لقاء الجبابرة

[mero1x]

المشاركة الأصلية كتبت بواسطة consul

بسم الله ما شاء الله لا قوة إلا بالله...بارك الله فيكم حبايب قلبي...الله عليكم والله صحبة جميلة ولا أحلى من كده...إيه الجو الجميل ده حبايب قلبي...دائما يا رب متجمعين على خير وربنا يزودكم ما ينقصكم...والله كان نفسي أكون معاكم وأنول شرف صحبتكم الجميلة دي...يا رب ما يكونش حد غلس عليكم وسبب ليكم أي قلق...فين المكان ده جبايب قلبي...وليه شايفكم صايدين طيور لا تؤكل؟...وأخبار الحصيلة إيه؟...بس والله كفاية الجمعة واللمة والصحبة الجميلة دي...يوم جميل وخسارة إني ماكنتش معاكم...تتعوض إن شاء الله قريبا...ودائما إلى الأمام يا شباب...وفي إنتظار المزيد من الطلعات الجامدة الحلوة دي...الهمة يا شباب شدوا حيلكم...شجعونا وإفتحوا نفسنا بالمواضيع الحلوة دي...خلوا المنتدى يصحصح كده ويفوق من النوم والسبات لفترة طويلة ماشفناش طلعات حلوة كده من فترة طويلة ( آخرهم موقعة الوزة الشهيرة )...جددوا الدماء وحفزوا الناس وعايزين نشوف المنافسات إللي بتسخن الدم في العروق...مش عايزين نقول البنادق قربت تصدي من عدم الإستعمال...بالتوفيق مع خالص تحياتي حبايب قلبي...

انا بجد فى قمة السعادة لتشريف حضرتك لموضعنا المتواضع
طبعاً نفسنا سيادتك تشرفنا فى طلعة للأستفادة من خبرة حضرتك وانشاء الله يكون عن قريب
بخصوص الحدأة الامريكى تم ضربها عن طريق الخطأ لتشابهها من الظهر مع القمرى والمسافة كانت بعيدة جداً بس الحمد لله كانت الاصابة سطحية وهى حية ترزق الان
اما عن الحصيلة فكانت حصيلتى انا وعصام 7 فرد حمام و 21 فرد يمام اما عن حصيلة باقى المجموعة فالله اعلم بس اعتقد انها كانت متشابهة معانا او يمكن اكتر

وفى النهاية ياريت حضرتك متحرمناش من تشريفك لموضعنا وتحفيزك لينا
وربنا يخليك لنا
والسلام عليكم