صبري نخنوخ وقع يارجاله

[صياد هاوى]

المفروض ان الناس اللى بمنتهى القذاره والقسوه والاستهتار بارواح الناس واعراضهم زى الكلب ده يتصفو على طول من غير محاكمات ولا غيره . للاسف القانون مليان ثغرات ده فضلا عن ان الاحكام والعقوبات ليست رادعه اصلا . علشان كده احنا بنطالب بتطبيق الشريعه وما بها من احكام قاطعه ورادعه لمثل هؤلاء . يمكن بكره يطلع براءه لخطاء فى الاجراءات او اذن النيابه او الناس اللى وراه تعرف تظبطه. حسبنا الله ونعم الوكيل فى مثل هؤلاء الاندال لكم ازهقوا من ارواح انتهكوا من اعراض وروعوا الامنين.

[MBadr]

المشاركة الأصلية كتبت بواسطة صياد هاوى

المفروض ان الناس اللى بمنتهى القذاره والقسوه والاستهتار بارواح الناس واعراضهم زى الكلب ده يتصفو على طول من غير محاكمات ولا غيره . للاسف القانون مليان ثغرات ده فضلا عن ان الاحكام والعقوبات ليست رادعه اصلا . علشان كده احنا بنطالب بتطبيق الشريعه وما بها من احكام قاطعه ورادعه لمثل هؤلاء . يمكن بكره يطلع براءه لخطاء فى الاجراءات او اذن النيابه او الناس اللى وراه تعرف تظبطه. حسبنا الله ونعم الوكيل فى مثل هؤلاء الاندال لكم ازهقوا من ارواح انتهكوا من اعراض وروعوا الامنين.

انا معاك فى الرأى الحل هو تطبيق حد الحرابة على امثال هؤلاء

[الباشا المصري]

وحتشارك معاكم في معلومات اعرفها

نخنوخ ده مش بس مورد بلطجيه وبودي جاردات لكل محلات الكباريهات والكازينوهات اللي

في شارع الهرم والمهندسين والعجوزه والقاهره ده كمان على علاقه جامده جدا برجال أعمال كبار

وأعضاء في الحزب الوطني المحلول وعلى علاقة شخصيه بحبيب العادلي وأحمد عز وجمال مبارك كمان

لأن هو يعتبر عم البلطجيه كلهم لأنه كان بيورد لأي انتخابات - خناقات - مناطق شعبيه - محلات

بلطجيه إما لحمايتها والسيطره عليها أو لتخريبها وتدميرها لدرجه انه كان بيخرب كل اجتماعات

الاخوان المسلمين قبل الثوره ونظير طبعا الحمايه الخفيه دي

لكل الشخصيات الكبيره والمشهوره دي بياخد مقابل مادي رهيب جدا بيصل إلى ملايين الجنيهات

وثبت أنه على علاقه بموقعة الجمل لأنه ورد بلطجيه وهجانه الى ميدان التحرير ولما أتعرف الموضوع

هرب إلى لبنان وافتكر انه مش حيتمسك أبدا ولما الاخوان مسكو البلد أعتقد أن موضوعه أتنسى

ونسي ان عين الله لاتنام

ده عامل جوه الاستراحه بتاعته في المريوطيه حاجه زي الكهف مليانه أسلحه مابين جرينوف وألي

وسيوف وخناجر وبنادق ودروع ورماح كان ناقص بس يجيب مدفع الالمان بتاع الحرب

ده غير جنينة حيوانات فيها أسود ونمور ونعام وثعابين وكلاب مابين دينواه وماستيف وبوكسر

وكلها وحوش هو بيقول ان الاسود بيحبها للتربيه لكن هي للأرهاب

كل الخدمات اللي كان بيعملها للكبار دي كان لازم ياخد أضعااااااافها بالحمايه من العقاب والتستر

على جرائمه لدرجة أوصلته أن موكب عربياته المكون من 6 سيارات مابين شيروكي ومرسيدس

وهو داخل سياره هامر لاتقف في أي لجنه أو كمين ولو أستوقفت بالخطأ ينزل الظابط يحييه بنفسه

ويعتذرله ويفتحله الطريق !!!

شوفتو وصلنا الجريمه لدرجة الاحترام إزاي ودخلناها رتبة المافيا الايطاليه إزاي

طبعا الفتوات بتوعه مش عاجبهم اللي حصله وبيدافعو عنه بإستماته على النت

ودي صور لواحد من فتواته في فيلته وبأسلحته

ومعاه الطبنجه الجلوك اللي كان نخنوخ مطلعها بترخيص


وقد قمت بتغطية عينيه عشان أحنا مش بنشهر بحد













أحد الفلول اللي كان بيحميهم نخنوخ



وابو نضاره ده بدر القاضى نائب مدير امن الدولة ونسيب ممدوح عباس وحبيب العادلى ساكن فى عماراته ومات بعد انتخابات الشعب 2010 ب6 ايام بعد ما كان هيموتنا ببلطجيته فى اتميده


ودي بعض الصور

أحد أسلحة نخنوخ بيبي جلوك



الصوره دي من الاستراحه بتاعته



بعض الكلاب التي يقتنيها نخنوخ بغرض الارهاب للأبرياء

وأقول بعض فقط لأنهم أكثر من 8 كلاب



كما أنه يحمل شهاده شكر من الاتحاد الافريقي لمساندته في تدعيم الاستقرار !!!

عرفتو بقه أننا قدام مافيا كامله


ألف شكر الى صديقنا العزيز mr vigo

على الموضوع ده