|
| الإعلانات |
|
|||||||
| التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
| محدثات الصوت محدثات الصوت. |
 |
|
|
أدوات الموضوع | إبحث في الموضوع | انواع عرض الموضوع |
|
|
14-01-27, 01:43 AM
|
#1 | |
|
صياد جديد
تاريخ التسجيل: Jul 2011
المشاركات: 47
معدل تقييم المستوى: 0  |
رد: canas magnum 9mm وتجربتي مع محل أبو سيف للصيد البري
اقتباس:
ها اشتريت الكناس ماجنوم ولا لسه وعامل إيه إحنا عملنا رابطة الكناس ماجنوم وربنا يسهل... ونزلنا ياصاحبي يوم السبت 25/1/2014 للاحتفال بعيد الشرطة والشهداء من الشرطة والجيش وشهداء الشعب أثناء سنة اللي قعدها الخروف الاستبن وكمان شهداء ما بعد 30/6/2013 وعشان نكيد الخرفان وكان يوم فرحة ويوم جميل...وقبلها بيومين كنت في حنة بتاعت أخو واحد زميلنا وضربت سبع طلقات ماشاء الله مدفع والحمدلله وربنا يكفينا شره...وربنا يسترها ويعديها على خير... |
|
|
|
|
14-01-30, 04:26 PM
|
#2 | |
|
صياد متفاعل
تاريخ التسجيل: Dec 2013
المدينه: حيث تحتم علي الوجود.
المشاركات: 167
معدل تقييم المستوى: 5  |
رد: canas magnum 9mm وتجربتي مع محل أبو سيف للصيد البري
اقتباس:
اااااخ لو كان عندي صورة لك كنت عرفتك وانا شايفك في التلفزيون لكن كدا اكيد شفتك وما عرفتك ههههههههههههههه الله يباركلك في مدفعك ويكفيك شره وعقبالي لما الاقي الاسود او القى احد عايز يبيعه وحاطط سعر معقول يتناسب مع سعره في السوق |
|
|
|
|
|
14-01-31, 02:11 AM
|
#3 | |
|
صياد جديد
تاريخ التسجيل: Jul 2011
المشاركات: 47
معدل تقييم المستوى: 0 |
رد: canas magnum 9mm وتجربتي مع محل أبو سيف للصيد البري
اقتباس:
وكمان صح طيب ماتيجي المنيا تشرفنا وتنورنا وهتلاقي طلبك...في واحد من حوالي ثلاث شهور فتح محل سلاح فرع جديد ليهم هنا هو أصلا من مركز ملوي قبلي المنيا وعندهم 3 محلات تاني...وهاتقولي ماشتريتش منه ليه لأني ساعتها مكنتش أعرفه وكان مغلي الأسعار قوي لأنه مكنش يعرف أسعار القاهرة وكان متابع الأسعار مع تجار السلاح في وسط البلد بس عارف إنه الوحيد في مدينة المنيا وكمان أنا خفت أروح ملوي أو غيرها لأن مراكز قبلي فيها تشديد أمني...المهم رحت عنده واتصاحبت عليه هو شاب محترم ومتفاهم ولما سألته على الكناس ماجنوم قلي أجيبهولك بنفس السعر وإسود أو فضي ويمكن أقل وأي نوع تاني كمان وأي حاجة تعوزها من فروعهم التانية في ملوي أو أي محل تبعهم وقلي إن فعلا كل اللي في السوق واحد...وكمان ياعم ساهر حتى تعالى عشان نشوفك وتشوفنا ونتشرف بيك وتشوف بلدنا وتنور بيك...أنا بتكلم جد مش هزار متستصعبش المشوار وجرب وإن شاء الله تلاقي طلبك وتفرح بيه وربنا يباركلك فيه ويكفيك شره ونتأنس بيك... وياعم أنا والاسرة نزلنا احتفال يوم 25 يناير وعيد الشرطة واتصورنا وهابقى أوريك الفيديو بتاعنا في المنيا لما تيجي المنيا... واسكت شفت المصيبة اللي جرت لمسدسي الكناس واللي عملته فيه...