عندي بندقيه راكبها عفريت هههههههه تعالو بسرعه

[bassam201]

السلام عليكم ورحمه الله وبركاته


اولا اعتزر علي العنوان بس ده هو اللى حاصل فعلا

فى بندقيه بتعت جدي رش المانيه او اسبانيه مش عارف ايه بالظبط مش مكتوب عليها حاجه خالص

قديمه جدا جدا جدا يمكن لها اكتر من 25 سنه لانى انا وصغير كنت باخدها وانيمها جمبي هوايه من الصٍغر تقولو ايه

البندقيه كان بياخدها خالى ويطلع يصيد وكنت بطلع معاه انا وصغير وكان تمام التمام << محترف

كبرت دلوقتى وخدت البندقية عندي وللاسف نشانها راكبه عفريت ... انشن علي اى حاجه تيجي فيها بالمللى لكن انشن على قمريه او عصفور استحاله تيجي فيه

احط حجر قلم او غطا كوكاكولا او عمله او اى حاجه فى الارض اجيبه 15 مرة من 20 مرة على بعد 7 متر او 10 متر

ومرات استحاله يجي فيه نهائيا مع انه البندقيه نشانها هو هو على ظبطته مش بلعب فيه











طبعا البندقيه تعتبر مش بتعتي وعاوز اشتري واحده فى حدود 1000 جنيه او اكتر بشويه ويا سلام لو كانت بمنظار ايه تقترحو عليا .. واقرب مكان ليا ايه لانى من سوهاج ولو فى زي البندقية اللى فى الصور دي الاقيها فين وبكام

واعمل ايه علشان اظبط البندقيه والطلقه تصيب الهدف على طول متهيفش


ياريت الاقى طلبى عندكم وسعيد بإنضمامي لهذا المنتدي العظيم

بسام - سوهاج

واسف جدا جدا لاطاله الموضوع واسلوبي

[ayman22]

اخ بسام اهلا بيك فى المنتدى بين اخوانك واهلا بكل اهل سوهاج........

انا على ما اعتقد ان البندقية دى مجرى ( مصنوعة فى المجر ) والله اعلم لانى انا شوفت صور لبنادق مجرى بنفس شكل بندقيتك ... انا لا ادعى الخبرة بل خبرتى محدودة للغاية فى هذا المجال رغم عشقى له....
لو فيه مكان فى البندقية مكان لو ضع منظار ممكن تضع لها منظاروشوف اخبار النشان ايه...

على العموم اكيد حيرد عليك خبراء المنتدى بالراى الصحيح!!!!!!!!

[bassam201]

تسلم يا ايمن وانا زي ما قولت عاوز اشتري حاجه خاصه بيا

وفى انتظار الخبراء

[طلعت بخيت بسكالس]

أخ بسام
البندقية دي تل مجري أم عتلة وأحنا نعرفها من زمان بكده لحد مامؤخرا علامة المنتدي والأمبراطور محمد أنور عرفني أن الموديل ده أسمه تورنادو البندقية دي بندقية رائعة ودقة نيشانها غير عادية وأغلبنا أبتدي بالبندقية دي ولكن يبدو من الصور أن البندقية دي تحتاج لشوية صيانة ده أولا
ثانيا بخصوص العفريت فهذا موضوع جميل أنت فتحته من باب خلفي لأننا كعشاق لهذه الهواية قد قتلنا هذا الموضوع بحثا وهو أنه مش شرط لما البندقية تكون مضبوطة علي أهداف غير حية أنها تصطاد وهذا ماجعل الخبراء علي مستوي العلم يقولون مقولتهم الشهيرة وهي أنه ليس من السهل أن يكون الرامي صياد ولكن من السهل أن يكون الصياد رامي.
وللحديث بقية
تقبل مروري ولك كل التحية

[galal khalifa]

اذهب الي 100 شارع شبرا بعد كلية الهندسة واسأل عن شريف لتصليح البنادق وهو ها يقوم بالواجب انت معاك تحفة مش ممكن تتعوض

[bassam201]

شكرا لردودكم يا جلال انت وخليفه

بالنسبه للبندقيه ... كل اللى بيفهم وشافها قال مستحيل تتعوض البندقيه دي وانا تقريبا من سنه شوفت واحده زيها 100 % مفيش اى اختلاف وكانت بـ 900 جنيه بس الحاله وقتها كانت تعبانه ومقدرتش اشتريها ودلوقتى لو بألفين جنيه هشتريها

بالنسبه لتصليح البندقيه دي مفيش مشكله هصلحها بس فى سوهاج عندنا لانى صعب اطلع برا سوهاج فى الوقت الحالى وكمان زي ما قولتلك البندقيه دي معايا فتره وبعدين هرجعها لخالى

