عاوز سلاح مسروق علشان أطلع رخصة

[sherothebest]

منطق غريب فعلا اللى وصلنا له ده يعنى البلطجى والحرامى والسوابق (ودول طبعا ايسر واحسن ناس يتعاملوا فى السلاح المسروق ) يبقى عندهم مبرر للترخيص طبقا للقرار ده بينما الناس المحترمة اللى ملهاش فى السرقة او البلطجة ومحتاجة سلاح علشان تحمى بيوتها لا يمنح لهم تراخيص الا بصعوبة ، لما كان اصدقائى او معارفى يسالونى على سلاح الفترة اللى فاتت كنت بانصحهم يشتروا من الصعيد على اساس ان السلاح فى الصعيد غالبا مش بيبقى مسروق من الاقسام او محلات الاسلحة لسه واحد من اصدقائى دول اللى ربنا كرمه بحتة سلاح من الصعيد كلمنى من ساعة بعد ما قرأ القرار ده على النت وقالى منك لله مش كنا نجيبه مسروق احسن وكنا زمنا رخصنا دلوقتى ، اعتقد ان البلد مش ماشية بوشها وللامام لا ماشية ( بغير وشها ) وللخلف والظاهر فعلا ان " محدش فاهم حاجة فى اى حاجة " ، فى النهاية تهانينا للحرامية والبلطجية والسوابق ولكل واحد اشترى سلاح مسروق وحسبى الله ونعم الوكيل فى اللى بيحصل .