحجز وقالى لـ امين الشرطه خليه قاعد معاكم فى النبطشيه
طبعاً ان ندمت انى معطيتش لـ امين الشرطه 50 جنيه ومفيش داعى للحوار دا كله
دخلونى معاهم مكان اللى بيكتو المحاضر وكدا ..
بعد شويه لقيت واحد جاى يقولى ممكن البطاقه قولتله اتفضل خد منها بينات وسألنى اسم ولدتك : قولته ايه اللى حضرتك بتكتبه دا قالى استماررت تسجيل
انا : تسجيل ايه .. رد عليه تسجيل متهم .. قولتو يعنى ايه قالى يعنى كل ما بطاقتك تدخل على الكومبيوتر يبين انه سبق اتهامك فى كذا .....الاستماره دى بقا فيها لون الشعر والبشره والطول واسم الشهره :o
فانا رجعت للراجل اللى كنت قاعد معاه قولتله ايه الكلام دا قالى لازم قولته طيب والحل قالى ممكن نقطعه قلتلو ياريت عملى بأيده وشاور بصبعها الاتنين قولتلو 20 جنيه قالى 200:d
قولتلو ماشى موافق المهم خدو ال200 جنيه وقطعو الورقه
المصيبه انهم عملو ورقه غيرها
فضلت قاعد معاهم لغاية الصبح الصبح بقا خدونى لنيابة الجلاء اتعرضت على النيابه وقلت بس النيابه هتخدلى حقى
دخلت لوكيل النيابه
السلام عليكم .. مردش ومبصليش اصلاً
ها هتقولى انى الحاجه دى بتاعتك ولا مش بتاعتك ..
انا : ايو يا فندم بتاعتى
وبتستخدمها فى ايه .. قولتلى فى الصيد والرمايه
وفضل يلعب فى الموبايل بتاعه
والراجل اللى جمبه يكتب وهو يلعب والتانى يكت يجى نص ساعه وانا واقف
لقيته بيقولى امضى قولتله امضى على ايه ساعتك قالى امضى على التحقيق قولتلو تحقيق مع مين هو انا قولت حاجه
قالى متقلقش امضى بس مش دا بتاع عصافير وكدا قولتو اه قالى طب امضى
قولتلو طيب يا باشا اشوف انا هامضى على ايه لقيه اتعص وقالى قولتك امضى عليا الحرم من دينى لو عيزين نحبسوكم وانتو فى بيتوكم هنحبسكم انتو فاكرين ايه بكره كل حاجه ترجع لو ضعها الطبيعى وفاضل يتكلم انا حسيت بكمية غل فى كلامه على الشعب تكفى دوله ... مضيت علشان ميفكرش يضرنى
لقيت الباشا وكيل النيابه بقا معالى الباشا عامل ايه
اخلى سبيلى بكفاله 1000 جنيه
بعت الحرز للادله الجنائيه
طلب بصحيفة سوابقى الجنائيه
لا وايه حجز العربيه ... نفسى اعرف حجز العربيه ليه
بس الحمد لله العربيه معايا دلوقتى
الموضوع دا حصل يوم الاربعاء الساعه 6 مساءً روحت بيتى يوم الخميس الساعه 3 فجراً من غير عربيتى
ايه رأيكم يا جماعه فى الحاصل دا وايه رأيكم فى نيابتنا الموقره
انا عملت الموضوع دا علشان تأخدو بالكم وانتم بتصطادو او وانتم ماشيين وتعرفو ان عقليات الناس دى بالمستوى دا
مش هقدر اقول غير حسبى الله ونعم الوكيل

[color="blue"]معلش يا ا/هشام احمد ربنا علي كده كان ممكن يقلبوها لقضية حيازة سلاح ناري لو لم يكن عندهم ضمير ........هم كده عملوا عليك شغل قانوني من اول الضابط الي وكيل النيابة بس امناء الشرطة المستغلين هما ال عملوا عليك شغل النصب بتاعهم عشان يقلبوا منك قرشين.............معلش الحمد لله علي كده تابع الموضوع وشوف محامي كويس يتابع احسن يحصل حاجة كدة ولا كدة ................وللاسف هي دي مصر المحروسة بعقدها بروتينها[/color