لمن يفكر فى شراء النوريكا جيت

[dr.ahmed shahin]

السلام عليكم
الهدف من هذا الموضوع هو تقييم البندقية النوريكا جيت بناء على استخدامى ليها حوالى شهر ونصف
مميزاتها
1- البندقية قوية 260 متر فى الثانية لنمرة واحد
2-خفيفة يعنى وزنها لا يتعدى 3 كيلو
3-خاماتها جيدة والخشب قيم الى حد ما
4- دقيقة فى نشانها
5-سعرها منخفض بالنسبة لبقية البنادق الهاى باور
6- رد فعلها ضعيف

عيوبها
1- تحتاج لتغيير جلبة فور شراءها مش هتكمل معاك 10 رشات وهتحتاج جلبة
2- المسامير متهالكة بمعنى انك لو حاولت تفك مسمار مرة واتنين هتلاقى راس المسمار تآكلت
3- من الممكن ان تسرق الطير بسهولة ويمكن التغلب على ذلك بالخبرة والتنشنين فى الاماكن الحساسة
4-لا تحتوى على نشانات فسفورية
5- صوتها عالى نوعا

[ابو مروان]

الف شكر يا دكتور احمد وياريت الكل يحزو حزوك فى التعريف بعيوب ومميزات البنادق التى يستعملونها _بعد التجربة

[tabeeb]

هي وصل سعرها كام دلوقتي ؟

[moorg]

thanks and nice work

[dr.ahmed shahin]

المشاركة الأصلية كتبت بواسطة tabeeb

هي وصل سعرها كام دلوقتي ؟

مش مهم وصل كام المهم انك متدفعش فيها اكتر من 1650 جنيه
لان هذا السعر يعادل تقريبا ضعف تمنها

[rock]

المشاركة الأصلية كتبت بواسطة dr.ahmed shahin

مش مهم وصل كام المهم انك متدفعش فيها اكتر من 1650 جنيه
لان هذا السعر يعادل تقريبا ضعف تمنها

السلام عليكم ... كلام جميل ... وصحيح 100 % ... تحياتى .

[أحمد عطاالله إبراهيم]

بصراحة انا كمان جربتها وهيا تحفة وعيوبها بالظبط زى ما قال دكتور احمد .. والحاجة الوحيدة اللى مضايقانى فيها ان صوتها عالى شوية .. بس هيا بندقية 100 . 100

بس بالنسبة للسعر هيا سعرها حاليا مش هيقل عن 1800 ..


تحياتى ....

[tabeeb]

انا سمعت عن مشكلة ان بعد عدد معين من ضربات الرش ماسورة النوريكا جت بتتعوج .
هل المشكلة دي صحيح موجودة ؟
ولو موجودة . هل فيه طريقة لتصحيح شكل الماسورة ؟
و من وجهة نظرك النوريكا جت أفضل ولا الجامو هنتر 440 ؟؟
سؤال كمان معلش قبل ما انسي هههه
لو سمحتلي
انا ما سمعتش صوت النوريكا جت بس سمعت صوت الكرال التركي الفيبر وكان عالي صراحة .
هي بنفس مستوي صوت الكرال ولا اعلي منه ولا اقل ؟؟