احتاج سلاح للحمايه الشخصية

[gaber]

انا لسه جديد في المنتدى
انا صياد بس صياد سمك وعمري ماحبيت السلاح الحي ولحد دلوقتي مبحبوش بحب السكاكين و متدرب على إستخدامها للدفاع الشخصي وعندي مجموعة باترفلاي وفليب سميث ويسون ونينجا ستار سميث ويسون
ولكن كلنا عارفين الدنيا ازاي مش امان اليومين دول وواضح قوي مع دخول الإنتخابات هتبقى في قلق تاني ومتوقع عودة اللجان و المجرمين جبنه و مسلحين بسلاح ناري يعني السلاح الإبيض و إن كنت بعرف استخدمهم مش هيسعفوني غير في المواجهة المباشرة عن مسافات قريبه ودا طبعا مش اللي بيحصل

بناءً عليه انا عايز سلاح ناري اخليه في البيت مش هنزل بيه برا البيت -إلا لو احتجنا للجان شعبيه- ولكن مش هتحرك بيه يعني، وطبعا لاقيت بدل اللي يجيبلي سلاح الف واحد ومنهم اصدقاء عندهم حجات جايه من ليبيا و حجات من الصعيد بس انا قولت اني أسأل الناس اللي عندها خبره

بالمناسبه انا عمري مضربت نار -لأني مبحبش السلاح اصلا مبخفش منه ولكني مبحبوش- ولكن الحاجه وحشه ويارب منحتاجهوش ابدا بس للأسف الداخلية مش عايزه تشتغل و البلطجية بقوا مسلحين فوق الوصف يعني
فعايز نصيحتكم اعمل ايه يعني اشتري واحد صوت مثلا؟ طب ماهو مش هيحميني هيخوف بس لو عايز حاجه حي بس سعرها مش عالي قوي ممكن تكون ايه -بس بلاش الطبنجه حلوان دي انا لي واحد صاحبي كان هيموت بسبب الطبنجه المعفنه دي-

بالمناسبه انا معنديش رخصة سلاح وعارف اني لو حتى قدمت على رخصه مش هيدوهالي لأني قاعد بسمع انها صعبه جدا وبيرخموا جامد عليها فمتبخلوش علي بالنصيحه -مع العلم إن البلد مليانه سلاح والحمد لله انا بسأل عن نصيحتكم عشان انا طلبي هو اني احمي أهل بيتي وإلا كنت اشتريت منغير مسألكم اهل الخبره وانتوا عارفين تشتري طبنجه دلوقتي اسهل من إنك تلاقي اسطوانة بوتجاز اصلا-

منتظر نصيحتكم يا رجالة مصر المسلحين وربنا مايحوجنا للسلاح و الواحد يرجع يصطاد سمك بروقان

[heshamhassan2011]

انا والله يا باشا بواجه نفس المشكله معايا شومه و اميريكان ستيك و مسدس صوت صغير بس كل الحاجات دي ملهاش لزمه فياريت اعضاء المنتدي الكرام يساعدونا و خصوصا ان الحاله الامنيه بدأت تدهور و ظاهر اللجان حترجع تاني و ربنا يسترها

[amin hegazy]

اولا حمل سلاح حى بدون ترخيص مجرم
بالاضافه الى ان اسعار الاسلحه الحي دلوقتى بقت استهبال
الافضل تجيب مسدس صوت ولو عايز تامين زيادة شويه هات مسدس صوت لضرب البلى هو برده مش رسمي وخلي بالك تاثيره خطير برده وبنا يسترها معاك ولا تحتاج اي حاجه من الحاجات دي
مفيش احلى من صيد السمك وروقان الدماغ وخصوصا لما الدور يكون فاضي ومفيش سمك اسرح برحتك بقه

[heshamhassan2011]

هههههههههههههههههه طيب لو لحضرتك خبره في موضوع تحويل مسدسات الصوت يا ريت تقولي ازاي احول مسدس ايكول تونا 8 مم مسوره مقفوله و شكرااااا

[amin hegazy]

لا خبرة ولا حاجه يا عم احنا غلابه
المهم شوف حد يفتحلك الماسورة يكون خراط وكويس قوى وتعرفه وبعدين الافضل تعمل ليها طبه لضرب البلي
وخليك افضل حاجه في بلى نمرة 2

[gaber]

المشاركة الأصلية كتبت بواسطة amin hegazy

اولا حمل سلاح حى بدون ترخيص مجرم
بالاضافه الى ان اسعار الاسلحه الحي دلوقتى بقت استهبال
الافضل تجيب مسدس صوت ولو عايز تامين زيادة شويه هات مسدس صوت لضرب البلى هو برده مش رسمي وخلي بالك تاثيره خطير برده وبنا يسترها معاك ولا تحتاج اي حاجه من الحاجات دي
مفيش احلى من صيد السمك وروقان الدماغ وخصوصا لما الدور يكون فاضي ومفيش سمك اسرح برحتك بقه

لو في حاجة مجرّمة دلوقتي
فهي تخاذل و استهبال الداخلية بكسلها وخذلها للشعب
انا مبحبش السلاح اصلا عمري ولا بحب شيله وخصوصا إنّي مش هشيله هيكون متواجد داخل البيل ولايمكن اتحرك بيه اصلا
بس انا غصب عني عشان احمي اهل بيتي وانا قولت انا ممكن اشتريه من برا فلو حد هينصح ويوقلي السلاح منغير رخصه مجرّم فيوفر النصيحة دي لظباط الشرطه ويتقالهم كسلهم و عدم عملهم هو اللي مجرّم

ويارب يظبطوا البلد بقى عشان ارجع اصطاد سمك براحتي على روقان

[amin hegazy]

اسف على النصيحه متزعلش قوى كده

[gaber]

المشاركة الأصلية كتبت بواسطة amin hegazy

اسف على النصيحه متزعلش قوى كده

لا داعي للأسف يا عم على راسي نصيحتك والله
بس الواحد مبقاش عارف يعمل ايه يعني
بالمناسبه انا عمري ماضربت طلقه في حياتي اصلا

[amin hegazy]

المشاركة الأصلية كتبت بواسطة gaber

لا داعي للأسف يا عم على راسي نصيحتك والله
بس الواحد مبقاش عارف يعمل ايه يعني
بالمناسبه انا عمري ماضربت طلقه في حياتي اصلا

يا باشا ولا يهمك وربنا ميخليك محتاج تضرب بيه ابدا

[احمد العوضى]

راجع الرابط وربنا يسترها عليك وعلينا بالصدفه وجته ولونى مشجعكش على كده فى الاوقات العاديهلاكن نعمل ايه للى بيجبرونا على كده
http://www.asuaq.com/?view=showad&ad...yid=-2&lang=ar

[LionHeart]

ربنا معانه ويستورها

[القناص العالمي]

موضوع جميل و مجهود رائع