الحقيقه فى تأثير طلقات البلى على جسم البلطجى

[A.Seif]

السلام عليكم و رحمه الله
الاخوه الأعزاء
شهاده لوجه الله تعالى اريد من ورائها ان ينتبه الاخوه الافاضل من يمتلكون مسدسات صوت معدله بطبه او مفتوحه من المصدر لاطلاق طلقات البلى بغرض الدفاع عن النفس ضد البلطجيه و حراميه هذه الايام
القصه يا ساده و بكل بساطه ان مجموعه اصدقاء طلبه فى كليات مرموقه كانوا مع بعضهم وواقفين بسياراتهم عند حديقه الميرلاند بمصر الجديده..المهم الشباب كانوا جايبين بيتزا وواقفين جنب سياراتهم و بياكلوا و بعدين وصل موتوسيكل و راكبينه 2 ,, واحد منهم نزل و مشى ناحيه الشباب و بيقولهم : يالا يال كل واحد يطلع اللى معاه , واحد من الشباب اتكلم معاه :انت بتقول ايه ؟؟ راح البلطجى الحرامى طلع فرد خرطوش صناعه محليه و هدد به الشباب يا اما اللى معاكم يا الا ؟؟ كان احد الشباب معه مسدس ريتاى بارون معدل و بالمناسبه المسدس فرز اول و معدل بطبه صلب طويله و اقصد من هذا ان مهما كان المسدس اللى معاك جاهز و نضيف و مبيحشرش فاعتبر نفسك غير مسلح بالمره امام فرد بلدى معمول بماسوره ميه ..المهم حتى لا اطيل عليكم..اطلق الشاب المحترم النار دفاعا عن نفسه هو و اصحابه العزل على البلطجى و اصابه اصابه مباشره بجسمه و يبدو ان البلطجى كان متعاطى حاجه مخدره فلم يتاثر مطلقا بالاصابه و اطلق هو طلقه الخرطوش على الشباب و الحمد لله انه اطلق الخرطوش و هو يمكن مرعوب من المفاجئه ان احد الشباب مسلح و هو لم يكن يتوقعه بالطبع لكن للاسف بليه من الطلقه الخرطوش اصابت احد الشباب بعينه وهو من اصر ان اكتب هذا الموضوع ليفيد الاخوه و ياخذوا حذرهم و لا يركنوا على المسدس المعدل لاطلاق الخرز او البلى الا ان تفعل الاتى كما اخبرنى هذا الشاب الصديق اللذى تعرض للاصابه :
لابد ان تطلق الطلقه على منطقه الوجه اذا كنت عايز تدافع عن نفسك امام بلطجى مسلح و لابد ان تكون 3 او 4 طلقات متتاليه ليكون التاثير قوى و تحيد البلطجى تماما و يبقى كده و لو حصل و لو نشيان المسدس تمام وده مستحيل طبعا يبقى دخلنا فى جريمه قتل و يمكن البلطجى يبقى شهيد...
الخلاصه مسدسات الصوت المعدله لاطلاق البلى او الخرز ليست جيده و لا مؤثره على الجسم الا فى منطقه الوجه او العين و الدليل ما حدث ان البلطجى اصيب بجسمه الاعلى -الصدر- و لم يتأثر و اطلق مسدسه الخرطوش و اضاع عين شاب واعد ضافره برقبه البلطجى و اهله و لا اعتراض على امر الله...........هذه نصيحه لوجه الله تعالى و ثوابها ان شاء الله الى الصديق المصاب و نسأل الله له تمام الشفاء
اللهم انى بلغت...الله فاشهد