سؤال من مبتدئ

[saskon]

بما انى قررت بمشيئة الله ممارسة صيد السمك بداية نهرى ثم بحرى لاحقا فهناك بعض الاسئلة التى أرغب فى طرحها لعلى أجد الاجابة لدى الاخوة الأعضاء:
1- أين يمكن ان أجد محل يبيع طعم حى فى مدينة نصر أو شبرا أو القناطر الخيرية
2- كيف يمكن ربط اللبلوب فى الخيط للعلم السنارة تليسكوبية بدون دلايل خارجية (حلقات) واللبلوب فى نهايته حاجة شبه المكرونة الحرارى طولها حوالى 5 سم
3- هل يمكن استعمال طعم صناعى لسمك النيل وهل الأفضل الصيد بفلل ولا غاطس
4- فى حال استخدام المصارين هل يمكن تنظيفها وتقطيعها ووضعها فى الفريزر لحين الاستخدام ولا ده يفقدها ميزة الرائحة النفاذة؟
وشكرا للردود

[shahryar33]

بما ان محدش رد عليك اسمحلى انا ارد عليك من واقع خبرتى القليله
بالنسبه للطعم انت ممكن تشترى طعم من شبرا هتنزل حتة اسمها المظلات فى شبرا اول ما تنزل من كوبرى المظلات هتلاقى كذا محل على اليمين و على الشمال تختار منهم الى يعجبك هما بتوع ادوات صيد و عندهم طعم انما مدينه نصر بصراحة انا معنديش فكرة اذا كان حد بيبيع هناك ولا لأ و فى القناطر بردو اكيد هتلاقى حد بيبيع بس بردو انا عمرى ما روحت اصتاد هناك ولو انى نفسى اطلع طلعه للقناطر
و موضوع الخيط دة انا مش فاهم اصدك اية لو هو مفهوش حلقات انت ممكن توديه لأى حد من بتوع ادوات الصيد يركبلك ليه حلقات و مكنه و بعد كدة بيبقى سهل تركب الخيط انما لو اساسا العود مبيركبلوش حلقات و دة لنو معين من طرق الصيد ف انا بصراحة مقدرش افيدك
موضوع الطعم الصناعى دة مظنش ان فى اى نوع من انواع الطعم الصناعى ينفع فى النيل هنا
و بالنسبه لموضوع المصارين دة انا مجربتش اصتاد بيها اصلى بردو يعتبر لسه جديد فى الصيد انما بيتهيألى كل اما تبقى طازة كول ما تكون احسن

بس المشكله انك تعتبر جى فى اخر الموسم
و لو عندك اى استفسار انا تحت امرك اخوك شريف

[saskon]

المشاركة الأصلية كتبت بواسطة shahryar33

بما ان محدش رد عليك اسمحلى انا ارد عليك من واقع خبرتى القليله
بالنسبه للطعم انت ممكن تشترى طعم من شبرا هتنزل حتة اسمها المظلات فى شبرا اول ما تنزل من كوبرى المظلات هتلاقى كذا محل على اليمين و على الشمال تختار منهم الى يعجبك هما بتوع ادوات صيد و عندهم طعم انما مدينه نصر بصراحة انا معنديش فكرة اذا كان حد بيبيع هناك ولا لأ و فى القناطر بردو اكيد هتلاقى حد بيبيع بس بردو انا عمرى ما روحت اصتاد هناك ولو انى نفسى اطلع طلعه للقناطر
و موضوع الخيط دة انا مش فاهم اصدك اية لو هو مفهوش حلقات انت ممكن توديه لأى حد من بتوع ادوات الصيد يركبلك ليه حلقات و مكنه و بعد كدة بيبقى سهل تركب الخيط انما لو اساسا العود مبيركبلوش حلقات و دة لنو معين من طرق الصيد ف انا بصراحة مقدرش افيدك
موضوع الطعم الصناعى دة مظنش ان فى اى نوع من انواع الطعم الصناعى ينفع فى النيل هنا
و بالنسبه لموضوع المصارين دة انا مجربتش اصتاد بيها اصلى بردو يعتبر لسه جديد فى الصيد انما بيتهيألى كل اما تبقى طازة كول ما تكون احسن

بس المشكله انك تعتبر جى فى اخر الموسم
و لو عندك اى استفسار انا تحت امرك اخوك شريف

أولا ألف شكر لردك.
ثانيا أنا عندى بوصة بحلقات وماكينة والتانية من غير وما يركبلهاش المشكلة انى مش عارف يركبلها ازاى؟ وايه فايدة المكارونة الحرارى اللى راكبة فى نهاية اللبلوب؟
بالنسبة لمحلات شبرا تقصد بعد الكوبرى و انا جاى من شارع شبرا ولا بعد الكوبرى وانا داخل شارع شبرا؟
هوا المفروض الموسم الجديد يبدأ امتى؟
وشكرا مرة تانية لردك ولزوقك

[shahryar33]

المشاركة الأصلية كتبت بواسطة saskon

أولا ألف شكر لردك.
ثانيا أنا عندى بوصة بحلقات وماكينة والتانية من غير وما يركبلهاش المشكلة انى مش عارف يركبلها ازاى؟ وايه فايدة المكارونة الحرارى اللى راكبة فى نهاية اللبلوب؟
بالنسبة لمحلات شبرا تقصد بعد الكوبرى و انا جاى من شارع شبرا ولا بعد الكوبرى وانا داخل شارع شبرا؟
هوا المفروض الموسم الجديد يبدأ امتى؟
وشكرا مرة تانية لردك ولزوقك

بص انا بصراحة معرفش يعنى ايه مكارونه فى الصنارة دى انت ممكن تنزل بيها اى محل و تسأل عندهم اكيد هيفيدوك
و المحلات فى المظلات هتيجى من شارع شبرا تكمل كأنك رايح عرابى هتطلع الكوبرى الى عند كمين المظلات و اول ما تنزل الكوبرى هتلاقى المحلات و انت ممكن تلاقى مكروباصات بتقول مظلات و عرابى تسأله او تركب و تقوله عايز انزل اخر الكوبرى هتلاقى المحلات فى كذا محل هناك
و بالنسبه لموسم الصيد هو بيبتدى من نص شهر سبعه لحد تسعه او اول عشرة انت ممكن بردو تنزل الايام دى و ربنا هيكرمك ان شاء الله بس بتبقى غلطات لو حاجة كبيرة كلت معاك او ممكن تستنى لشهر 12 او 1 بيبقى موسم سمك التعبان هو سمك جميل و ممتع فى صيدة بس المشكله ان الجو بيبقى برد اوى
و اى سوأل انا فى الخدمة

[saskon]

شكرا أستاذ شهريار