For sale sonyericsson xperia x10

[memocco]

السلام عليكم و كل سنة و انتم طيبيين
معروض للبيع موبايل سونى اريكسون اكسبيريا اكس 10 جديد تماما
ذاكرة داخلية 1 جيجا و معاة كارت ميمورى 8 جيجا و كاميرا 8.1 جيجا
و الشاحن و العلبة و سماعات ...وارد الخارج من امريكا
مطلوب انشاء الله 3300 و هو بة جميع اللغات غير الموجود بمصر حاليا لان الموجود مش بيقرء رسائل عربى او يكتب عربى و شاشتة كبيرة جدا تتش 4 انش و فية واى فاى

اةة و طبعا فية جى بى اس و حاجات تانية كتير و هو طبعا لايفرق شئ عن الصورة دة هو بالبلاستكة اللى على الشاشة ......البيع لاحتياج الفلوس و شكرا

[Android man]

يا جماعة مع اني مش هشتري بس انا هسيب تعليق الي يرضي ضميري
زمن اظلم ممن كتم شهادة عنده من الله
الموبايل ده يا جماعة انا شارية من سنة بالضمان ب 3200 جديد خالص لم يمسسه بشر
وبعتو كسر زيرو ب2200 وبيباع في اي محل ب1800 مستعمل وب3000 او 2900 جديد
وبعد اذن صاحب الموضوع لو كان اضحك عليك واشتريتو غالي فدة مش مببرر انك تضحك علي غيرك
الهم اني بلغت الهم فأشهد

[memocco]

ياسيدى الفاضل انا مش بضحك على حد انا سأئل فى توكيل سونى نفسة و كان ب3450 و مش معرب و اصدار قديم و الكلام دة كان قبل رمضان بخمسة ايام بس ...توكيل سونى اللى فى اول مكرم عبيد و بلاش لهجة الاستخفاف بالكلام دى بعد إذنك ...و بردو انا هسأل تانى النهاردة او بكرة على سعرة تانى ..دى حاجة .
الحاجة التانية الموبايل دة نزل فى 2010 يعنى من سنة زى ما انت بتقول و كان سعرة اول ما نزل 1000 دولار
و كان غالى و الناس برة اشتكو من سعرة و اعتقد ان النت موجودة تقدر تدخل على المنتديات الاجنبية و تعرف و تشوف قبل ما تخبط فيا شخصيا ...وبعدين ازاى يعنى عاوز تقنعنى انك تسيب فرق الف جنية فى موبايل جديد زى ما انت بتقول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[memocco]

و دة لينك للموبايل و اسعارة للباشا اللى بيقول 2200 كسر الزيرو اكيد انت مش عارف انهى نوع انا عارضو للبيع
و بردو هسأل تانى
علشان اصل انا بحب اضحك على الناس و اغشهم !!!!!!!
http://mobileshop-eg.blogspot.com/2011/01/2011_06.html

[memocco]

و دة لينك تانى بردو
http://mobilatco.com/vb/showthread.php?t=231
و فى انواع اكتر شوية

[panzer00]

يا باشا حتي لو ب 3000 تبيعو انت مستعمل ب 3300 المفروض نصف التمن

[memocco]

نص الثمن لية هو مستعمل ؟؟؟؟

[memocco]

انا ممكن انزل فية شوية و يكون اخر سعر 3000

[memocco]

و ارجوكم بلاش نبخس بأسعار الحاجة كدة انا مش سارق الفلوس اللى انا شارى بيها حرام عليكو

[panzer00]

هههههههههههه

[البطل]

بالتوفيق فى البيع

[blow c06]

متعتمدش على سعر التوكيل لانه اغلى سعر فى مصر و مش هقولك انزل ش. عبد العزيز... حضرتك روح السراج مال و اسال هنا فى كام محل كده و بالضمان و هتلاقيه اقل من التوكيل بمبلغ محترم

[tarekvb]

متابعة الادارة وبالتوفيق

[Android man]

المشاركة الأصلية كتبت بواسطة memocco

ياسيدى الفاضل انا مش بضحك على حد انا سأئل فى توكيل سونى نفسة و كان ب3450 و مش معرب و اصدار قديم و الكلام دة كان قبل رمضان بخمسة ايام بس ...توكيل سونى اللى فى اول مكرم عبيد و بلاش لهجة الاستخفاف بالكلام دى بعد إذنك ...و بردو انا هسأل تانى النهاردة او بكرة على سعرة تانى ..دى حاجة .
الحاجة التانية الموبايل دة نزل فى 2010 يعنى من سنة زى ما انت بتقول و كان سعرة اول ما نزل 1000 دولار
و كان غالى و الناس برة اشتكو من سعرة و اعتقد ان النت موجودة تقدر تدخل على المنتديات الاجنبية و تعرف و تشوف قبل ما تخبط فيا شخصيا ...وبعدين ازاى يعنى عاوز تقنعنى انك تسيب فرق الف جنية فى موبايل جديد زى ما انت بتقول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا هرد عليك حتة حتة براحة علشان تفهم انا قولت ايه
اولا هوا في التوكيل ميهمنيش بكام لسسب واحد انا هشرحهولك يا معلم وللعلم انا اتصلت بوكيل سوني في بورسعيد الي هوا علي الممشي وقالي انو ب3100 بالضمان
والتوكيل بيبيع اغلي من المحلات علشان يضرك تشتري من المحل والمحل بيبيع والمحل يشتري من التوكيل اكتر ودي سياسة بيع وشراء وانا كنت ببيع جملة زمان وعارف الكلام ده

