نرجو الافادة

[Mina]

للتاكيد اكتر لو لسة عاندك راسها انا ممكن اقولك بس طبعا شكلها مش موجودة ومن راى انك تستغفر ربنا وخلاص لانك مكنش اصدك ومكنتش عارف واكيد ربنا كاتب كدة لصحبها وليها

[hoka]

المشاركة الأصلية كتبت بواسطة mina

بخبرتى انى كنت بربى حمام دية اسمها دبلة وفعلا الحمامة دية مملوكة لشخص ما ومعنى الدبلة دية ان صاحب الحمامة دية بيخش بيها مسابقات رمى اى يعنى بياخد الحمامة ويسافر بيها ويطلقها من مكان وعند رجوعها بيقوم فريق التحكيم باخذ السريل الى على رجلها لاعلان الفائز وبم ان الحمام دة بيسافر مسافات بعيدة فهو بيحط فى اى مكان ومع اى حمام ياكل ويشرب ويريح وبعدين يكمل رحلتة دية معنى الدبلة الى فى رجلة

بس دية صدفة و لما كنت بطلع اصطاد زمان كنت بحاول ارف ميعاد المسابقة علشان ابقا واخد بالى وانا بصطاد علشان الحمام دة بيزعل اوى

وممكن يكون الفرد دة مش داخل مسابقة وصاحبة مشترى دبلة من اى مكان للتشهير وسرعة البيع واللة واعلم

تقبل مرورى

المشاركة الأصلية كتبت بواسطة galal khalifa

بالطبع يا محمود في ناس بتعلم الحمام بتعها وخاصة في المناطق الي فيها تربية حمام كثيرة والهدف منها التعرف علي الحمام بين العشش الثانية لما بتوهة الحمامة

شكرا جزيلا استاذ مينا واستاذ جلال على التوضيح وفعلا حاجه جديده اول مره اسمعها
ربنا يفيدنا بخبراتكم دايما وما يحرمناش منكم

[NewSomeBody]

السلام عليكم ,,
الفرد ده نوعه رماية وهو المستخدم فى المسابقات
بس مش بالضرورة يكون دخل مسابقة
لان اغلب الناس الى عندهم غية حمام بيجيبوا دبل ويلبسوها للحمام وهو زغلول لتمييزه
واغلب الدبل بيكون مكتوب عليها اسم صاحب الفرد ورقم تليفونه
يعني الفرد ده اكيد مش بري واستحالة يهرب او يطفش و يعيش مع الحمام البري
ممكن الفرد ده كان طاير عادي زى كل يوم
او صاحبه اخده وطيره من مكان بعيد عشان يشوف هيرجع بعد مدة اد ايه

ويا جماعه ياريت نتجنب صيد الحمام طالما فيه شك
لان والله انت ماتعرف مدي حزن وزعل صاحب الفرد دلوقتى لان ده شيء عزيز جدا جدا عليه

وامسح الصورة والرقم من الموضوع عشان ممكن حد تخصه الحمامة يشوف الموضوع ويعملك مشكلة