ترسانه أسلحه لكل فرد للحماية الشخصيه "فكرة هتخلينا نرتاح نفسيا"

[Zero]

بعد مابدأت أحس فعلا بالخطر أكتر من حتى أيام الثورة , قررت أننا أعمل الموضوع دة عشان كل واحد فينا يبقى مسلح بالكامل و نرتاح نفسيا من القلق إلى جوانا , طبعا محدش يستخدم الحاجات دى فى أيذاء أى شخص إلا إذا حسيت أنه ممكن يأذيك يعنى من النهايه مش عايزين فتونه و نتقلب بعد كدة نبقى بلطجيه , أحنا يا دوب هندافع عن نفسنا فقط بالحاجات دى ويفضل ان تكون فى البيت أو السيارة و متطلعش إلا الحاجات الخفيفه منها إلى تخليك على الأقل تهرب لو أنت لوحدك فى الشارع


طبعا دى وسائل التسليح إلى جت فى دماغى
و أكيد كل واحد له حاجات منها تناسبه و مش تناسبه
بس فى البيت لو معاك حد لازم يبقى عندك كل دة و تتوزع فى الكوارث
1- مسدس صوت و يكون فيه طبه و الخزنه أول طلقتين فيها صوت و الباقى بلى و أدعى ربنا يستر و مفيش حاجة تتحشر + جراب للمسدس و خزنه أضافية عشان يبقى الباكيدج كله متوافر معاك و مش لسه هتحط طلقات تانى فى الخزنه
2- أليكتريك شوك و يكون قوى مش بيزغزغ و تكون متاكد أنه مشحون و فى وضع الأمان و فى الجراب
3- أميريكان ستيك و يكون ناشف كدة و حلو يعنى الضربه منه تفلق النفوخ
4- عصاية بيسبول و دى طبعا معروف بتعمل أية
5- شوية سيوف كدة لزوم التقطيع أن لزم الأمر يعنى
6- فيه ناس بتحب تقتنى السكاكين و المطاوى و مع الأقتناء برضة ممكن تفيد فى الدفاع عن النفس
7- البخاخات بكل الطرق بقى سواء رزاز الفلفل أو بنج أى حاجة يعنى تكون كويسة


يا ترى نعمل أيه تانى أو مين عنده فكرة تانيه بجد يعنى لو فيه ألعاب ناريه بتحرق أو بتفرقع زى بتاعة الأفلام أهوه نرعب بيها أى حد عايز يسرق ولا أعتداء على بيت ولا حاجة
و أسترها يا رب و للمرة المليون بقول يا جماعة الحاجات دى دفاع عن النفس مش عايزين نتحول لبلطجيه و أحنا مش حاسين

[pooforever_2010]

جميل جدا ربنا يسترها عليك
ولو اى حد دور عنده حيلاقى شقته مليانه اسلحه
اكيد يعنى كل واحد عنده مقشوه ولا ماسورة ميه ولا اى حاجه قديمه يدافع عن نفسه بيها
ومش بالسلاح بس بالقلب ولو ربنا فقلبك حتغلب جيش باذن الله

[ahmedmh_ali]

الى الحرب يا رجال ...بس و الله فكرة حلوة كدة انت فى السليم بس خد بالك اللى أهم من دة كلة " كل لن يصيبنا الا ما كتبة الله لنا "

[ahmedmh_ali]

المشاركة الأصلية كتبت بواسطة pooforever_2010

جميل جدا ربنا يسترها عليك
ولو اى حد دور عنده حيلاقى شقته مليانه اسلحه
اكيد يعنى كل واحد عنده مقشوه ولا ماسورة ميه ولا اى حاجه قديمه يدافع عن نفسه بيها
ومش بالسلاح بس بالقلب ولو ربنا فقلبك حتغلب جيش باذن الله

منور يا باشا ...

[ahmedalim]

الله ينور ياباشا فعلا فكره ممتازه واحلى ميزه انها كلها بدون ترخيص للحمل

[أحمد عطاالله إبراهيم]

يا لهوى لو ظباط دخلوا البيت عندك .. هتبات فى القسم على طول هههههههههههههههههههههههههههههههههههههههههههههههههه ههههههههههههههههههههه

بس والله فكرة حلوة

[DR SNIPER]

حضرتك عارف شويه الحاجت دى لو اتمسكت بيها هيحصل ايه ربنا يسترها علينا وعليك

[mman2005]