وعاوز حاجه تكون بتعتي

وهشوف موضوع التصليح ده واوديها لاحسن واحد فى سوهاج واقولكم على النتيجة


وفى انتظار ردرود باقى الاعضاء

شكرا ليكم مره اخري

بسام

[umarex]

احتمال يكون ضعف السوسته هو السبب يعنى يكون النشان صح بس الرشه ضعيفه جدا للصيد

[أسامه خطاب]

الأخ بسام
بعد التحية واهلا بك معنا بالمنتدى وكده نقدر نقول الصعايدة وصلوااااااا ومرحب بك يا واد عمي
انا قريب منك مافيش بيني وبينك أكتر من 20 سم على الخريطة طبعا لأني من المنوفية
عموما انت منورنا
اولا أحب اقولك البندقية اللى عندك دي تراث لان لايوجد منها جديد بيتباع الايام دي فحافظ عليها بقدر استطاعتك
وفعلا زي ما الاستاذ طلعت قال لك انها تل مجري وخامتها ممتازة جدا وبندقية رائعة
وانت في امكانك تخليها احسن من الجديدة بشوية صيانة بسيطة
يعني جلدة وسوستة وازالة الصدا ودهان الخشب
وياريت زي ما ما قالك الاستاذ جلال خليفة على الورشة اللى وصفها لك في شارع شبرا لانه أكيد هو متعامل معاهم ويعرفهم كويس
وابقى طمنا انت عملت ايه

[bassam201]

شكرا يا شباب

بالنسبه لشارع شبرا ده فى سوهاج !!! .؟؟

ما اتوقعش انه فى سوهاج


انا عاوز حد فى سوهاج لانى صعب فى الفتره دى اصلح البندقيه فى اى حته برا سوهاج

[أسامه خطاب]

شارع شبرا في القاهرة - تركب مترو شبرا
وحاول تفك البندقية وتلفها في كرتون - طبعا ما تشيلهاش كده لانك هتركب بيها مواصلات

[خط الصعيد]

الاخ بسام زى ما الاستاذ اسامة قال الصعايدة وصلو انا بعقب على كلامة و بقولة الصعايدة قادمون و وانا انشاء الله هغير اسمى قريب علشان انا حاسس انى سفاح (:

[bassam201]

شكرا لردك خط الصعيد

وانا حاليا اشتريت ديانا 52 .. وما شاء الله عليها رهيبه

[أسامه خطاب]

مبروك عليك الديانا52 وهي فعلا أكتر من رهيبة بس ممكن تقول انت اشتريتها منين وبكام ولو تعرف تحط لنا صور تبقى مشكور جدا

[bassam201]

ان شاء الله هبقا اعمل موضوع واحط صور ليها ومعلومات كامله عنها

[msattar22]

على قكرة ، لو ظبط نشان بندقيتك بالليل ، و هتصتاد الصبح ، يبقى تظبطها تانى الصبح .. و فى كل مرة تستخدمها إظبطها الأول ، و ماتقلقش مفيــش عفريت ولا حاجة .. و على فكرة ، فى كل مرة هتيجة تظبطها هتلاقيــك بتظبط الناشينكاهات على أرقام غير المرة اللى قبلها ، و ده شىء طبيعى

[galal khalifa]

المشاركة الأصلية كتبت بواسطة bassam201

شكرا لردك خط الصعيد

وانا حاليا اشتريت ديانا 52 .. وما شاء الله عليها رهيبه

الف لا الف 52 مبروك علي الديانا

[rock]

يا جماعه انا عوز واحده زى دييييييييييييييييييي.......... تقبلوا مرورى.

[galal khalifa]

المشاركة الأصلية كتبت بواسطة rock

يا جماعه انا عوز واحده زى دييييييييييييييييييي.......... تقبلوا مرورى.

اية الحلاوة دية والجمال دا يا احمد عقبلنا جميعا يارب

[محمد الحلوانى]

السلام عليكم
الاخ الفاضل انصحك عيش مع بندقيتك حس بانحرافتها واتجه الطلقة
بندقيتك بتتعمر بجزرة اى مكان وضع الطلقة اقفل الجزرة وانفخ فى الماسورة من اعلى هل فيه تنفيس ولا لا
ممكن تكون بتتسرع فى الضرب وده غلط ركز وخلى البندقية حتى منك وكن هادى هتركز الطلقة فى مكانها

( اخوكم محمد الحلوانى )

[مصطفى_منصور]

يا جماعة انا امامى واحدة زى دى بالضبط بس بصراحة مش عارف حالتها صاحبها طالب فيها 800 جنيه ايه رأيكم فى السعر لو هى سليمة و بحالة جيدة.
طبعا قصدى التل المجرى