جيت أكحلها عميتها...هـهـهــهـهـهــه...  مش قبل كده قلتلك إنت وتيتو titos إن فيه حبة خدوش صغيرة من الشحن والتخزين من عند التاجر العادي يعني وأنا طبعا دماغي وكلاني   إني بهتم بيه شويتين زيادة لكني بهدلته وأهنته...وربنا يسترها...المهم...عملت عليه حبة تجارب في الأول بقلم دوكو من بره ومانفعش وبعدها كان عندي شوية دوكو عادي فكيته وصبغت الخدوش ومانفعش وماثبتش ونضفته بالتنر وزيته وبعدها رحت لواحد بتاع دوكو وألوان صبغلي الخدوش بدوكو فرن طوول شويا ومانفعش وبرضو ماثبتش رحت فكيت المسدس تاني وشيلت دوكو الفرن ده اللي مكرونة الفرن أحسن منه بالقشط والتنر وزيته...وأخيرا اشتريت إسبراي إسود مطفي إكريلك اسمه BOOST أقوى من الدوكو العادي والدوكو الفرن وملقيتش إسبراي الدوكو الحراري اللي بيقولوا عليه وطبعا فكرت في الرش باإلكترواستاتيك أو بالترسيب الحراري بس معندناش أفران في المنيا وحتى لو في فعلا بس مش هيرضو يعملهولي وممكن يبلغوا عني كمان...المهم رشيت الخدوش بعد مافكيته للمرة الثالثة بالإسبراي الإكريلك ده وعلى فكرة بعد مااشتريته قالولي إن الإسبراي الإكريلك هو ده الحراري...والله أعلم...المهم طبعا نضفته بالتنر قبل الرش أو الصبغ زي كل مرة...وأنا برش كنت برش من قريب فطبعا في حتت سييلت من الإسبراي ونشفت رحت قشطها ونظفتها بالتنر وكمان نضفت الحتت دي المخدشة مش كله طبعا بسنفرة خشابي أنعم حاجة لغاية ماوصلت للون المعدن الأصلي وبعده بالتنر وبعدها رشيت المسدس كله من مسافة أبعد ماعدا المناطق الحساسة طبعا إلى حد ما على قد ماقدرت والحمدلله وسيبته ينشف لمدة يوم كامل وزيته وجمعته تمام وجيت أشيل البلاستر اللاصق من على الاسم والسيريال نمبر وغيره وكده...رحت لقيت بعض التغيير في اللون طبعا وفرق درجة لمعان بسيطة في كل المسدس ماعدا مكان البلاستر طبعا وكمان لقيت حتت سييلت من الإسبراي تاني وده لغاية النهاردة بقاله ثلاثة أيام لون الإسبراي ثابت ماشاء الله...وبس...وإن شاء الله هاسهر عليه تاني واسنفر الحتت اللي سييلت دي بس وهارشها تاني وربنا يستر وإن شاء الله خير... والحمدلله...ومعلش طولت عليك وعالناس زي كل مرة مهو ده العادي بتاعي...أخوك الرغاي بقى وعشان مليش حد فاهمني ولا بيصبر عليا زيك ياغالي إنت وحبايبنا في المنتدى وكمان بصراحة انا خايف من اللي عملته في المسدس في موضوع الصبغ والرش ده ومش عارف ده صح ولا غلط...؟؟؟   المهم إنت إيه رأيك في التجربة دي وفي دماغي البايظة دي المشخللة اللي عملتلكم وش وصداع ؟؟؟ ...يلا أهو بسليكو أحسن من أبو جنيه لب...وأدينا بنتعلم...  
|
|
|
|
|
|
14-02-01, 10:41 PM
|
#4 | |
|
صياد متفاعل
تاريخ التسجيل: Dec 2013
المدينه: حيث تحتم علي الوجود.
