السلام عليكم ... انصرونا

[hoka]

السلام عليكم
انا كنت فى الميدان يوم السبت بليل وامبارح طول اليوم وهانزل انهارده ان شاء الله
اللى بيحصل يا جماعه اننا كنا واقفين فى الميدان ومأمنينه من ناحيه كل مداخله ولقينا الامن المركزى جاى علينا من مصطفى محمود طبعا رد الفعل الطبيعى جهزنا طوب
فجاه قنابل بتترمى وخرطوش
طبعا ما سكتناش ودخلنا عليهم ورجعناهم لحد هارديز كده
بس هم علشان مصرين يفضو الاعتصام وعددنا قليل هربنا لطلعت حرب وسحلونا جوه اقسم بالله القنابل وصلت لحد ميدان طلعت حرب
طب ليه؟؟ ما احنا سيبنالك الميدان اهه انت عاوز تروحنا بيوتنا بالغاز؟؟؟؟
ع العموم العدد زاد وهجمنا عليهم بالطوب بس اقسم بالله ما شوفتش مع حد مولوتوف الا فى اخر اليوم
وهم اللى ولعو فى عربيه الامن بتاعتهم وبعدين سحبوها علشان ما نشمتش فيهم
امبارح على مساله الهدنه وكده
احنا يا جماعه من قبل اى حاجه بنروح نقف قدامهم ونقول خلاص
طبعا فيه ناس لسه بتحدف طوب بس اقسم بالله الطوب ما بيقرب منهم
يقومو هم مستريحين شويه واحنا بنهدى الناس ورانا نلاقيهم يضربو تانى بغباااااااااااااااااء
نقوم نجرى منهم ونعاود الاشتباك تانى
ووالله الجيش امبارح كان بيضرب رصاص حى فى شارع جانبى مؤدى للوزادره وكان فيه ليزر جاى من ناحيتهم بيخوفونا بيه
معرفش ده فشنك ولا حى فعلا بس واحد قالى كان واقف ولما خلصو القنابل ولقونا بنهجم جندى طلع رشاشه وشد الاجزاء وضرب من اليمين للشمال وبيقولى الناس اللى بتموت مش كلها بيتاخد ومش كلها بترجع الميدان وفيه اهاليهم بياخدوهم ع البيت على طول معرفش ليه
انا نفسى اعرف احنا يوم 25 و28 كان بيتقال علينا عيال فاضيه واننا غلط
يا جماعه احنا مكناش عاوزين نروح الوزاره اصلا بس بسبب اللى عملوه كان لازم نضغط عليهم لحد الوزاره علشان ما يرجعوش الميدان (يعنى احنا بنضحى علشان نعمل جدار بشرى مننا)
اللى بيشبه الوزاره ببيته وان اللى يدخلها يموت
يا جماعه ديه وزراه شعب ودوله مش عزبه ابوهم واحنا لو دخلناها مش هانقتل ولا نخرب حاجه غير اننا نقولهم كفايه اتقو الله
انا شخصيا طالما دخلتها مش هاحرق ولا اخرب ووقتها هانقدر نعين ناس مننا فى الوزاره تديرها بشكل صح
ولو الشرطه مليون واحنا محتاجينهم فاحنا 80 مليون ومحتاجين نفسنا وربنا قبل كل شئ علشان ننقذ البلد من اللى بيلعبو بيها
ع الاقل احنا لو مسكناها وحد جيه يحاكمنا هايعرف يجيبنا لكن فين الناس اللى قتلت الثوار فى 28؟؟؟
فين حبيب العادلى اللى بقاله اكتر من 10 شهور ما اتحاكمش؟؟؟
ليه بيحكمو عليا بالقتل والعمى فى لحظه علشان واقف بتظاهر وسايبين اللى قتل مئات فى السجن لسه بينظرو فى قضيته(ده اذا كان فى سجن اصلا)
يا جماعه لازم ثوره بجد وما نخافش حتى لو هانبقى زى ليبيا او سوريا بس صدقونى احنا لو نوينا هانعرف نعدى الازمات كلها وبلاش نخاف من مصائر الشعوب اللى حوالينا ونعرف ان المصرى مختلف
ياريت كلامى يكون وصلكو واللى مقتنع بيه يحاول يفهمه لغيره واللى مش مقتنع هاتاسف انى مش هارد عليه لانى مش هادخل تانى دلوقتى خالص
ع العموم السلبيه وحزب الكنبه مش هاتعمل حاجه ولو انت معترض انزل الميدان او الوزاره وهدى الطرفين ع الاقل وخليهم يبطلو(ده لو رايك ان ده غلط او حاجه يعنى)
يللا استودعكم الله والسلام عليكم

[hesham[MaFya]a]

و الله يا حوكا معاك حق فى كل كلمة قلتهــا .. و انا رغم حداثة سنى لولا انى عندى امتحانات و انا فى شهادة لنزلت معاك التحرير و اتظاهرت..تحياتى و خد بالك من نفسك.