يا باشا كل كلامك ده كويس، بس خلاص أنتهت الأيام دى الى كان الواحد فينا محتاج ترسانة أسلحة، أنا مجهز إثنين مونشاكو حديد بستخدمهم كعصاية حديد ومعايا سلسلة حديد الضربة منها ملهاش حل بالإضافة إلى سلاحى الى كنت بستخدمه فى اللجان الشعبية وهو الشاكوش، أنا عمى ضرب مسجل خطر سرقات حاول يكسر عليه باب شقته وهو فيها بالشاكوش وكومه على الأرض وربطه وراح وداه القسم أصل عمى برده سلاحه الشاكوش، أصل إحنا عيلة مكنشى ليها فى الخناقات أو الأسلحة ولما حصلت الثورة ملقناش غير الشواكيش ننزل بيها أو أى عدة حديد عندنا، بس أنا شايف أن الوضع اصبح أمن أكثر من الأول بكثير.

أيام الثورة كنا بنحرس بيوتنا طول الليل، وبعدين الصبح طلعت الناس بيوتها علشان تنام وأنا نزلت أجيب فطار من محل الفول والطعمية على بعد 200 متر من عمارتى لاقيت الناس بتقفل المحلات وبتجرى لدرجة أن محل الفول الى بشترى منه راح قفل المحل وعرفت اشد منه كيس الفول وقرطاس الطعمية بالعافية، وبعدين سألت فيه أيه عرفت أن عربية نقل فيها بلطجية معاهم بنادق آلى عايزين يدخلوا المنطقة عندنا، المهم طلعت فى الشوارع الجانبية علشان اشوف فيه أيه لاقيت الناس الى طالع بشومة وإلى طالع بسيف والى طالع بحديدة، لدرجة أن فيه شركة فى الدور الثانى شغال فيها شباب كثير لاقيت الشباب دول واقفين فى البلكونات ومحضرين صناديق أزايز البيبسى علشان يحدفوها على أى بلطجى يدخل، وعرفت أن الموضوع جد، جريت على عمارتى طبعاً لاقيت المربع بتاعى مفهوش سريخ إبن يومين كله طلع ينام طلعت الفطار وقفلت باب الشقة كويس وبعدين نزلت بماسورة ميه وقفلت باب العمارة كويس ووقف لوحدى فى المربع بتاعنا محدش معايا، والحمد لله كنت واقف لوحدى ومستعد ابقى قاتل لمقتول ويا روح ما بعدك روح والى حصل أن عربية البلطجية هربت لما لاقت الناس بالقوة والإستعداد ده ومقدروش يدخله عندنا.

حالياً كبير العملية أن الناس كل يومين تقفش حرامى عندنا فى المنطقة ياكل علقة موت وبيسلموه للقسم، وكفاية بس تقول كلمة حرامى عندنا علشان تلاقى 100 واحد طالعين بالشوم والسلاح ويقوموا بالواجب.

[A.Seif]

المشاركة الأصلية كتبت بواسطة pooforever_2010

جميل جدا ربنا يسترها عليك
ولو اى حد دور عنده حيلاقى شقته مليانه اسلحه
اكيد يعنى كل واحد عنده مقشوه ولا ماسورة ميه ولا اى حاجه قديمه يدافع عن نفسه بيها
ومش بالسلاح بس بالقلب ولو ربنا فقلبك حتغلب جيش باذن الله

هو ده الكلام المظبوط
الرك على قلب اللى ماسك السلاح و دايما المعتدى او البلطجى جبان و صاحب الحق و الارض و العرض قوى

[hossam _alking]

المشاركة الأصلية كتبت بواسطة mman2005

يا باشا كل كلامك ده كويس، بس خلاص أنتهت الأيام دى الى كان الواحد فينا محتاج ترسانة أسلحة، أنا مجهز إثنين مونشاكو حديد بستخدمهم كعصاية حديد ومعايا سلسلة حديد الضربة منها ملهاش حل بالإضافة إلى سلاحى الى كنت بستخدمه فى اللجان الشعبية وهو الشاكوش، أنا عمى ضرب مسجل خطر سرقات حاول يكسر عليه باب شقته وهو فيها بالشاكوش وكومه على الأرض وربطه وراح وداه القسم أصل عمى برده سلاحه الشاكوش، أصل إحنا عيلة مكنشى ليها فى الخناقات أو الأسلحة ولما حصلت الثورة ملقناش غير الشواكيش ننزل بيها أو أى عدة حديد عندنا، بس أنا شايف أن الوضع اصبح أمن أكثر من الأول بكثير.

