انتهاكات المجلس العسكري مجمعه

[H_SRM]

أخي الفاضل المشرف العام هرد عليك في نقطة ضباط الجيش الأوفياء الشرفاء وده من خلال النقطة اللي طرحتها وهي

نحن نحترم رجال القوات المسلحه جنود وضباط ولن نسمح فى التشكيك فى نزاهتهم ووطنيتهم

اديني مبرر واحد أنهم يضربوا بنت أو حتى ولد بالشكل الاجرامي ده؟

هفرض معاك انهم أسرى حرب.. هل من الاسلام التعدي عليهم بالشكل ده؟ 2000 عسكري بينهم 2 او 3 يعني مقارنة غير عادلة ويتم استمرار الاعتداء عليهم؟

لكن دول مش اسرى حرب دول ناس خرجوا وقبلوا المرمطة والضرب وكل واحد لو عينه راحت او ايده او استشهد مش هيزعل لانه عارف انه طالع يواجه كلاب القوات المسلحة اللي هما المجلس العسكري دول مش قوات مسلحة ولما اسماء محفوظ قالت في يوم مجلس الكلاب كنت اول واحد شتمتها قولت عيب لكن لما اهل العيب يجي منهم العيب يبهدلوا الناس لا احترموا لا طفل ولا كبير ولا منقبة ولا متبرجة ولا متحجبة يبقى دول عايزين ايه؟؟؟؟؟؟؟؟

انا فاكر لما فضوا اعتصام تقريبا كان في مارس وقالوا مش قصدنا ورصيدنا لديكم يسمح لكن دلوقتي رصيدهم بالسالب وبكرر رصيد المجلس الفلول كدة لكن رصيد رجالة القوات المسلحة الشرفاء اللي ما يرفعوش سلاحهم على اخواتهم وما يعروش نساء البلد هما دول لكن رجالة طنطاوي اللي هما بالنسبالي جنود فرعون ولان فرعون كان ليه جنود يعني برضوا عساكر في الجيش فباذن الله هيغرقوا مع بعض.


ونفرق التفرقة اللي كنت بقول عليها ما تنفعش لما حد يقول المجلس العسكري غير الجيش جه الاوان اننا نقول المجلس العسكري غير الجيش لان المجلس العسكري أو مجلس الفلول اثبتوا وبيثبتوا انهم اكبر عدو للثورة وهما الطرف الثالث اللي هنقطع اوصاله باذن الله.

لا حاكموا مبارك وكلابه والناس اللي قتلت شهداءنا ولا سلموا السلطة ولا حلوا مشكلة واحدة بالعكس استلفوا مليارات راحت فين؟

المتظاهرين في الوقت ده ماكنتش مع تظاهرهم لكن مش ضدهم ولما حصل اللي حصل بان اوي الوش الوسخ لمجلس الفلول اللي عايزين يستفذوا الشعب ويقولوله اللي هيتكلم هيتعمل فيه كدة.

فياريت حضرتك ما تقولش نزاهة القوات المسلحة لان القوات المسلحة فيها كلاب مسلحة ودول اقلية بيقودها مجلس الفلول