رد: بروني ماجنوم جال ساقيه - 380 للبيع
والله يا جماعة أنا حزين جدا ومصدوم...عيب قوي إللي بيحصل ده...قلنا مليون مرة نراعي مشاعر بعض وبلاش التهجم والتجريح وإتهام الناس بالباطل...ده سوق يعني عرض وطلب وإللي ليه ملاحظات يقولها بكل هدوء وبالراحة مع مراعاة عدم التجريح أو التلميح نظرا لحساسية الموضوع ويكون ذلك يا إما على الخاص للفت نظر المعلن...أو على العام مع المحافظة علة الحد الأدني من الذوق واللباقة في عرض الموضوع...إحنا عمالين نخبط في بعض ونرمي طوب وظلط وماسكين الناس من ودانهم كأننا بنقرصهم ونعلمهم الأدب...ما يصحش يا جماعة إحنا مش صغيرين...لازم يكون في إسلوب أرقى من كده...ليه بقينا ناشفين وإسلوبنا جاف مع بعض كده...لازم نراجع نفسنا ونغير إسلوبنا في تعاملنا مع بعض...لازم نحافظ على مشاعر بعض وكل واحد فينا يفكر قبل أن يطلق سهامه على الآخرين...الكلام جارح وبيعلم ما بيتنسيش وبيترك أثر في النفوس...وإللي بيعرض حاجة ربنا أعلم بظروفه نقف معاه ونساعده ونفترض حسن النية مش كل الناس نصابين وحراميه...ما نبقاش كلنا ماسكين كرابيج وسكاكين ونازلين طحن وذبح في أي واحد بيعرض حاجة للبيع...وإللي بيقول كلمة النهاردة ها تترد ليه بكره...لو خير ها تترد ليه خير...ولو شر ها تترد ليه شر...من جنس عملكم سلط عليكم...أرجوكم راجعوا نفسكم وغيروا إسلوبكم بدل ما نبقي كلنا نفوسنا شايلة من بعض...أعتذر للإطالة بس كلمتين مضايقني وكان لازم أقولهم إحقاقا للحق وعلشان نلحق نفسنا...تقبلوا مروري مع خالص تحياتي...
__________________
لا تنظر في عين ضحيتك...عندما تكون جاهزا والهدف في مرماك...إحتفظ بهدوئك...خذ نفس عميق...أخرج نصفه...إكتم نفسك...ركز...إستعد...إضرب...إياك أن تتردد...الأولى لك...والثانية عليك...
|
11-12-30, 12:55 AM
المواضيع المتشابهه
العرض الشجري