شكوى من الإدارة ... هام جدا جدا

[الأفوكاتو]

المشاركة الأصلية كتبت بواسطة tarekvb

استاذ افوكاتو حضرتك جيبت منين ان تكرار المشاركة مخالفة ايه المشكلة فى التكرار انا مش فاهم لحد دلوقتى ؟؟؟ والسبب اللى مش عاجبك انى بكتب توقيعى عشان وجود الادارة لا مش ده السبب انى اقول ان الادارة موجودة بس السبب ان عشان يتبعت على الميل ردود كل موضوع لازم اشارك حتى لو الموضوع ميخصنيش يعنى لو فيه حاجة تخلى كل الردود تجيلى على الميل مباشرة بدون اضافة مشاركتى مكنتش هتلاقى توقيعى غير بس فى الحاجات اللى عايز اعلق عليها وبعدين ايه المشكلة انى اكتب نفس التوقيع فى قسم الاسلحة وايه الخطا فى تكراره سواء دعاء ولا حتى حاجة ملهاش معنى من الاساس طالما لا تخرج عن الاداب العامة والذواق اى مشاركة مقبولة ولو اتكررت مليون مرة
ولما ادخل فى اى قسم مثال قسم السلاح اللى حضرتك مشرف عليه والموضوع لا ادرى عنه شى وجديد عليا وعايز اتابعه ايه المفروض اكتبه عشان كل الردود تجيلى على الميل؟ ما الموضوع جديد عليا سواء حضرتك ولا ا / سمسم مصميمين اكتب رايك طب ممكن الواحد يلعب بالالفاظ احلى لعب وعشان مشاركاتى متكونش متكررة انا او غيرى وتزعلكو اوى ممكن كتابة كلام مختلف ولا حتى نقل مع تعديل من مشاركة اخرى واصبحت كيدا مش بكرر (كيدا بعد ملفينا على بعض بقينا حلوين ومش بنكرر وبندينى راينا ؟؟؟؟؟؟؟؟؟؟؟؟؟؟؟؟؟) انما لما الواحد يكون مش عارف ومعدوش خبرة فى مواضيع مختلفة لازم يكتب حاجة عشان يجيلو ردود ده غير ان عندى فى السوق وهو اضخم قسم بيجى اكثر من 250 ميل يعنى الواحد بيكتفى ان الردود مفهاش تجاوز ولا تخرج عن ادب الحوار ومفيش وقت ان الواحد يكتب مشاركاته فى كل العدد الهائل ده

خدووووووووووووووووووووووو المفاجاءة الكبــــــــــــــــــــــــــــــــــــرى

حضرتك زعلان وعامل موضوع واتنين وتلاتة عشان واحد بيكرر مشاركته اللى هى مفهاش غلط ومعلن الحرب وحذف بدون سبب وحتى التكرار مش سبب مقنع للحذف والموضوع شاغل سيادتك بشكل غير عادى انا بعت للادارة اللى هى تعتبر المشرع ونحن المنفذين وحضرتك خبرة اكثر من فى هذا الاقتراحات التالية :

تنبيه هــــام و تحذير للاعضاء

لابد من اتباع البنود الاتية عند عرض السلع واى اخلال او نقص بند منها سيؤدى الى حذف الموضوع ودون تنبيه او قبول اى اعذار من العضو صاحب الموضوع .
وسبتم العمل جديا بهذه التنبيهات ابتداءا من الثلاثاء الموافق 15/6/2011 والبنود هى:

1 - وضع الصور (الاصلية للسلعة وليس صورة من النت)
2- وضع السعر
3- وضع المواصفات كاملة
4- وضع وسيلة الاتصال (الموبايل مثلا)
5 - عدم تكرار المواضيع فى الاقسام المختلفة
6- عند طلب او عرض مسدسات حية لابد من وضح صورة واضحة للرخصة ( للتاكد من وجودها ومنعا من ان يكون المنتدى مجال لتجارة السلاح الحى دون ترخيص)
7- على العارض اجابة جميع الاستفسارات التى تخص سلعته حتى تكون عملية البيع واضحة

يعنى طلبت حاجات فى الصميم حاجات لو اتنفذت هتخلى فى نظام افضل وهتحد من السلاح الحى اللى بيتباع وهتخلى محدش هينزل اعلان الا لما يكون شامل كل التفاصيل مش واحد يكتب كلمة وكل شوية الاعضاء تتحايل عليه الصور السعر المكان المواصفات بس انا لما اقترحت محذفتش زى حضرتك من نفسى عرضت الموضوع فى صمت على الادارة وكانت المفاجاءة الرد التالى :
لا ارغب فى ان تكون الشروط تعسفيه ... بمعنى انه مادام لا يوجد بالمواضيع مخالفات مرفوضه فلا مانع ان نتجاوز للاعضاء .. فبعضهم لا يمكنه مثلا تصوير السلعه لانه لا يمتلك كاميرا جيده .. والبعض الاخر لا يعرف كيف يقوم برفع الصور والبعض وهكذا .. فلا داعي للتضييق على الاعضاء .. المنتدى لا يجب ان يكون مكانا معقداً وكانه مبنى حكومي ثم ان نقطه عرض التراخيص للاسلحه الحيه هي فى الواقع اضرارها اكثر من منافعها .. فعرض مثل هذه الوثائق الحساسه على الانترنت هو خطر فى حد ذاته .. ونشر المعلومات الشخصيه للاعضاء ايضا هو امر مرفوض وتعدى على الخصوصيات .. اعذرني ارى ان يبقى الوضع كما هو عليه حاليا بالنسبه للقواعد الموجوده .. مع احترامي الكامل وتقديري لرغبتك فى تطوير المنتدى وجهدك المبذول فى القسم مع باقى المشرفين ..