وحكاية انو عربي او مش عربي دي بتتحل ببرنامج بتنزلو من منتدي الكمبيوتر الكفي في عشر دقائق والجهاز يبقي عربي 100% وكمان الي بقولك عليه ب3100 في توكيل سوني ببورسعيد اصدار حديث كمان مش قديم
وانا متكلمتش بلهجه استخفاف بس انت شكلك مش متقبل النقض وعموما هاتلي كلمة واحدة انا غلط فيها في مشاركتي ويبقي ليك الحق تعمل الي انت عايزو يا سيدي
ولو عايز تسأل علي سعرة اسال في المحلات مش التوكيل وكمان اسأل عليه بالضمان ياسيدي وشوف هتلاقيه بكام
والموبايل ده نزل في2010 فعلا وانا جبتو فترة وجيزة جدا
وانت للمرة التانية بتوصف كلامي بالتخبيط مش عارف ليه ؟؟يعني كل ده علشان قولت رأيي الشخصي بكل احترام وادب......سبحان الله
وبالنسبة لفرق 1000 جنية في موبايل كسر زيرو
انا هقولك علي حاجة حلوة انت تروح محل وتشتري موبايل بالضمان علشان تبقي العلبة مقفولة بقفلة المصنع وتشترية مثلا ب3000 جنية وتفتحو و تحط شريحة وبعدين تشيلها وتقول للراجل انا عايز ابيعو علشان مش حابب شكلو مثلا وشوف هينزلك في السعر كام ولو مقلكش مثلا 2200 يبقي بحق يا سيدي وده في موبايل مفتوح قدام صاحب محل فما بالك بقي بموبايل مستعمل
يعني لما اسيب فرق 1000 جنية في موبايل مستعمل وحتي لو مستعملو ليوم واحد فدي حاجة مش مستهلة ال50 علامة استفهام الي انت عاملها دي

المشاركة الأصلية كتبت بواسطة memocco

و دة لينك للموبايل و اسعارة للباشا اللى بيقول 2200 كسر الزيرو اكيد انت مش عارف انهى نوع انا عارضو للبيع
و بردو هسأل تانى
علشان اصل انا بحب اضحك على الناس و اغشهم !!!!!!!
http://mobileshop-eg.blogspot.com/2011/01/2011_06.html

انت بتقول اني مش عارف انهو نوع الي انت عارضو للبيع هههههههههه
ده علي اساس اني مكنش معايا واحد زيو وابيض كمان ومكنش اسود
وبتقول انك بتحب تضحك علي الناس وتغشهم ؟؟؟ طب ليه كده حرام عليك اتق الله

المشاركة الأصلية كتبت بواسطة memocco

نص الثمن لية هو مستعمل ؟؟؟؟

هوا ده حال الموبيلات يا سيدي في مصر كلها مسافة اتفتح من علبتو بقي مستعمل ولو حتي مستغلش
يعني الموبايل شاريه النهاردةو ب3000 جنية وتبيعو بعديها بأسبوع ب2000 جنية او اقل
ودي حاجة مش غريبة والناس كلها عارفاها

المشاركة الأصلية كتبت بواسطة memocco

و ارجوكم بلاش نبخس بأسعار الحاجة كدة انا مش سارق الفلوس اللى انا شارى بيها حرام عليكو

الراجل مقلش حاجة غلط هوا قال

يا باشا حتي لو ب 3000 تبيعو انت مستعمل ب 3300 المفروض نصف التمن

يعني قالك انت تجيبو ب3300 وتبيعو مستعمل ب3000 طب ازاي

[memocco]

أ/andriod man لما تقولى ان انا بضحك على الناس علشان انا اضحك عليا دة مش استخفاف .او تهزيئ بس بشكل محترم شوية ؟
يعنى انت ترمى الكلمة اللى تضايق فى الاول و بعد كدة تتكلم بشرح وافى لوجهة نظرك فى الاعلان .طب ما كان من الاول .عموما مش حتة موبايل هيخلى الناس تزعل من بعض .

ارجو من الإدارة غلق الموضوع و شكرا

[Android man]

المشاركة الأصلية كتبت بواسطة memocco

أ/andriod man لما تقولى ان انا بضحك على الناس علشان انا اضحك عليا دة مش استخفاف .او تهزيئ بس بشكل محترم شوية ؟
يعنى انت ترمى الكلمة اللى تضايق فى الاول و بعد كدة تتكلم بشرح وافى لوجهة نظرك فى الاعلان .طب ما كان من الاول .عموما مش حتة موبايل هيخلى الناس تزعل من بعض .

ارجو من الإدارة غلق الموضوع و شكرا

الرد الاول بتاعي مكنش فيه استهزاء بس انت خدو كده
والرد التاني انا مكنتش هقولو بس بعد ردودك انا كتبتو
وانت حر تبيع سلعتك باي سعر انت تختارة وانا من حقي انبه الاخرين
تحياتي