الخوف من شراء سلاح من محلات الاسلحه او من اعلانات من علي النت

[Hamdy Ebrahem]

ههه هو فى مخبر اسمه عفرتو ولا ممكن يكون تمويه ؟ ههه انا بهظر طبعا احترامى لجميع الاعضاء هو زى ما الكل قال لو انت شايل حاجه وخايف حتتمسك اصل بتوع الجيش دول بيبقو عاملين زى كلاب الصيد بيشمو الخوف من على بعد ولو انت خايف حيطلعك من بين الف واحد (قليل البخت يعضه الكلب فى المولد) انا عن نفسى اول مرة كنت بمشى بمطوة ايام حظر التجوال كانت اول مرة اشيل فيها سلاح معاى وكنت ببقى خايف وانا ماشى وفى مرة وانا ماشى قابلتنى لاجنه صغيرة ومن هبلى اول ما العسكرى بصلى حسيت انه شاكك فى ولسه جاى على وبيقول لى بطاقتك وقمت مفلسع من ادامه وهاتك يا جرى وهما ما صدقو سابو اللى كان فى ايديهم ودورو الجرى وراى تقولش لقو لقيه واتنين منهم كانو معاهم السلاح بتاعهم وامسك يا جدع وحلق يلا وسبحان الله ولا واحد من اللى فى الشارع مسكنى ولا كعبلنى وربنا سترها نعاى ودخلت شارع ولحقت رمتها ولما مسكونى وقعدو يسالو انت بتجرى ليه وطبعا ده ما كانش بطريقه ادميه ولا زوقيه هما يعنى جابو سيرة الحاج الوالد والست الوالده بكلام ابيح وكان فيهم واحد بيفكر يضرب بس الناس اتجمعت وقاعدو يهللو عليهم حرام عليكو وكده يعنى وهما خافو قولت له اصل انا معييش بطاقه ومعاى اشتراك قطر ولما الناس كترة سبحان الله الحال اتغير 360 درجه ولقيت اللى كان ماسكنى من قفاى ايده بتعدل لى ياقة القميص واللى كان رافعنى من الحزام من ورا ايده بتنفض البنطلون مع العلم ان البنطلون نضيف ولقيت نظرة ابو لهب اللى على وشهم اتحولت لنظرة طفل برئ نايم بياكل رز مع الملايكه وبيقولو لى مش كنت تقول بدل ما تتعب نفسك فى الجرى وتتعبنا معاك وماله اشتراك القطر هو كفر يعنى يا ابنى روح ربننننا يسهلك ...ادى الشرطه اللى فى خدمة قفا الشعب ولا يسو حاجه لما الناس اتجمعت عليهم وروحت اخدت المطوة ومشيت ...وبعدها ولحد دلوقتى بمشى فى بالشنطه وفيها يجى حوالى خمس ست خناجر صناعه يدويه فى الشنطه وبعدى من على الظباط ولا اى حاجه ....انا اسف على التطويل بس المغزى وزى ما قلتم لو انت مش خايف محدش حيشك فيك وعدى من على الظابط ولا كانه موجود او فكر فى اى موضوع وانت معدى عشان ما تديش عقلك مساحه للخوف واحذر من ان انت تغنى وانت معدى من جنبه حيقول انك متكيف واحتمال 80 فى الميه حيوقفك واوعى لو وقفك تخاف حتى لو معاك حاجه واوعى تجرى لو نادى عليك حتى ولو بطريقه متعجرفه فى حاله لو سالك ايه اللى معاك فى الشنطه قول له طلبات للجماعه فى البيت اما لو قال لك وريها لى واصر وطبعا تكون بطاقتك معاك مش معاه ففالحاله دى طلع البور اللى جواك كله ودور الجرى وافتكر انهم لو مسكوك حيعملو فيك ايه وانت حتلاقيك بتجرى بسرعه اسرع من الفيرارى ولو مسكك استهبل واعمل فيها اهبل وقول له اصل امى بعتانى اسنهم او اصل انا بتعلم الجزارة او الواد اللى كان راكب جنبى غير الشنط او انا كنت نازل اجيب ورقة بوسطه وادونى الشنطه دى هديه اعمل فيها عبدو الاهبل وخلاص ... بس خلى عندك ثقه وانت معدى واتحكم فى ضربات قلبك عشان كل اما حتسرع من الخوف ريقق وشفايفك حتنشف وحتعرق وحيبان عليك ...واخيرا انا بعتذر عن الاطاله المببالغه وارجو تقبل المرور الطويل والممل ده