بيئة !!!

[Angel]

بسم الله الرحمن الرحيم

كلمة '' بيئة '' دي أكتر كلمة بكرهها في حياتي! ناس واقفة بتتصور

في سيتي ستارز بموبايل.. إيه داعي اننا نضحك عليهم؟ إيه داعي

اننا نقول عليهم بيئة؟ والله معلش أنا عارف إنها صدمة بس مش

كل الناس بتلف العالم و تاخد صور جنب ميكي ماوس في الديزني

لاند !!! لو بيتصوروا في المول فده لأن هو ده المكان الوحيد اللي

يقدروا يروحوه.. و بيتصوروا بموبايل لأنهم ممكن يعيشوا و يموتوا قبل
ما يمتلكوا نص ثمن الكاميرات اللي ...احنا بنتصور بيها ! كلمة '' بيئة

'' دي ثقافة متخلفة ! ثقافة خلت إنك تبقى جامد أما تسافر اوروبا

في الصيف..و تبقى معفن أما تسافر اسكندرية تقعد على شاطئ

مجاني تستمتع بجمال بلدك بدون تكلف! خلت اللي يتكلم لغة

انجليزية بطلاقة يبقى ليه الأولوية في فرص العمل و يبقى كووول! و

اللي يتكلم لغة عربية بطلاقة يبقى اهبل! خلت الناس تقرف من

البلد في شم النسيم و الاعياد عشان الناس البسيطة بيقدروا

ينزلوا و يخرجوا.. بنضايق من لبسهم من كلامهم من انتشارهم.. و

عمرنا ما بنتلفت للسعادة اللي على وشهم! لو صورهم في المول

هتسعدهم.. لو نزولهم البحر بهدومهم هيسعدهم.. لو أي حاجة

بيعملوها بتسعدهم.. يبقى مش من حقنا نحكم عليهم انهم '' بيئة

'' عشان بيفرحوا بالطرق المتاحة قدامهم! شيل الكلمة دي من

قاموس حياتك.. و قدر الناس و طبقاتهم و بساطتهم و افرح لفرحهم

و بصلهم كويس أكيد هتشوف شيء من الطيبة من الحب من

العفوية من البساطة.. أكيد هتشوف شيء من بلدك.. شيء منك!

ساعتها بس هتحس إنك إنسان.. و اللي أقل منك إنسان.. و اللي

أقل منكم إنسان.. إنسان من حقه يفرح و يضحك من غير ما حد

يبص عليه أو ينتقده لمجرد انه مدفعش مينيمم لضحكته (:

[M.Hatem]

بصراحه موضوع محترم جدا احيك عليه وكل البشر زي بعض الي يميزهم العمل الصالح والاجتهاد ف الحياه والمجتمع

[Angel]

المشاركة الأصلية كتبت بواسطة m.hatem

بصراحه موضوع محترم جدا احيك عليه وكل البشر زي بعض الي يميزهم العمل الصالح والاجتهاد ف الحياه والمجتمع

شكراا استاذ حاتم و شرفنى مرورك

[moorey]

موضوع جميل و انا شايف ان الصور بالموبايل حاجه مش وحشه دلوقتي في موبيلات كمرتها بتعدي ال8 ميجا بكسيل
+
انا عن نفسي سعات بحب اروح اماكن بسيطه عن الخروك علي اماكن راقيه

[سندباد زمانى]

المشاركة الأصلية كتبت بواسطة moorey

موضوع جميل و انا شايف ان الصور بالموبايل حاجه مش وحشه دلوقتي في موبيلات كمرتها بتعدي ال8 ميجا بكسيل
+
انا عن نفسي سعات بحب اروح اماكن بسيطه عن الخروك علي اماكن راقيه

مواضع رائع بجد ومن تواضع لله رافعه ومن تكبر وضعه ..

[Angel]

المشاركة الأصلية كتبت بواسطة سندباد زمانى

مواضع رائع بجد ومن تواضع لله رافعه ومن تكبر وضعه ..

تمااام يا كبير من تواضع لله رفعة

[Angel]

المشاركة الأصلية كتبت بواسطة moorey

موضوع جميل و انا شايف ان الصور بالموبايل حاجه مش وحشه دلوقتي في موبيلات كمرتها بتعدي ال8 ميجا بكسيل
+
انا عن نفسي سعات بحب اروح اماكن بسيطه عن الخروك علي اماكن راقيه

يا باشا فى ناس ليها وجهات نظر تانية

[realfighter]

السلام عليكم ورحمة الله وبركاته
والله انى سعدت بقراءة هذا الموضوع الممتاز وخالص تحياتى وتقديرى لاستاذ انجل لانه بالفعل اتكلم على نقطة مهمه وعايز اضيف ان فى الغالب الناس اللى بتتريق على الناس البسيطة وبيوصفوهم ببيئة او باى الفاظ تانيه بيكونوا محدثين نعمة وانا اسف انى بوصفهم بهذا الوصف لان فعلا مثل هذه الافعال لا تصدر الا من محدث نعمة ويستحيل ان تصدر من ابن اصل وحتى لو ولد وفى فمه ملعقة من ذهب
وبالنسبة لمسألة اللغة دى كمان عنده حق فيها اوقات نكون عرب فى حضور شخص اجنبى نضطر نحكى انجلش من باب الزوق عشان هو يفهم او لانه اجتماع رسمى والغريب انك تلاقى الناس بتحكى كمان انجلش بعد انتهاء الاجتماع وتحسهم سعداء باللكنة الامريكية اللى بيتكلموا بيها والغريب انه يقلك انا بكره امركا !!!!!!!!!!!!!!!
تقبلوا مرورى

