احدث معلومات عن نادى الرمايه للقوات المسلحه

[narmar66cool]

انا روحت انهارده نادى الرمايه اسأل عن الاشتراكات ولقيت الاتى :-

اولا: المدنين ممكن يدخلو ويشتركو فى اى نشاط عادى
ثانيا: بالنسبه للرمايه فى كذا نشاط :

1- الرش
ودا اشتراكو 115 جنيه ف الشهر وبتشترى علبه الرش من هناك بيقولو ب 60 ج ( بس ممكن تجيبها انت ) وطبعا ليها ميدان خاص بالرش (مسدس وبندقيه ) وهما بيوفروها .
مطلوب بس صوره بطاقه وصوره شخصيه ومواعيد التدريب السبت و الثلاثاء من 6م حتى 8م.

2- الخرطوش
ودا اشتراكو اغلى ب400 شهريا وبتشترى علبه الخرطوش ب75 وممكن تجيبها انت وهناك بيقولو عليها ( لعبه البشوات )عشان مكلفه (حاليا التدريب متوقف لعدم وجود ذخيره) وفى امتر من 4 ميادين لضرب الخرطوش.

3-المسدسات
ودى ليها ميدان مخصوص لاصحاب الطبنجات المرخصه فقط واليوم ب 30ج نظير استخدام الميدان
( بس ممكن يكون معاك حد معاه طبنجه مرخصه وتضرب انت ).

4-القوس والسهم
ودى ليها ميدان مخصوص معرفتش عنها اى معلومات بس شوفت الميدان
وعلى فكره منتخابات مصر بتدرب هناك وكمان فى بيعملوا بطولات عالميه
نسيت اقول ان الاشتراك بيبدأ من يوم 1 ف الشهر وانا هشترك من اول الشهر ف الرش كبدايه عشان اتعلم اسس النشان واللى عايز يشترك يتواصل معايا ونروح مع بعض