وفاة شخص بسبب صيد العصافير

[ahmadkader]

و الله هو مش صيد العصافير هو السبب ، الخناقة واردة إنها كانت تحصل بأى سبب ، المشكلة عندنا فى طريقة الإختلاف ، إحنا للأسف شعب مابيعرفش إزاى يختلف مع بعضه ، ده عشان أهون سبب فى الشارع تلاقى الناس مسكت فى بعضها ، أنا أفتكر موقف لا يمكن أنساه أيام اللجان الشعبية و كنا كلنا ساعتها مسلحين ، واحد من الشارع اللى ورانا حصل خلاف كلامى بينه و بين واحد من الشارع بتاعنا و كانت هتبقى مجزرة بمعنى الكلمة لولا تدخل العقلاء و الحمد لله لمينا الموضوع بسرعة شديدة و طلعنا ده بيته و ده لبيته عشان نقصر الشر ، أتمنى أن يتحلى الناس بالصبر و ميبقوش متحفزين دايما للشر
قال رسول الله - صلى الله عليه وسلم - ( أنكم لن تسعوا الناس بأموالكم فليسعهم منكم بسط الوجه وحسن الخلق ) رواه مسلم وقال ( لا تحقرن من المعروف شيئاً ولو أن تلقى أخاك بوجه طليق ) رواه الحاكم والبيهقي ، وعن جرير بن عبدالله رضى الله عنه قال : ( ما حجبني النبي صلى الله عليه وسلم ، ولا رآني إلا تبسم في وجهي ) رواه البخاري