الرش المتفجر للصيد

[hoka]

فيه توضيح صغيير بس وعلى قد فهمى الشخصى
الرش المتفجر زى ما هو مشروح فى الموضوع اللى استاذ عصام حطه وهو الهواء اللى الرشايه بتجمعه وهى رايحه للهدف وده لازم تكون رشايه مجوفه
يعنى الهولو بوينت
اما الرش اللى محطوط فابو بليه فوق هى بليه صلب فى الرش الشامبيون وهى مختلفه عن الرش الروكيت لانها بتبقى داخل الرشايه والبليه ديه عند الاصطدام بالهدف بتسيب الرشايه وتكمل فى جسم الهدف وعلى كلام استاذ اشرف باهى البليه بتعمل سيكترما داخل جسد الطير فتدمره تماما
اما الرشايه ام سن احمر فهى الريد فاير وديه رشايه حارقه اكتر منها متفجره(على حد قاريتى عنها) لان الجزء اللى فوق ده الاحمر معمول من ماده بتسخن مع الاحتكاك بالهواء وبكده هاتعمل اختراق اكبر بكتير
اما الهولو بوينت فتعتبر هى الرشايه الوحيده المتفجره وزيها الرشايه الهامر واى رشايه فيها تجويف لانها بتجمع هواء فى التجويف ده واول ما تصطدم الهوا ده بيبقى بدل البليه فى الرش الروكيت ويكمل فى الطير فبيفجره المدخل بس مش انفجار يعنى زى ما تسلم بكفك على صاحبك ويعمل صوت فرقعه هو كده بس فرق سرعه الرشايه طبعا
نيجى للرش الماتش فهو يعتبر من ضمن الرش المفجر وليس المتفجر لانه لما بيصطدم بجسم الطير بيكسر عضم الحته اللى داخل منها ولو داخل فى حته مليانه عروق او حوصله مثلا بتسمع انت صوت تفجير لانه بيفجر الحوصله ودايما بسمع صوت الانفجار ده فى صدر اليمامه لانه بردو بيكسر عضم الصدر ويدخل ع القلب يفجره
هى حاجات فيزيائيه كده بس ليها اهميه كبيره فى اوى فى اختيار الرش والطرائد وكان نفسى استاذ اشرف يكون موجود ويشرحلكو اكتر لان انا مجتهد فى بعض كلامى ده بس من اللى بشوفه من فيديوهات وفيزياء للرش ده
واحلى رشايه على الاطلاق هى الهولو بوينت لانها متزنه جدااااااااااااااوتفجير الهواء فى الطيور احسن من ان بليه تدخل جواها تدمرها بالكامل
ههههههههههههههه
يللا سلام عليكم واسف لو طولت او قلت حاجه غلط
سلام عليكم