canas magnum 9mm وتجربتي مع محل أبو سيف للصيد البري

[alsaher]

المشاركة الأصلية كتبت بواسطة amrhady

حبيب قلبي وحشنا والله...
فعلا كلامك صح وده اللي انا وصلتله كقرار وخاصا بعد مااتشقلبت تاني عالنت وسألت على موضوع التنكيل أو التسويد بالكهرباء لجذب الصبغة أو اللون للمعدن وترسيبه عليه بالكهرباء أو بمعنى أصح الألكتروستاتيك وإتأكدت إنه افضل وسيلة لصبغ وطلاء المسدسات الصوت وحتى كمان الحي وسألت عليه هنا في المنيا وقالولي 300 جنيه للفضي و 600 جنيه للإسود لامع أو مطفي والإسود أغلى عشان هايجيب الخامات من القاهرة والواضح إن الراجل صاحب ورشة التنكيل والإلكتروستاتيك بيستخف بعقلي في الأسعار طيب مهو أنا أروح القاهرة وزي مأنت بتقول وأنا فكرت والله من قبلها بعد مارحتله وقلي الأسعار دي إني أصبر شوية لما
إن شاء الله أروح القاهرة وهاروح فعلا لورشة زكي عوض عشان هو متخصص تصليح أسلحة وعنده برضو إلكتروستاتيك...وكمان أنا بعدها اتصلت بأستاذ خالد حامد صاحب محلات أبوسيف للصيد البري اللي اشتريت منه الكناس ماجنوم وقلي أوعى تفك المسدس بنفسك وخاصا الحتت الدقيقة وقلي فعلا على حلين :-
الأولاني : إني اشتري دهان صبغة سلاح نوع مستورد بيتباع في القاهرة عند بتوع السلاح بس هو معندوش...
والتاني : إني فعلا أروح لورشة زكي عوض وهو فعلا أرخص بكتير من أسعار المنيا...وكمان قلي إن أي سلاح مالوش صبغ إلا بالطريقتين دول وهما الصح أما الدوكو والإسبرايهات ملهاش لازمة وممكن تبوض السلاح...
وإن شاء الله خير وربنا يسهل وتيجي سفرية للقاهرة وأروحله...
المشكلة هاياخد وقت أد إيه لأني هابقى محكوم بيوم أو أقل في القاهرة كمشوار وإن شاء الله ربنا يسهل...
وبص صحيح إنت فين في مصر ؟؟؟
ممكن نتقابل عنده وتبقى فرصة سعيدة بجد ونشوف بعض وهابقى أقولك قبلها وده رقمي عشان نتواصل : 01001828494
وياباشا فعلا البيريتا 84 جميل وتحفة فنية بس عيبه الوحيد حجمه الصغير وده في نظري أنا لكن طبعا مايعبوش أبدا وحاول تسأل على الكبير منه البيريتا 92 الريبليكا برضو وهو موجود بس صعب تلاقيه وممكن يكون غالي ومستعمل ويريت لو لقيته قلي عشان نفسي أجيبه برضو عشان انا بموت وبعشق البيريتا 92 بالذات...
أوكي وخلينا على اتصال...
سلام...
أخوك
عمرو هادي

استاذنا الحبيب.. واحشنا كيف حالك وكيف حال المنيا على حسك
بخصوص الدهان لا ياراجل 300 و 600 ليه حرام تشتري واحد جديد احسنلك وما تستعجلش نهائي الموضوع بسيط وطالما المسدس شغال ميكانيكيا ما تخليش الشكل يضايقك بسيطة جدا محلولة مقدما
واعتقد انه صعب جدا اي ورشة في القاهرة حتخلصه في يوم صعب لكن عادي خليه عنده ووقت ما تنزل تاني خده مافيها شي او يا سيدي اذا حبيت اخليلك هو عندي لحد ما تنزل تاني وتاخده انت تأمر بس الي يريحك ودا رقمي 01119633110 وانا سجلت رقمك لازم اشوفك لو نزلت انا في مصر مابين القاهره واسكندرية "اسكندرية عشان الدراسة والقاهره لاني اتابع بعض الاعمال للوالد في القاهره" لكن فين ما كنت اجيلك مخصوص ان شاء الله لو حتيجي القاهره..
اما البريتا 92 فدا حدوتة صعب تلاقيه خصوصا القديم منه الايطالي الاصلي ال 8 ملم لانه نسخة من الحي في صناعته كخامة وشكل وخزنته واسعة وبيت النار واسع فبمنتهى السهولة تحوله لحي لما تغير الماسورة عشان كدا غالي جدا ونادر, الي ممكن تلاقيه هو الجديد منه ال 9ملم وطبعا لا الخامة ولا حتى الفينش زي القديم يعني لو جبت بريتا 92 عليك بالقديم ال8ملم او بلاش..
وانا نويت خلاص حجيب البريتا 84 سواء 8ملم او 9ملم مش حتفرق لاني حستخدمه في الصوت وانا ناوي اجيب ال 8ملم لو فضل موجود لحد مااجي اشتريه عند الاستاذ الي مكلمه عليه لو راح حجيب ال 9ملم الفرق بسيط في لمعة الدهان والخامات لكن بما اني حستخدمه صوت مش حتفرق