[jhoncarbntr]

بصراحة اخى انا موش عارف اقولك ايه بجد لو كانت فيه حرب فأنتم اللى بدأتوها انت بتقول انكم لما لقيتم الامن المركزى متجه ناحيتكم حضرتم الطوب طيب ايه اللى يمنع بفى ان بعض الاخوة اللى كانوا معاك واللى هما ممكن يكونوا متهورين شوية حدفوا بالفعل طوب على العساكر واساسا ليه بتفرضوا سوء النية وثانيا اخى انا موش ضد التجمع والتظاهر لتعديل الاوضاع او للفت نظر الحكومة على رفض شيء معين فى مصلحتنا لكن اللى بكرهه جدا ان الموضوع يتقلب عند وغباء ورفض الخروج من الميدان وخلاص ولما يحدث تصادم نقول ان الحكومة اعلنت الحرب علينا وبتموتنا ليه مانتجمعش ونتظاهر وبعدين نتفرق بسلام ولو لقينا الموضوع ماحصلش فيه جديد نرجع نتظاهر تانى وتالت ورابع لغاية لما المسئولين ينفذوا اللى احنا عايزنه موش نعلن الحرب ونقول لازم نشيل المجلس العسكرى والحكومة وخلاص انت معندكش قيادات مناسبة علشان تشيل المجلس حاليا او على الاقل موش مستعدة ثانيا حضرتك لو اتشال المجلس والحكومة تقدر حضرتك تضمن انه موش هيكون فيه حرب اهلية لتولى السلطة بين الاحزاب وخلافه او انه موش هيحصل شغب ومجازر تؤدى لتدخل الامم المتحدة يارجالة بطلوا تنقادوا ورا الناس المأجورة اللى بيدفع لها ملايين علشان تتلاعب بالسذج
( وارجع تانى انا موش ضد الطلبات اللى فى مصلحة البلد ولا التظاهر لكن الغباء واعلان حرب على الحكومة خصوصا حاليا ميوافقنيش )

[hoka]

يا افندم لو بتقول احنا ليه حضرنا طوب فده علشان طول ايام الثوره وبالرغم من اننا قريبين من الوزاره مكنش بيظهر عسكرى واحد لكن لما يجو عليك بعربيات ومدرعات وجنود وشايف السلاح فى ايديهم اكيد لازم تجهز نفسك للى هايعملوه
انا قلت احنا لقيناهم جايين من الشارع مش احنا جهزنا طوب وخلاص
ع العموم اقنع نفسك بالغلط من غير ما تنزل تشوف الصح
انت حر
بس ياريت تفتكر يوم 25 لما كان بيتقال علينا عاوزين نوقع البلد واننا بضعه الاف والكلام الفاضى ده
اظن طول ال11 يوم كان كل الناس بتحتضن بعض وبنقضى ع البلطجه بايدينا لحد ما الجيش قال سيبولنا البلد هانظبطها احنا ووثقنا فيهم وادى البلد
اكتر من 20 الف معتقل فى سجون عسكريه وتعذيب فى السجون واهانه وتقاعص عن الواجب وفى النهايه يضربونا بالنار ونقول انننا اللى غلطانين
حرام بجد رايكو الساذج ده وياريت تفكرو فى مصر طول ال11 يوم بتوع الثوره وحالها طول ال8 شهور فى ايد المجلس العسكرى
ع الاقل كنت حاسس بالحريه انما دلوقتى............!!!1
ربنا يحفظ مصر
سلام عليكم

[jhoncarbntr]

يااخى مالناس مجربتش التظاهر السلمى يعنى ولقته مجابش حاجة ثم فى 25يناير الناس كانوا انتظروا 30 سنة لكن دلوقتى محدش بيدى فرصة للمجلس العسكرى على الاقل شهور بسيطة موش سنين ده اللى عايز اوضحه لك بس هو الموضوع ليه اتطور بالسرعة دى لمعارك

[kiko_2015]

ممكن رقم تليفونك عشان انزل معلك يا حوكا انا و سلطان النهارده؟

[sayedlabib]

كل كلامك كويس الا موضوع دخول الوزارة مش من حقك ولا من حق اى حد ولازم تكون على قدر من الوعى يخليك عارف ان كميه الاسلحة الموجوده فى الوزارة لو وقعت فى ايد واحد زميلك متهور هاتبقى كارثه


ارجو التعقل وعدم المغامرة بدخول اى منشأة تابعه للشرطة ولو قتلت لا قدر الله هناك فأنت لست شهيد لانك تقتحم مكان لا يجوز لك دخوله

[loot-ait]

maho men ye3kal lehaza el kalam..........lel 2asaf el 2a3lam el mortazak el garab 3asal el folos ba3d 25 yanayer we el folos el belhabal we el barta3ah 3amal yesa7'an fe el nas

we yageb an naktady bekalam rasol el llah "al fetna na2emah la3n allah man aykazha"

mal3on alf marah we zamb arwa7 el nas el matet 3alah bab wezaret el da7'lyah fe ra2btoh

[ahmed6394]

يسقط يسقط حكم العسكر