يعنى كل الحاجات المهمة اللى اقترحتها (مش مشاركات متكررة حذفتها وعامل عليها مواضيع) كان فى النهاية والرد ليا ولكل المشرفين ان لا منع فى كل حاجة طالما العضو لم يتجاوز حتى فى عرض السلاح الحى لا مانع منزلش الصور لا مانع ولو شددنا على الاعضاء اصبحنا من وجهة نظر الادارة مبنى حكومى (ده راى المشرع) يبقى لما كله مباح ومفيش مشاكل فيه
حضرتك جاى على مشاركات متكررة لا تضر اى موضوع فى شى وجاى تحذفها وعاملها مخالفة ليك عليا يا سيدى فى كل مشاركة فى قسمك هكتبلك جملة شكل وساعتها مش هتقدر تلغيها مهى مختلفة وبلغه القانون اللى انت اشطر منى فيها هستغل الثغرة دى يبقى شاركت ومتحذفتش ليا مخرج برده (بس ليه اللف والدوران مكل واحد يكتب اللى عايزه براحته طالما مخرجش عن الاخلاق والادب)

يا طارق بيه الموضوع مش موضوع لف ودوران ولا هو موضوع تحايل علي القانون .. الموضوع موضوع رغبة من جواك انك تحس اد ايه انت ليك بصمة في المنتدي .. ليك أراء (ولو غير مقبولة) .. ليك مواضيع مهمة .. ليك مشاركة فعالة .. مش مجرد توقيع بحجة رسالة الميل توصل .. ده مش مبرر .. وعلي فكرة أنا ولا اعلنت الحرب ولا حاجة .. ولا هزيد منك ولا هنقص وانت كذلك .. ويا طارق اي عضو لو دخل علي ملفك أو ملفي الشخصي هيلاقينا احنا الاتنين متسجلين كأصدقاء لبعض ودي حاجة انت ناسيها .. فاكر لما قولتلي اعمل موضوع (اللي عايز روم يجي هنا) كنت بتشارك وليك أراء وتوجهات .. أما الآن فأين انت .. غير في توقيع بحجة الميل .. صدقني انا مش عايز حاجة أكثر من أن الموضوع يبقي واخد شكل صح .. وانت عارف ان المشكلة ان وضعك انت بالذات حساس لأنك يا سيدي من طاقم الادارة .. والأعضاء بتقلدك وانت عارف .. مثل عضو اسمه (أسامة) وعضو اسمه (محمد عثمان) وغيرهم كتير .. بعد كدة المنتدي مش هيبقي فيه خبراء .. هيبقوا كلهم كتبة .. يمضو حضور وانصراف .. وانت عارف المنتدي زمان كان ايه ودلوقتي بقي ايه .. تقدر تقولي فين واحد زي الأستاذ (بدر) ولا (القنصل) ولا الناس بتوع زمان ؟
المنتدي بقي كله : بالتوفيق .. أدعية .. حكمة .. حاجات من دي .. مافيش رد مفيد ..
الموضوع لازم يجي من جوانا مش لمجرد تنفيذ أوامر المشرعين .. ونفسي تفتكر أنك وضعك حسااااااااااس .. غير الأعضاء
عموما .. لو عايزها خلطبيتا .. والمنتدي يبدأ يعك .. أنا عن نفسي مش هسمح بكدة (علي الأقل في قسمي) ولو هتيجي علي إلغاء عضويتي من المنتدي .. يا راجل ده أي حد دخل المنتدي أول ما بيعمل عضوية بيقول أنا معجب بأرائكم وعايز أبقي معاكم .. يعني بيتابع الأول بدون تسجيل ردود واحد زي بدر ولا القنصل ولما بيلاقي أراء مفيدة بيدخل وكلنا كنا كدة .
وأنا فاكر أول موضوع ليا كنت داخل اسأل بدر علي حاجة .. والراجل متأخرش .. السؤال بقي : هل لو أنا شفت قبل التسجيل إن كل الردود عبارة عن جمل معينة وبالتوفيق كنت هسجل في المنتدي؟
خالص تحياتي للجميــــــــــــــــع