اسعارالمسدس الحي حاليا

[Compact]

المشاركة الأصلية كتبت بواسطة sherothebest

اخى الفاضل comact بالنسبة للطبنجة اللاما موديل 1911 فهى فى الاصل بتضرب عيار 38 سوبر بكفاءة تامة بس العيار ده نادر رغم انه قوى جدا لان طول البرميل للطلقة اكبر من 9 مم الطويل وبالتالى المسافة بتكون ابعد بمقدار حوالى الثلث وعلشان كدة وان العيار ده نادر ولانه مشابه فى القطر لعيار ال 9مم الطويل الناس لما بتحط فيها عيار ال 9 مم الطويل بتعمل مشاكل احيانا فى اتوماتيكية التفريغ والتعمير ( نطر الظرف الفارغ وادخال الطلقة الجديدة بيت النار ) ولكن عن طريق عمل جلبة بسيطة (كل محلات اصلاح السلاح عارفنها كويس او ورشة الصيانة فى الجيش او الاسلحة والذخيرة فى اول طريق السويس لو لحضرتك ضابط معرفة يعملهالك على اسمه وتركبها بنفسك بعد كدة بسهولة ) فى اول الماسورة من ناحية الخزنة هتلاقى ان اللاما من احسن وافضل الطبنجات فى الاداء فضلا عن اعتقادى امكانية تركيب تلسكوب او ليزر حيث ان الطبنجة مجهزة لذلك بفتحات ( مشقبيات ) باعلى الماسورة وان الماسورة لا تسخن بسهولة فضلا عن ميزة قوة انطلاق المقذوف ودقة التنشين بفعل ماسورتها الطويلة واخيرا نظام امانها المزدوج المميز وافضله بالطبع الامان الخلفى عند التقاء اصبع الابهام مع السبابة ..... بالمناسبة لو عند حضرتك او حد من معارفك طبنجة لاما الموديل ده للبيع احد اقاربى طالبها بالاسم وان شاء الله نتوفق فى السعر

انا كنت مقتنى لاما وستار و الاتنين اسبانى و الستار احسن بكتير فى الاداء و النشان و عيبه بس انه وزنه تقيل قوى على الفاضى.
معظم اللاما اللى موجود دلوقتى متعدل 9مم و فاشل برضوا و الستار احسن منها فى ال 9مم لو حتقارن فى الاسبانى.
مفهوش غير ميزة الامان اللى اشرت ليها و هى لا تعتبر ميزة عند المواجهة المسلحة المفاجئة
بس و الله فى ناس عجوزة كتير لسه معاها لاما و بيحبوها اوى.
ولا انصح قريبك بيها الا لو غاويها