المشاركات: 167
معدل تقييم المستوى: 5 |
رد: canas magnum 9mm وتجربتي مع محل أبو سيف للصيد البري
اقتباس:
ياسيدي ارغي براحتك بس انك ترغي لواحد مش فاهم يعني ايه اسبراي اكريلك على حراري على افران على الكتروستاتيك دي الي بجد مهزلة يعني.. يا راااااااااااجل حرام عليك بتعرفني مدى جهلي يعني ولا ايه ؟؟!!  وبعدين يا سيدي ولا يهمك حتى لو ما ضبطش معاك شيله كله على بعضه وروح لافهم محل دهان سلاح في القاهره واديهوله يضبطهولك من جديد وكمان الغي الاسم الكتابة وخليه يحفرلك اسم عادي يعني ولا يهمك حديدك يخدمك مش يبهدلك ويزهقك وبعدين يا سيدي تررررررشه ليه بس حتى الخدوش في السلاح هيبة وحتى في السيارات لكن انتم شعب بيحب الحديد يكون كامل الحديد حلاوته وهو بيعاني زي المصارع كدا يعني قيمته في قوة احتماله للمشقة اما بخصوصي انا والكاناس فلو ما لقيتش اسود فجيب بريتا 84 او ايكول ب29 او ريتاي بارون اصدار قديم شكله واقعي عن الاصدار الجديد.. ههههههههههههه وفعلا انت اول ما قلتلي تعال اشتري من المنيا قلت ماله الراجل دا امال هو جاب من القاهره ليه ههههههههه فديتك مس مستاهل السلاح الصوت اجيله المنيا حجيب اي شي من هنا وان شاء الله جيتي تكون لك انت مخصوص ياسيدي العزيز اجيلك ويزيدني شرف اني اقابلك والله. طمني عن اخبار الكناس دلوقتي عملت ايه فيه وبقا شكله ازاي؟ |
|
|
|
|
|
14-02-04, 01:29 AM
|
#5 | |
|
صياد جديد
تاريخ التسجيل: Jul 2011
المشاركات: 47
معدل تقييم المستوى: 0 |
رد: canas magnum 9mm وتجربتي مع محل أبو سيف للصيد البري
اقتباس:
وإن شاء الله انا ناوي أعمل زي مأنت بتقول هوديه لفرن رش دوكو سيارات وموضوع الحفر ده مش مشكلة لأحسن وزنه يخس زي الدهب هههههههههههههه ده إذا مكنش وزنه فعلا خس أو كش في الشتا دي أو بعد مانضفته بالتنر وزيت المسدسات وسنفرته مرتين لحد النهاردة وشيلت دهان الإسبراي الإكريلك الأخير اللي رشيته عليه وسييل مني وشكله بقى مرقع وجربان زي الحمار الوحشي وسنوبي دوج الكرتون...بس هو ماشاء الله ميكانيكيا شغال زي المدفع...والمشكلة إني لما اجي أرشه في فرن السيارات ده لازم طبعا أفكه حتة حتة مش عارف أعمل إيه وخايف من فكه وتجميعه بعدها لأحسن سوستة أو بنز يطير مني أو يتركب غلط ؟؟؟ بس فعلا والله أنا زعلان عليه ومكتئب بجد على شكله الخارجي لأني فعلا أهنته وبهدلته بدماغي اللي عايزة تظبط برضو هههههههههههه وياباشا إن شاء الله ربنا يهديك لمسدس حلو وتخلصنا بقى ياعم من الحيرة بتاعتك دي وبرضو دماغك تكلك وتلعب في الدهان زي كده ومحدش يبقى أحسن من حد هههههههههههه... وعلى فكرة فعلا هو البيريتا 84 حلو بس حجمه صغير حبتين ولا يقارن معلش مع البي 29 نهائيا متزعلش مني لأن البيريتا نسبة الحديد والصلب فيه أعلى عامل زي الكناس ليه وزنه وقيمته ونادر برضو وربنا يهديك يازميلي... وياعم إنت تيجي المنيا تشرفنا والله بجد من غير مسدسات... وإن شاء الله لما أوصل لحل في موضوع الدهان ده هاقولك على طول وعلى عرض كمان وهاطمنك على اللي أنا عملته... |
|
|
|
|
|
14-02-09, 03:12 PM
|
#6 | |
|
صياد متفاعل
تاريخ التسجيل: Dec 2013
المدينه: حيث تحتم علي الوجود.
