محتاج مسعده

[shahryar33]

بص يا باشا انا هرد عليك من وجهة نظرى لأنى بردو بدور على مشروع صغير ابتدى بيه انا الى شايفه ان اكتر حاجة بتشتغل الايام دى من وجهه نظرى 3
1- محلات الاكل take away بس يكون سعر المنتج مناسب شويه مش عالى خصوصا انك بتقول انها منطقه شعبيه شويه و هى مش هتتكلف رأس مال كتير يعنى من واقع دراستى للمشروع ان عربيه كبدة و سجق و شوايه جريل كبير شويه و ثلاجه بيبسى هتكون كافيه جدا مش لازم اول ما تبتد تبقى مؤمن

2- قهوة انا بصراحة من وجهه نظرى ان القهاوى بتكسب جدا خصوصا لو المنطقه فيها حركه و المكان يسمح بأنك تستغل مساحة خارج المحل و الافضل جدا انها تكون قهوة او كوفى شوب حنين شويتين مش غالى اوى هيبقى تمام مهو مش او ما هتبتدى هتبقى costa

3- محل بلاى استيشن لو فى المنطقه شباب كتير هيشتغل معاك بأذن الله كويس و رأس المال مش هيتعدى كام جهاز play station 2&3 و كام تليفزيون بس كدة

و طبعا مش عايز افكرك ان الرزق دة بتاع ربنا و كل واحد مش هيطول اكتر من الى ربنا كتبهوله

الكلام دة من وجهة نظرى ممكن تكون صح او خطأ اصل انا فى ثالثه تجارة و بصراحة زهقت من اعدة القهوة و انا بدرس ما بالك بقى لما اخلص و البلد بتاعتنا دى باسم الله ما شاء الله فرص العمل فيها زى الرز دة حتى من كتر الشغل الى فى البلد الناس مبتشتغلش ففكرت فى حاجة ابتدى بيها و متكونش محتاجة رأس مال كبير
بس اهك حاجة انى اععدى السنتين الى فاضلين على خير على خير ادعولى ونبى اصلى عندى امتحانات اليومين دول