أيام الثورة كنا بنحرس بيوتنا طول الليل، وبعدين الصبح طلعت الناس بيوتها علشان تنام وأنا نزلت أجيب فطار من محل الفول والطعمية على بعد 200 متر من عمارتى لاقيت الناس بتقفل المحلات وبتجرى لدرجة أن محل الفول الى بشترى منه راح قفل المحل وعرفت اشد منه كيس الفول وقرطاس الطعمية بالعافية، وبعدين سألت فيه أيه عرفت أن عربية نقل فيها بلطجية معاهم بنادق آلى عايزين يدخلوا المنطقة عندنا، المهم طلعت فى الشوارع الجانبية علشان اشوف فيه أيه لاقيت الناس الى طالع بشومة وإلى طالع بسيف والى طالع بحديدة، لدرجة أن فيه شركة فى الدور الثانى شغال فيها شباب كثير لاقيت الشباب دول واقفين فى البلكونات ومحضرين صناديق أزايز البيبسى علشان يحدفوها على أى بلطجى يدخل، وعرفت أن الموضوع جد، جريت على عمارتى طبعاً لاقيت المربع بتاعى مفهوش سريخ إبن يومين كله طلع ينام طلعت الفطار وقفلت باب الشقة كويس وبعدين نزلت بماسورة ميه وقفلت باب العمارة كويس ووقف لوحدى فى المربع بتاعنا محدش معايا، والحمد لله كنت واقف لوحدى ومستعد ابقى قاتل لمقتول ويا روح ما بعدك روح والى حصل أن عربية البلطجية هربت لما لاقت الناس بالقوة والإستعداد ده ومقدروش يدخله عندنا.

حالياً كبير العملية أن الناس كل يومين تقفش حرامى عندنا فى المنطقة ياكل علقة موت وبيسلموه للقسم، وكفاية بس تقول كلمة حرامى عندنا علشان تلاقى 100 واحد طالعين بالشوم والسلاح ويقوموا بالواجب.

++++++++++++++++++++++++++++++++++++++++++++++1

[sayedlabib]

سلاح واحد بس يكفيك بس المهم تكون بتعرف تستخدمه و مجربه تمام وتتأكد انه بدون اى عيوب

وربنا يسترها علينا كلنا

[hema777h]

في مثل بيقول تفال بلافضل واعمل حسابك علي الاسووووووووواء

[hema777h]

انا عندي الرروم عايز افتح الماسورة واعملو للبلي في حد عندو اقتراح

[sadaany]

ياهيما مش هنتقابل وتفرجنى على الروم انا بحاول افتح جاكال مقفول ولما اوصل لنتيجه هقولك بس اعتقد الاستاذ ياسر كفافى ممكن يفيدك

[Zero]

شكرا يا بشوات على الردود الجميله
بس أنا عندى أستفسار بسيط كمان
أنا أيدى شمال
هل فيه جراب بيتحط فى الجمب الشمال و يبقى المسدس فيه معدول مش معووج كدة ؟
ولا أعمله جينز عمولة و فيه مكان لخزنه أضافية يبقى أجمل و أرخص كمان
لأنى بصراحه شوفت أسعار جرابات أستفزاز يعنى

[mazenger]

فيه الى اشد منكدة وقت الجهاد سيدى الفاضل

[S.S]

فكرتني بشعوري يوم 28 يناير بالليل و اللي حصل لينا كلنا
بس انا للاسف ماكنش عندي غير سكينة المطبخ
مع ان اصحابي كان عندهم كذا حاجه و اتعرض عليا بس انا ماكنتش بهتم بس الواحد حس بندم يوميها انه ماجبش اي حاجه من دول
و من ساعتها قررت اني اجيب ادوات للدفاع عن النفس
فجبت الاتي :
2 كلب جيرمن شيبرد لحراسة البيت
عصاية بيسبول و حطتها في عربية والدي
سيلف ديفنس لزوجتي
الكتريك لوالدتي
و امريكن ستيك معايا

[Zero]

المشاركة الأصلية كتبت بواسطة mazenger

فيه الى اشد منكدة وقت الجهاد سيدى الفاضل

أكيد يا باشا

المشاركة الأصلية كتبت بواسطة s.s

فكرتني بشعوري يوم 28 يناير بالليل و اللي حصل لينا كلنا
بس انا للاسف ماكنش عندي غير سكينة المطبخ
مع ان اصحابي كان عندهم كذا حاجه و اتعرض عليا بس انا ماكنتش بهتم بس الواحد حس بندم يوميها انه ماجبش اي حاجه من دول
و من ساعتها قررت اني اجيب ادوات للدفاع عن النفس
فجبت الاتي :
2 كلب جيرمن شيبرد لحراسة البيت
عصاية بيسبول و حطتها في عربية والدي
سيلف ديفنس لزوجتي
الكتريك لوالدتي
و امريكن ستيك معايا

ناقصك مسدس وتبقى زى الفل