المشاركات: 167
معدل تقييم المستوى: 5 |
رد: canas magnum 9mm وتجربتي مع محل أبو سيف للصيد البري
اقتباس:
في فالقاهرة ناس متخصصين في دهان السلاح لو وقتك سمحلك زي زكي عوض وفيه غيرهم تعال على نفسك واصبر شوية وودي العيش لخبازه بدال ما تطلع النتيجة غير مرضية.. وياحبيبي لا تكتئب ولا تضايق نفسك دا مسدس صوت يعني مش سيج ساور بسيطة وكل مسدسات الصوت في الاخر مش من جمالها ولا واقعيتها عشان نزعل على شكلها هي في الاساس شكلها يضايق لما تقارنها بالحي يعني فداك ماجاتش فجمل. وانا ناوي البيريتا 84 فعلا حخليه زي ماهو بكرامته صوت.. والايكول ب29 حيكون في الخطوة التانية للبلي وبشرني دلوقتي اعتقد فات فترة على رسالتك عملت شيء في الدهان ولا لسة؟ ان شاء الله يضبط وما تلقى الا الي يسرك. |
|
|
|
|
|
14-02-09, 10:12 PM
|
#7 | |
|
صياد جديد
تاريخ التسجيل: Jul 2011
المشاركات: 47
معدل تقييم المستوى: 0 |
رد: canas magnum 9mm وتجربتي مع محل أبو سيف للصيد البري
اقتباس:
فعلا كلامك صح وده اللي انا وصلتله كقرار وخاصا بعد مااتشقلبت تاني عالنت وسألت على موضوع التنكيل أو التسويد بالكهرباء لجذب الصبغة أو اللون للمعدن وترسيبه عليه بالكهرباء أو بمعنى أصح الألكتروستاتيك وإتأكدت إنه افضل وسيلة لصبغ وطلاء المسدسات الصوت وحتى كمان الحي وسألت عليه هنا في المنيا وقالولي 300 جنيه للفضي و 600 جنيه للإسود لامع أو مطفي والإسود أغلى عشان هايجيب الخامات من القاهرة والواضح إن الراجل صاحب ورشة التنكيل والإلكتروستاتيك بيستخف بعقلي في الأسعار طيب مهو أنا أروح القاهرة وزي مأنت بتقول وأنا فكرت والله من قبلها بعد مارحتله وقلي الأسعار دي إني أصبر شوية لما إن شاء الله أروح القاهرة وهاروح فعلا لورشة زكي عوض عشان هو متخصص تصليح أسلحة وعنده برضو إلكتروستاتيك...وكمان أنا بعدها اتصلت بأستاذ خالد حامد صاحب محلات أبوسيف للصيد البري اللي اشتريت منه الكناس ماجنوم وقلي أوعى تفك المسدس بنفسك وخاصا الحتت الدقيقة وقلي فعلا على حلين :- الأولاني : إني اشتري دهان صبغة سلاح نوع مستورد بيتباع في القاهرة عند بتوع السلاح بس هو معندوش... والتاني : إني فعلا أروح لورشة زكي عوض وهو فعلا أرخص بكتير من أسعار المنيا...وكمان قلي إن أي سلاح مالوش صبغ إلا بالطريقتين دول وهما الصح أما الدوكو والإسبرايهات ملهاش لازمة وممكن تبوض السلاح... وإن شاء الله خير وربنا يسهل وتيجي سفرية للقاهرة وأروحله... المشكلة هاياخد وقت أد إيه لأني هابقى محكوم بيوم أو أقل في القاهرة كمشوار وإن شاء الله ربنا يسهل... وبص صحيح إنت فين في مصر ؟؟؟ ممكن نتقابل عنده وتبقى فرصة سعيدة بجد ونشوف بعض وهابقى أقولك قبلها وده رقمي عشان نتواصل : وياباشا فعلا البيريتا 84 جميل وتحفة فنية بس عيبه الوحيد حجمه الصغير وده في نظري أنا لكن طبعا مايعبوش أبدا وحاول تسأل على الكبير منه البيريتا 92 الريبليكا برضو وهو موجود بس صعب تلاقيه وممكن يكون غالي ومستعمل ويريت لو لقيته قلي عشان نفسي أجيبه برضو عشان انا بموت وبعشق البيريتا 92 بالذات... أوكي وخلينا على اتصال... سلام... أخوك عمرو هادي |
|
|
|
|
|
| أدوات الموضوع | إبحث في الموضوع |
| انواع عرض الموضوع | |
|
|
فوقت من الاوقات تفتح الحنفية تتلسع من السخونة والسعودية احيانا برضه تكون كدا.. الخليج عموما اجواءه عبارة عن تاهيل لجهنم..
العرض المتطور
