سنتر رماية

[devilgrand]

المشاركة الأصلية كتبت بواسطة compact

اشكرك يا أ\ديفيل جراند , أ\بودى جارد , أ\ اولد هانتر

و اشكر الادارة المحترمة اللى عطلت الحساب الخاص بى اللى هو بأسم seiko و بدون ذكر اى اسباب او تنويه او اى حاجة خالص
عموما لا احنا حنخسر حاجة ولا المنتدى حيخسر حاجة فهو ذاخر بالاعضاء المحترمين و المميزين فى مجال السلاح بصفة عامة و الصوت و ضغط الهواء بصفة خاصة.

انا دلوقتى بتكلم من الحساب الجديد ده , ولو الادارة عايزة تقفله خالص او تعطله هى حرة , ما هى قوانين المنتدى غير معمول بيها اصلا (موثق و مثبت لدى عدم التزام الادارة و المنتدى بالقوانين فى الحديث بينى و بين عضو فى الادارة وهو عضو محترم جدا و اقدر مجهوده معايا و اهتمامه و سعيه)

وعلى فكرة انا قلت لعضو فى الادارة على اللى حصل فى الحساب القديم و محدش افادنى ولا حل مشكلتى ولا عرف مين اللى عملها !!!!!

بس انا زى ماقلت لعضو بالادارة انى حاسس ان فى ناس متابعانى جدا و متربصة بيه و بتبعت تقييمات سلبية بدون سبب و بطريقة عشوائية و مكنش مصدقنى وده كان قبل تعطيل الحساب
ولما الحساب اتقفل (انشاء مواضيع ورد و اقتباس) , بعتله رسالة على الخاص بالرابط و متيقلى ساعتها انه صدق كلامى القديم , وكده كده الحساب ده (seiko) سيتم حذفه اذا استمر هذا الاسلوب , واذا تم نفس الاسلوب مع الحساب الجديد ,سيتم حذف المنتدى من حياتى ... على ايه الحوارات الغريبة و وجع الدماغ ... ده الواحد خلاص داخل على ال50 ... ولا ايه رأى الاعضاء المحترمين !؟

عموما , اشكر كل من اهتم بموضوع السنتر و نحن بصدد انتظار بعض الموافقات الامنية و هيئة المساحة لاعتماد المكان وممكن يوافقوا و ممكن يرفضوا المكان ... و لو رفضوا حنشوف غيره ... مش ممكن نقف بعد الروتين اللى خلصناه ده كلوا .

و بالنسبة لطبنجات التدريب (حى فقط) ,تم تثبيت الموديلات التالية:
1- حلوان51 (انتاج مصرى مواصفات قياسية امريكية)
2- سميث & ويسون ساقية (امريكى)
3- جلوك 17 (نمساوى)
4- بريتا 92 (ايطالى)
ولو قدرنا نوفر ذخيرة مطاطى بصورة مستمرة حنثبت جلوك29 10مم

وكنت حبتدى اعمل استفتاء على بنادق ضغط الهواء للتدريب هنا فى المنتدى بس خلاص ملوش لزمة يتعمل

وارجو عدم تثبيت الموضوع حتى ننتهى من جميع اجراءاته و يتم افتتاحه رسميا بحضور الاعضاء المحترمين فقط من المنتدى (ده طبعا بعد اذن الاعضاء المحترمين)

بالتوفيق ان شاء الله ربنا هيكرمكو ويوفقكو ونحضر الافتتاح الرائع ان شاء الله ولا هتنسونا في الافتتاح

انا بجد عايز اشوف المكان المقترح للتنفيذ ان امكن
ارجو من سيادتكم مراسلتي على الخاص علشان حابب اعرف كل جديد في الموضوع
بالتوفيق ودعواتي القلبيه بالجاح
وموفق في اختيار الانواع الجميله دي في الطبنجات هيا فعلا روعه في الاداء والسميث الساقيه ده اجمد رد فعل فيهم اعتقد ممكن المتدربين هيواجهو صعوبه شويه لغاية ما يتعودو عليه بس دا هيخلي التصويب احسن في الاسلحه الخزنه بعد كده
موفق باذن الله واتمنى اني اقدر اشارك في المشروع دا
دا كان حلمي من 10 او 12 سنه انا واخد مركز اول في مركز التدريب في الرمايه في الجيش
ومركز اول في سرع فك السلاح الالي الكلاشنكوف وتركيبه
اتمنى المشاركه
اسف للاطاله
دعراتي بالتوفيق