[Angel]

المشاركة الأصلية كتبت بواسطة realfighter

السلام عليكم ورحمة الله وبركاته
والله انى سعدت بقراءة هذا الموضوع الممتاز وخالص تحياتى وتقديرى لاستاذ انجل لانه بالفعل اتكلم على نقطة مهمه وعايز اضيف ان فى الغالب الناس اللى بتتريق على الناس البسيطة وبيوصفوهم ببيئة او باى الفاظ تانيه بيكونوا محدثين نعمة وانا اسف انى بوصفهم بهذا الوصف لان فعلا مثل هذه الافعال لا تصدر الا من محدث نعمة ويستحيل ان تصدر من ابن اصل وحتى لو ولد وفى فمه ملعقة من ذهب
وبالنسبة لمسألة اللغة دى كمان عنده حق فيها اوقات نكون عرب فى حضور شخص اجنبى نضطر نحكى انجلش من باب الزوق عشان هو يفهم او لانه اجتماع رسمى والغريب انك تلاقى الناس بتحكى كمان انجلش بعد انتهاء الاجتماع وتحسهم سعداء باللكنة الامريكية اللى بيتكلموا بيها والغريب انه يقلك انا بكره امركا !!!!!!!!!!!!!!!
تقبلوا مرورى

بالظبط كدة يا بشهمندس مصطفى حضرتك قولت الكلام المظبوط

[مورو]

كلالالالالالالالالالالالالالالالام جامد اوي تسلم ياكبير

[صياد 1]

انت انسان محترم في كل موضوعاتك وتبحث عن افادة الناس

ربنا يباركلك

[هشام سمير]

كلام محترم

[القبطان المصرى 77]

ربنا يباركلك ياهاشم يارب
تسلم على الكلام الحلو ده
ومفيش فى الدنيا احسن من التواضع
من تواضع لله رفعه

[Mohannad01]

الناس دي فعلا مشكلتها مش هما السبب فيها، سواء كانوا أفقر مننا شوية أو أقل تعليما وثقافة
الواحد ربنا رزقه بمسكن كويس وملبس كويس وأبوين دخلوه مدرسة وجامعة.. يحمد ربنا عليهم ويتمنى الخير للناس كلها بدل التريقة عليهم

شكرا ع الموضوع يا إنجل

[hogan]

[محمد خلف]

الكلمه دي مش في قاموسي اصلا
من حق كل واحد انه يفرح
اظن دا مفيهوش حاجه عيب
و كل واحد بيفرح بالطريقه الي يقدر عليها
انا شايف ان كل واجد حر طالما مبيضرش حد

[Angel of Death]

و الله يا أينجل باشا..
موضوع في قمة الروعة و الحق..

[fadeel79]

السلام عليكم ، الى يقول الكلام ده يبقى فعلا راجل محترم ، والله الذى لا اله الا هو لا يدخل الجنة رجل فى قلبة مثقال حبه من كبر كما حدثنا رسول الله صلى الله عليه وسلم

[diiie_hard]

كلامك كله جميل وزي الفل
بس الكلمة تتقال علي اي حد سواء بسيط او فقير او غني قعد في اي مكان ولو مؤاخذة خلاه مزبلة بعد ما قام ولا نضف الزبالة الي عاملها حواليه ساعتها تقدر تقولها

[Angel]

منورين يا رجالة و الله و الف شكر على المرور

[bodygard 34]

( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون ( 11 ) )

ينهى تعالى عن السخرية بالناس ، وهو احتقارهم والاستهزاء بهم ، كما ثبت في الصحيح عن رسول الله - صلى الله عليه وسلم - أنه قال : " الكبر بطر الحق وغمص الناس " ويروى : " وغمط الناس " والمراد من ذلك : احتقارهم واستصغارهم ، وهذا حرام ، فإنه قد يكون المحتقر أعظم قدرا عند الله وأحب إليه من الساخر منه المحتقر له ; ولهذا قال : ( يا أيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ) ، فنص على نهي الرجال وعطف بنهي النساء .

[Angel]

المشاركة الأصلية كتبت بواسطة bodygard 34

( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون ( 11 ) )

ينهى تعالى عن السخرية بالناس ، وهو احتقارهم والاستهزاء بهم ، كما ثبت في الصحيح عن رسول الله - صلى الله عليه وسلم - أنه قال : " الكبر بطر الحق وغمص الناس " ويروى : " وغمط الناس " والمراد من ذلك : احتقارهم واستصغارهم ، وهذا حرام ، فإنه قد يكون المحتقر أعظم قدرا عند الله وأحب إليه من الساخر منه المحتقر له ; ولهذا قال : ( يا أيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ) ، فنص على نهي الرجال وعطف بنهي النساء .

تسلم الايادى يا كبير

[pooforever_2010]

متشكرين على الموضوع البيئه ده

[tarik el]

فعلا موضوع جامد

[عبد.الرحمن]

الله ينور عليك