اقتباس:
المشاركة الأصلية كتبت بواسطة sniperwolf500
الموضوع الثاني
بندقيتك
بص ياسيدي البندقية دي بقي حكايتها حكاية ... لأن هي الاداة الرئيسية ونجم الرحلة المنشودة
أولا يا سيدي العزيز ... العناية ببندقيتك دي عناية مستمرة طول السنة وطول العمر يعني أنك بتعتني بيها علي الاقل مرة كل اسبوع وده طبعا أيام التوقف عن الصيد ... تطلع خرقة وفيها حبة زيت زي بتاع جامو زيت خفيف وتمسح بيه بندقيتك حتقولي أية ياعم المزيت ده انا حشتغل عطشجي أه ... أيوة ... لازم علشان بندقيتك متصديش وتفضل محتفظة بلونها والكلام ده بالذات لسكان الساحل الاسكندرية ومطروح الي الرطوبة عندهم معبئة الجو ... وكل لما حد يمسكها من الحديد تطلع الفوطة و نقطة صغيرة وتمسحها بكدة بندقيتك حتفضل طول عمرها جديدة وتحطها فالجراب بتاعها
وبلاش تحط بندقيتك مهب البصبصة واللعب الكتير وابعد أيد الوالدة وأختك ومراتك عنها لأن كل الستات فالدنيا لا تقدر قيمة هذه الأشياء وبتتعامل معاها علي انها مكنسة او مقشة ولو وقعت مافيهاش حاجة وبرضو بالذات الي بنادقهم فايبر
وكل أسبوع قبل وش النضافة تضربلك رشيتين وتتأكد ان كله تمام ,, والسوسته كويسة وبتجمع
المهم نرجع لمارجوعنا الاول دي كدة كانت نصائح تسخين ... موسم الصيد جه بقي والواحد سخنان لأ فرامل لورا
ضبط بندقيتك قبل لما تروح تصطاد أي أي أي اخ اخ أخ ... قبل لما تصطاد بأسبوعين علي الأقل لازم تمشي ايدك أمال أية تروح وانت بارد كدة حضيع طير من المهاجر وحتتنكد والحماس حيروح والتركيز حيروح علشان عاوز تضرب اي حاجة وحتبقي صيده كاورك
أنت تطلع تضبط بندقيتك علي مسافة لاتقل عن عشرة متر فالأول وتضرب وتضبط علي نقطة مش علبة كانز نقطة لا يتجاوز قطرها 1 سم وتكون واضحة .. لحد لما يبقي الضرب بييجي في نفس المكان (أكيد طبعا مطرح النقطة الي انت عملتها)
هنا غير الهدف بهدف علي شكل عصفورة وجرب مرة علي دماغها مرة فجناحها وهكذا وافضل يومين كدة علي نفس التمرين.
بعدها جرب ابعد المسافة 15 متر حتلاقي الضبطة اختلت شوية ... متستعجبش .. تلاقي نفسك علي العشرة تمام وعلي 15 متر في انحراف ... طبيعي لأنك ضبطت علي 10 متر بس ... المهم اضبط ايدك وبندقيتك علي 15 متر وكرر نفس التمرين وطريقة الضبط علي نقطة برضو وخليها اوضح شوية علشان تبقي شايف انت بتنشن علي أية.
بعد كدة كرر الموضوع علي 20 متر ثم 25 متر ... و25 مش ضروري أوي ده فبطولات الرماية بس ... بس انا بنصح بيها كتحدي حيخليك بريمو
ليلة الصيد طلع بندقيتك اتأكد أنها مضبوطة ولو مش مضبوطة اضبطها وهنا في كلام مهم اوي
لما تيجي تضبط :
1- محدش يضبط مكانك لأن الأيد وطولها وشكل وشك علي مخدة الدبشك بتتحكم فالضبط
2-لو حتضرب علي العالي بعد لما تضبط أتاكد ان البندقية لما بتنشن علي هدف عالي تمام لأن لو مش مضبوطة علي العالي حيكون في سنة انحراف بسيطة ياتضبط عليها وده فحالة ان كل ضربك حيكون عالي 100% أو المحترفين بيعلو الدبانة سنة وهما بينشنوا علشان تيجي أعلي لو الرشة بتيجي تحت وبيوطوها شوية لو بتيجي فوق (طبعا ده فحالة ان الضربة المستقيمة بتيجي مضبوط 100%)
3-حط سلاحك فالجراب ومتخليش حاجة تخبطها ولما تحطها فالجراب .. افتح الجراب لأخره وضع البندقية كأنك بتنيم ابنك علي السرير علشان النشان ميتلخبطش وحاول تعلمه أو لو كان في ارقام اعرف هو واقف علي رقم كام
ولضبط البندقية بالتفصيل ده حيكون الموضوع الثالث علشان حنتناول فيه المنظار كمان
وإلي اللقاء الحلقة القادمة مع التأكيد علي الشكر للأستاذ حوكا صاحب المقال الي فتح نفسي |
الموضوع ده جميل جداً ورائع , ويستاهل أنه يكون فى موضوع مستقل , لسببين : علشان ياخد حقه فى إهتمام و مشاركات الأعضاء , ونقدر نبحث عنه ونستفيد منه
وعلشان نحافظ عالموضوع والفكرة بتاعة حوكا ونحاول ننفذها
خالص تحياتى
11-09-06, 09:09 PM
رد: دوره تدريبيه مكثفه لتصبح صياداً ماهراً
المواضيع المتشابهه
العرض الشجري