انا رايح التحرير يوم 8 يوليو عشان الاسباب دي

[loot-ait]

يا جماعة انا عاوز الفت نظر حضراتكو لموضوع كده المنطقة بتاعت التحرير فيها كام واحد ساكن و فيها كام واحد شغال....ده خراب بيت للناس ديه.انا شغال فى فندق هناك عاوز اقولوكوا ان ألأمور كانت بدأت اي...ه تمشى يعنى.و أول ما يقواوا مليونية ولا مظاهرة ولا بتاع تلاقى هوب الأشغال من 25 % ل 5 % بعد مكان فى نفس الوقت ده من السنه 90% و 95 % يعنى خراب بيت مستعجل لكل الى شغالين هناك.+ بص على منظر المحلات الى فى الميدان بقت حاجة تحزن فعلا.المحلات بقت خرابه و ناس كتيره كاتبه للأيجار و للبيع....!! ده غير الناس الى ساكنه هناك عايشه فى رعب بقالها 7 شهور و دول ناس معظمهم ناس كبيره فى السن و ملهاش مئوى غير البيت ده يعنى انا شايف كل الى بيعمل كده وبيروح التحرير و بيشارك فى حاجة زى ديه فده بيشارك فى ذنب و الضرر الى بيقع على كل الناس الى ذكرتهم قبل كده و أكيد ربنا حايحاسبهم على كده.انا بالصدفة كنت مصور صوره للميدان يجى من سنة كده قبل الأحداث ديه شوفوه منظره عامل أزاى و دلوقت عامل أزاى حاحاول ارفعهالكوا.....انا مش بتكلم دلوقتى خالص على حسنى و لا اأتباعه يتحكموا و لا حتى يتحرقوا بجاز لحسن الناس الى صوتها عالى تقول انا فول ولا حتى فلافل للعلم( انا اسكندرانى و شغال فى القاهرة).و عاوزين تشوفوا منظر الميدان دلوقتى كفايه زيارة و احده لهناك عشان تشوف المزبله الى بقت هناك بقى عامل زى المولد الناس الى من اسكندريه بقى عامل زى كوبرى ابو سرحة عند ابو سليمان من 20 سنه كده لما كان فى ترعه.وزباله و قرف ,حنقول ايه ربنا يرحمنا و نقول(اللهم اضرب الظالمين بالظالمين و أخرجنا منهم سالمين)