طلعه مع المهندس

[sakr2010]

المشاركة الأصلية كتبت بواسطة hoka

السلام عليكم
انهارده ربنا رزقنى بانى اتعرف على صديق جديد وفريد من نوعه وهو العضو عادل عبده
هو احد اعضاء فريق الرمسيس وبصراحه الشاب ده مهندس وفنان سواء فى الصيد او فك وتركيب السلاح
فى الصيد كان بيضرب اليمام فى الراس او الرقبه ويوم ما الرشه بتفلت منه بتيجى فى الصدر وتقفل اليمامه (طبعا انا بريش طول اليوم ههههههههههههههه)
فى الصيانه وفك السلاح فهو فك الرمسيس بتاعته وعامل فيه حبه شغل مخليها خرساااااااااااااا بمعنى الكلمه وكمان متحكم فى قوتها بطريقه غريبه كده وانا شخصيا اتعلمت منه ميكانيزم عمل البندقيه (كنت فاهم الميكانيزم غلط) وكمان فهمت ازاى افك البندقيه الرمسيس وعرفنى على كل انواع الجلب واشكال السوست وبجد هو فنان بس محدش مديله حقه
المهم
خرجنا واصطدنا لفينا ساعتين بالعافيه وفصلنا طبعا(بسبب الصيام وعليكم خير) فرجعنا ريحنا عندى فى البيت شويه ووالله الواحد كان مكسوف لانى مش عارف اعمل معاه واجب لدرجه انى كنت بقوله هافطرك من التعب علشان اعمل معاك الواجب الصح
هههههههههههههههه
بعد ما حكينا شويه وخنقنا على نفسنا بالبنادق وسيرتها(كحال اى صياد) وفك البندقيه (بالمناسبه هو فكها لعيب غريب فيها كنت بكسر علشان اظبطله النشنكان على جزء صغير اوى من الطوبه فى الشارع لقيت البندقيه بتكسر وتلقط واضرب والرشايه زى ما هى فى الماسوره فقلنا اكيد حاجه وقفت فى فتحه البستم وشكينا تبقى الجلبه فتحنا البندقيه لقينا كل حاجه سليمه فياريت الخبراء يفيدونا)
هو فلسع بدون اى واجب والواحد كان فى نص هدومه من الكسوف وانا جيت احط الموضوع لقيت النت قاطع فعلشان كده اتاخرت عليكم
اسيبكم مع الصور وكفايه رغى بقى (ههههههههههههه)
سلام عليكم





معلش ديه صوره دم يمامه دبحناها والله ولما روحنا لقيناها صاحيه خلصنا عليها على طول نزلت الدم ده كله

رحلة جميلة وموفقة يا حوكا وكمان انت طلعت مع راجل محترم جدا جدا وخدوم

استاذ عادل مبروك على الطلعة الجميلة دية وعقبلنا