للبيع BMW 523i

[Seiko]

المشاركة الأصلية كتبت بواسطة amr7

الصور مهمة في العربيات برده ومنها صور البادي بتاع العربية من اتجاهات مختلفة وصور للصالون وصورة للموتور
والعربيات زي الطبنجات زي اي حاجه بتتباع على الانترنت.....بس ف العربيات هي بداية لاقتناع الشاري بعد كدا في مراحل كتيرة انه يجي يتفرج عليها عالطبيعه وبعدين يرفعها ف بنزينه في وجود خبير بيفهم ف العربية..اسف للاطالة وموفق ف البيع ان شاء الله (عربية تحفة طبعا)

انا مش معاك فى ان العربيات زى الطبنجات وزى اى حاجة بتتباع على الانترنت يا اما كان كل الناس حطت صور عربياتها و شققها على مصراوى مثلا او كونتاكت كارز و الوسيط وحاجات تانية كتير.

على فكرة ,هذه السيارة المستعملة تقريبا رقم حاجة وستين مثلا اقوم بالمشاركة فى البيع او الشراء فيها لذلك فأنا اعرف جيدا ما ينبغى القيام به عند بيع سيارة على النت او بره النت.

ولا حتى توكيل بى ام نفسه يقدر يحكم على حالة السيارة من صور فى عملية بيع وشراء.

العربية دى مش محتاجة اعملها اعلان هنا عشان ابيعها , بس فى ناس محترمة هنا تستاهل الواحد يعرضلهم حاجة مميزة موجوده عنده للبيع بسعر مميز ... وده سبب اعلانى لبيعها هنا فى المنتدى ده ودى اول مرة اعرض حاجة للبيع فى المنتدى عموما .

انا مش محتاج اقنع اى مشترى بأى حاجة زيادة عن المعاينة الحرة العادلة للسيارة, انا ببيع عربية مش ببيع صور و كلام.

دى عربية بى ام 523i موديل 1999 شكلها و مواصفتها معروف كويس لاى واحد جاد فى الشراء و معروف سعرها التقريبى فى السوق كله و عليها طلب عالى فى سوق المستعمل عموما بتتباع فى يوم اتنين زى اللانوس و الفرنا و128 مهياش عربية سوقها قليل ولا موديلها سبيشل و مش معروف فى مصر اقولك ماشى الصور تسهل فى بيعها عشان اكيد فى ناس كتير مسمعتش عنها اصلا.

مفيش حاجة اسمها صورة للعربية لزيادة الاقتناع, مفيش عربية مستعمله بتتباع عشان صورتها كانت موجودة فى اعلان بيعها, الكلام ده لو عربية زيرو لسة داخلة على السوق جديد فى الاول مش عربية بقالها 12 سنة ماشية على الارض

العربية المستعملة فى مصر تتشاف على الطبيعة و تترفع فى بنزينة وتتجرب فى مشيها و تتحقق من رخصتها او ورقها .

ولو كنت مصورها وصورها جاهزة عندى على اللاب كنت حطتها,بس مش ده اللى حيكون سبب فى التسهيل فى بيعها بسرعة.

وتقبل كلامى لانه مبنى على خبرة سنين فى بيع و شراء العربيات بره و جوه النت فى مصر
وارحب بك وبكل الاعضاء المحترمين فى اى استفسار عن اى سيارة جديدة او مستعملة بدون اى مقابل طبعا.

اسف للاطالة عليك يا أ\عمرو وارجو ان تكون قد تفهمت وجهة نظرى .