موقف صعب جدااااااااا

[silver_5000]

المشاركة الأصلية كتبت بواسطة boogy

اولا يا جماعة الف حمد لله على سلامة الاستاذ محمد ياقوت
ثانيا الاستاذ محمد عمل الصح لان البلطجى ده افتكر نفسه قوى لمجرد ان معاه مطواة وفاكر ان اللى قدامه اعزل فكان عايز يفترى لكن لما لقى اللى قدامه اقوى منه رجع زى الكلب مكانه لانهم ماشيين بمبدأ القوى ملهوش اللى اقوى منه
ثالثا ا/ سيلفر 5000 بيقول كله يهون قدام حياتك ما هو كان هيقتله هو حضرتك فاكر انه كان هيزغزغه ولا حاجة
رابعا وده الاهم كككككككككككككككككلنا عمالين نقول يا رب يفتحوا التراخيص يا رب يفتحوا التراخيص هما هيفتحوا التراخيص دى لمين ان شاء الله مش لكل مصرى والبلطجى ده جنسيته ايه مش برضو مصرى ايه اللى يضمن لسيادتكم ان يكون 80% من البلطجية الفعليين غير مسجلين ويحق ليهم الحصول على رخصة سلاح وابقى تعالى فى موقف مشابه بعد كده لما كل واحد من الناس الكويسة والبلطجية معاه سلاح مرخص على السواء وييجى البلطجى يقتل الانسان الكويس ده طبعا هيتقال دفاع عن انفس وربنا وحده اعلم مين اللى كان بيدافع عن نفسه ومين اللى كان بيعتدى وربنا يعدينا منها على خير ويسترها على مصر واهلها الطيبين

حبيب قلبى يا بوجى باشا انا اللى اقصده ان لو اللى ادامك معاه سلاح نارى ف ده مفيهوش هزار و ساعتها لازم تضربه بالنار و ف مقتل لان حياتك قصاد حياته , انما مادام معاه مطواة و لا سنجة حتى اقدر اعجزه من غير سلاح نارى , يعنى انا مثلا معايا المسدس البلي ف العربية و جنزير حديد تقيل برضه ف العربية , بحيث ان كل موقف و ليه السلاح اللى ينفع فيه , و عموما انا معاك ف مجمل كلامك ان احنا عايزين نخلص من البلطجة مش من البلطجية لان مهما حصل يا جماعة احنا مش ف غابة , مش اللى معاه سلاح اقوى يموت التانى , و حتى لو هو ده مبدأ البلطجية ليه مبدأهم هما اللى يبقى صح مادام احنا عارفين انهم غلط ليه نعمل زيهم , وخد بالك ان زي مانت بتقول ان فتح باب التراخيص هيخلى السلاح الحى متاح اكتر ادام البلطجية , يا ريت تكون فاهمنى يا جميل , و خليك فاكر " الاختلاف ف الرأى لا يفسد للود قضية "