طريقة بسيطة لإجراء عمليات الضرب الحسابية المعقدة.

[subzero]

بسم الله الرحمن الرحيم
انا جربت كده لحد ما وصلت لطريقة تخليك تضرب باقي الاعداد لحد 99
بس بشرط تكون الاعداد المضروبة في بعض ليها نفس عدد العشرات
يعني مثلا الارقام المحصورة من 21 : 29 لوحدهم
ومن 31 : 39 لوحدهم وهكذا

نبدأ على بركة الله
احنى في الطريقة اللي الافوكاتو حاطتها اشتغلنا من 11 : 19
وبتطلع النتيجة تمام
في حاجة بتتعمل وسط العملية الحسابية بس مش بتتقال في الاعداد من 11 : 19
لان العملية بتبقى في الاعداد دي بالضرب في واحد
فعلشان كده مش لازم تتقال بس ايه بقى اللي بيتعمل
يعني مثلا 11 : 12
-احنى بنضرب 1*2 ونحط اول رقم
-بعد كده نجمعهم ونحطه تاني رقم
هنا بقى اول حاجة مش بتتقال
انك بعد ما تجمعهم بتضربهم في الرقم اللي في خانة العشرات
وبما انه في الحالة دي هو الرقم واحد فالناتج مش هيفرق
-الحاجة التالتة انك بتنزل رقم العشرات زي ما هو
وهنا برضو المفروض انك بتضرب الرقمين اللي في العشرات في بعض
وعلشان هنا الرقم واحد فـ مش مهم تتقال انك بتتضربه
-----------------------------
تعالى بقى نجرب الطريقة اللي قولهالك فوق على الاعداد من 21 : 22
مثلا ناخد 23 و 25
تضرب اول عددين 3*5=15 يعني 5 هو اول رقم
بعد كده تجمع 3+5=8 اضرب بقى هنا في رقم العشرات اللي في الحالة دي هو2
2*8=16 بعد كده ضيف عليه الرقم المتبقي من العملية السابقة 16+1=17
وناخد رقم 7 ونحطه تاني رقم عادي زي اللي من 11 : 19
بعد كده تضرب رقمين العشرات في بعض 2*2=4
ضيف عليهم الواحد المتبقي من العملية السابقة =5
اذا التاتج 575
قيس بقى على كده كل الاعداد التانية
اسف جدا على الاطالة
بس انا قولت لازم اقولكم اللي وصلت له
تحياتي