رابطة مالكي الريتاي بارون (retay baron)

[ahmedmh_ali]

المشاركة الأصلية كتبت بواسطة bedro_ak

دة رد زميلنا هنا فى المنتدى الاستاذ شريف بخصوص موضوع الطلق البلى و هو قاض
الأخوة الأفاضل بعد التحية
بالنسبة لموضوع الدفاع عن النفس أحب أن أضع أمام حضراتكم بعض المعلومات الصحيحة من خلال عملى بالقضاء . حق الدفاع عن النفس مكفول قانوناً للجميع ولكن تطبيقه صعب لكونه محاط ببعض الضوابط مثل أن فعل الدفاع لا يحب أن يتجاوز فعل الإعتداء فمثلاً لايجب عليك إستخدام سلاح لرد إعتدء من شخص ما يستعمل يده وأيضا يجب فى حالة الدفاع أيضا وقف العنف فوراً إذا توقف فعل الإعتداء عليك وأيضا لا يجب إستخدام أى سلاح للضرب فى مقتل إذا كان هناك وسيلة ممكنة لرد الإعتداء دون القتل فكلها ضوابط عند إستخدام حق الدفاع عن النفس.
أما بالنسبة لمسدس الصوت المفتوح الماسورة لضرب البلى فلا يعد من الأسلحة النارية المعاقب عليها قانوناً حيث أن أجزائه لا تشكل أجزاء سلاح نارى حى وهو المعاقب عليه قانوناً فى قانون الأسلحة والذخائر والذى يحدد أنواع الأسلحة المعاقب على حملها بدون ترخيص والذى أنصح الأخوة بقراءته إنما وعلى وجه أخر إذا تم إستخدام مسدس الصوت مثلا فى الترويع و التهديد فهو يعرضك للمسائلة القانونية وإذا تم التجاوز بالإعتداء بمسدس صوت فيعرضك للمسائلة أيضا الى أن يثبت أنه مسدس صوت وليس من الأسلحة النارية وذلك بتقرير من جهة الأدلة الجنائية أما حيازة مسدسات الصوت بجميع أنواعها حتى مع فتح الماسورة فهى لا تخرجها من دائرة أسلحة الصوت . أرجو أن أكون أفدت حضراتكم ببعض المعلومات وتحياتى للجميع





و دة رد احد الاخوة الاعضاء بخصوص نفس الموضوع و هو من العاملين بالقضاء ايضا و لكن لن اذكر اسمة لانة لم استأذنة فذلك
الذخائر لها مواصفات قانونية وفنية وطبعاً ده موجود فى الداخلية ولا يمكن بأى حال من الأحوال إعتبار طلقات الصوت اللى بتضرب بلى من الذخائر النارية لأنها تختلف كليةً عنها فنياً وأى حد يفتى بغير كده معلش يبقى مبيفهمش والطلقات البلى قانوناً تعامل ذى الرش وأبلغ دليل إن المسدسات اللى بتضرب بلى بضغط الهواء غير ممنوعة والناس بتشتريها عادى من محلات السلاح وسواء البلى إنضرب عن طريق قوة الغاز أو بطريقة الطلقات الصوت ده لا يدخلها فى حيز الطلقات النارية المجرمة بدون ترخيص ومع كل الأحوال إذا تم إرتكاب جريمة بيها هتبقى طبعاً أداة جريمة وسيعاقب فاعلها بالطبع أرجو أن تكون فهمت قصدى طبعاً ولك ألف تحية


و لكن من الممكن ان يكون ما يحدث هو كما اخبرنى استخدام لقانون الطوارئ

تحياتى لحضرتك .. لكن علشان منبقاش السبب فى أذى لحد ، الكلام اللى حضرتك بتقولة دة ملهوش أى أساس من الصحة ، المسدس الصوت فى حالتة الطبيعية دون أى تعديل لما حضرتك ماشى على رجلك و صادف ان حضرتك دخلت على كمين أو ماشابة الظابط حيقول لحضرتك أنا المسدس حيدخل معمل جنائى للكشف على خواصة ، و حضرتك بتروح القسم و منة المسدس بيتحول الى النيابة ثم للمعمل الجنائى بعد تحرير مذكرة ، لو سليم بتاخدة تاني لو فى حاجة تانية يبقى فية مستجدات ..

طبعا لو حضرتك فى الوقت دة فى مشوار أو رايح مكان و مش حينفع تروح القسم ، يبقى علية العوض و منة العوض فى المسدس و حتسيبة .

لو المسدس فى عربية ، مفيش أى مشكلة نهائى من وجودة ولا حد حيسألك علية الا أذا كنت على طريق سفر حيكون فيها س و ج ..

حضرتك حتقولى أشمعنا ؟ ح أقول لحضرتك أن الحكومة بتتعامل على أساس المظهر ، و هما حيبقوا شايفين أن اللى على رجلة دة بيمثل خطر ، لكن اللى فى العربية انسان محترم ..

مثال : حضرتك لو تمشى بمطوة يبقى فيها جنحة ، طيب لو حضرتك العربية أتفتشت و كان فيها مطوة ؟ كأن شيئا لم يكن ..

لو حضرتك تكرمت و دخلت أى قسم شرطة و سألت و قلت عايز أستفسر عن فتح مسدس الصوت أو الطبة الطويلة أو الماسورة اللى معدة لضرب البلى و بالتالى متعديش رصاصة حية ، أو عن الطلقات البلى ، حيقول لحضرتك أن كلهم مجرمين و يعاقب عليهم القانون و التعامل معاهم بيكون نفس التعامل مع مصادرة سلاح حى دون ترخيص ...


( الكلام دة حضرتك مش من فراغ ، و بعد سؤال ناس كتير من الشرطة و منهم من أسرتى ، و كلة عن تجارب شخصية ، و مواقف حضرتها ... )