احسن واجمل واجمد واقوى بندقية على وجه الارض

[hoka]

المشاركة الأصلية كتبت بواسطة sghr220

و عليكم السلام و رحمة الله و بركاته
كلام زين و الله يا استاذ محمود و مفصل و لكن ليا تعليقين بعد اذنك:
أولا انت مش شايف انك مسحت بيها البلاط شويه...يعني بالمقارنة بالبنادق الخردة اللي بتتباع في المحلات في مصر بألوف تبقا الاكستريم ست الحسن والجمال او بالتحديد ست الحته و بعدين الدقه دي حاجة نسبية خصوصا في الصيد يعني مثلا الاكستريم بتجمع 10 رشات في 0.5 بوصة على مسافة 25 ياردة فالدقة دي بالنسبة لهدف طوله 15 سم (حمامة او يمامة) على بعد 15 او 20 متر تبقى ممتازة...مع الأخذ في الاعتبار القوة المفرطة.
ثانيا طبعا المقارنة في التجميع بين بنادق السوستة و ال pcp في صالح ال pcp بالتأكيد و لكن يعيبها ثقل الوزن و ذي ما انت قولت احتياجها للشحن من حين لآخر (بس هيا فين ربنا يوعدنا )

يا افندم ما مسحتش بيها بلاط ولا حاجه بس اصلا السرعه العاليه سواء لنمره 1 او 2 بتسرق الطير وانسى انك تعمل حصيله ببندقيه مفرطه القوه
الحاجه التانيه طرائد البندقيه ديه مش موجوده فى مصر
البندقيه فيها عيوب كتير ومميزاتها قليله
هل حضرتك تعلم ان عيب ال1250 هو كبر حجم مسكتها؟؟؟
وهل حضرتك تعلم ان عيب الويبلى باتريوت هو ثقل وزنها؟؟
اى حاجه فى البندقيه حتى لو شكلها تبقى عيب وانا بقول ان ليها منافسين كتيييييير جدا وخاصه الديانات اللى نسيت ازكرهم وهى متواجده عندك فى مصر
وكمان سرعه البندقيه ديه نمره 2 بالرصاص 950 قدم/ث فى حين ان سرعه الديانا 350 ماجنوم حوالى 890 قدم/ث (بالرصاص)
فيه بندقيه اسمها بينجامين سوبر ستريك سرعتها اقل من سرعه الاكستريم ب150 قدم/ث وهى المنافسه ليها وسعرها اقل منها ب300 دولار
اللى اقصده ان البندقيه تمام ولكن مش عاوز الاعضاء يتغرو بالقوه المفرطه لانها غلط
بالنسبه بقى لبنادق البى سى بى فزى ما قلت لحضرتك دقه متناهيه قوه جباره و(خفه الوزن) لان مش كلهم تقال اوى واتقل واحده فيهم فى وزن البام 21 تقريبا
فعلشان كده عاوز الاعضاء ما يركزوش مع البندقيه ديه لانى ملاحظ كذا موضوع عنها وكلام عن انها موجوده فى مصر والكل نسى بندقيته المسكينه وخياله خده للاكستريم وده غلط ولازم تحب بندقيتك حتى لو ابطأ بندقيه فى العالم والبندقيه زى الزوجه تحبها تحبك وترضيك تبص لغيرها تعكنن عليك
هههههههههههههههههههه
يللا سلام عليكم