كيف تحترف الصيد ببنادق ضغط الهواء

[shadow]

المشاركة الأصلية كتبت بواسطة kefafy

طب سؤال فنى يابشمهندس
انا معايا نوريكا جيت نمرة واحد جديدة وبسم الله مشاء الله دبابة وغيرت الجلبة بجلبة فيبر لونها لبنى المفروض انها الاصلية وتصنيها انجليزى مش اسبانى (نفس المقاس يعنى)
وبستخدم الرش الماتش فى المسافات القريبة و الماجنم للمسافات البعيدة
السؤال هنا بقا لو انا استخدمت ا لهولو بوينت (حضرتك الى معلمنى اعملة ازاى) مقدرش اصطاد بيه طريده كبيرة ؟
مع العلم انا بضرب الغراب رشاية واحدة بس وانا على الارض وهو على سور السطوح بتاعة من 15 الى 20 متر بينزل فى ساعتها على الارض (ده لو جت فيه ونشانى ساعدنى )
وبشكل اخر
ايه هى الطريدة الى ممكن مقدرش اصطادها ببندقيتى عشان نمرة واحد وتصطادها بندقيةنمرة 2 ؟ مع نفس نوع الرش فى نفس الجو المحيط ونفس المسافة !!
ارجو ان حضرتك تفكر كدة وتحسبها وتقولى تبقا افدتنى والله لان انا اشتريت نمرة واحد ومختش فى بالى موضوع قوة الاصدام الى انا موافق حضرتك عليها ان نمرة 2 صدمتها اكبر
الى محيرنى ايه هى الطريدة الى انا مقدرش اجيبها بالنمرة واحد !!
انا رغيت كتير اعذرنى بس صعبانة عليا الفلوس الى دفعتها
ربنا يعزك ويزيدك من علمه

ولا يهمك يا أستاذ kefafy ....فرق النمره 1 عن 2 بيظهر جدافى المسافات التى تزيد عن30متر والطيور الكبيره حيث أن زيادة ثقل وحجم الرشه فى رقم 2 يجعلها متفوقه تماما فى المسافات وذلك لثبات الرشه فى الهواء نتيجه ثقلها ووزنها وأرتطام أكبر نتيجه حجمها وخاصه مع الطيور الكبيره مثل البط والوز وفراخ الغيط والغربان والصقور و الأرانب لكن انت ممكن تعوض الفرق ده فى الحجم عن طريق أستعمال الماتش فى المسافات القريبه وذلك لتعويض الفرق فى الحجم والبرو ماجنم وليس الماجنم وذلك لتعويض الفرق فى الوزن وأن شاء الله حتديك نتائج جيده وحاول تبعد تماما عن الرش الدبوس لان رقم 1 سريعه وخفيفه والرش الدبوس حيزيد من سرعتها كما أن معامل الأختراق عالى وبالتالى حيتسرق الطير منك ومش هيكون له أى تأثير مع الطيور الكبيره...