استفسار عن أسعار بنادق الرش

[ayman.galal]

المشاركة الأصلية كتبت بواسطة mohamed_abouelmagd

السلام عليكم
أنا جديد في موضوع الصيد بس بقالي كام شهر داخل دماغي كده بعد طلعة صيد مع ابن عمي و هو مجنون صيد من الطفولة ,, عموما حبيت أبدأ اجرب الموضوع و أول حاجة طبعا عايز بندقية

أعرف إن الرمسيس ارخص حاجة و بعديها الشانجاهاي الصيني

لكن غير كده ,, التركي ,,, لكن يا ريت أعرف الاسعار بـالتحديد , لاني عايز أعرف الرانج كام قبل ما أنزل العتبة

و أنا بصراحة مش عايز أحط فلوس في حاجة ممكن أركنها بعد فترة و برضه مش عايز حاجة تبوظ و محتاجة صيانة كتير,, ف يا ريت أعرف إيه ممكن اجيبه بـ 500 600 جنيه و لو في أقَل كمان يا ريت ,, خصوصا إني سمعت إن الاسعار ابتدت تنزل شوية عن الكام شهر اللي فاتوا,,

و شكرا

انا زيك بالظبط وانت وفرت عليا موضوع جديد لانك جبت الزيتونة ههههه
ان شاء الله متابع معاك

المشاركة الأصلية كتبت بواسطة أحمد عطاالله إبراهيم

والله عليك وعلى الرمسيس المستعمل ونقيلك واحدة حلوة مش مصدية ومش مخربشة وكده وسوق المنتدى مليان رمسيس فى الرنج ده

تشكر يا بو حميد انا قريت موضوعك بتاع ان صياد فاشل ههههههههههههه
ياراجل باين من الصور انك شبل .... ولسه فى البداية امال تقول ايه للناس اللى فى سنى وعايز ابتدى اتعلم ده انا حتى لسه بفكر اشترى بندقية على قدى اتدرب عليها
ثم انك بسم الله ماشاء الله اصبت يمامتين واحده ماعرفتش تجيبها والتانية فى ايدك هاتنضفها وتاكلها بالهناوالشفاء هههههههههههه
طالما انك اصبت الهدف يبقى انت مش فاشل بل بالعكس ده منتهى النجاح المهم بقى يا بطل انك تحافظ ع النجاح ده وتنمية بالتدريب المستمر قصدى الصيد المستمر دعواتى بالتوفيق

المشاركة الأصلية كتبت بواسطة amiroz

لان في جنون في الاسعار انا مش فاهم سببه

سببة الاقبال على الشراء(لاسباب امنية) لا عالقة لها بالهواية اطلاقا ويقابله قلة المعروض لوقف الاستيراد وبالتالى الاحتحكار بيخلى التاجر يتحكم فى السلعة طالما الحته ليها اكتر من زبون

المشاركة الأصلية كتبت بواسطة mohamed_abouelmagd

اولا شكرا لكل واحد رد علي سؤالي

أنا كنت عند واحد في الخليفة المأمون اسمه صيامكو و لقيت عنده الاسباني بـ 1800 جنيه و بيقولي إن الرمسيس عدت الألف جنيه في مصنع 54 ,,, إزاي مش فاهم ,, أنا هستنى فعلا شهرين تلاتة كده لاني حسيت من كلامه إن الاسعار هتنزل إن شاء الله

صيامكو ده انا سمعت عنه كلام وحش جدا بتجربة الاعضاء واللى اتعامل معاه نصح غيره بالابتعاد عنه وعلى حسب الكلام ده اونطجى واللى بيقوله غير اللى بيعمله واللى بيعرضه غير اللى موجود عنده سواء مواصفات او سعر

المشاركة الأصلية كتبت بواسطة blow c06

ياباشا ادخل على محلات الصيد هنا و شوف موضوع محل صيامكو... متتعاملش مع المحل ده عشان اسعاره غاليه و بميت كلمه و كل حاجه بتخلص عنده و يطلع بدلها حاجه ب 3 اضعاف تمنها

بالظبط كده زى حضرتك مابتقول