ما معنى 9mm pak

[Compact]

المشاركة الأصلية كتبت بواسطة kefafy

هو ده الكلام الكبير الله ينور على حضرتك
فى بقا بخصوص الذخيرة سؤال ومحدش هيعرف يجاوبنا الا معاليك
ايه هو موضوع الطلقات الهاى باور بتاع البراوننج والجلوك ده؟
قريته امبارح على النت بس مفهمتوش
وايه الفرق بين الطلقات الهاى باور والطلقات العاديه
وياترى لو واحد معاه مسدس عادى مش زى الجلوك او البراوننج المجهزين للهاى باور وضرب بالمسدس العادى طلقات هاى باور ممكن يحصل ايه ؟
ولحضرتك الف الف شكر

كفافى باشا المحترم


الطلقات الهاى باور فكرتها فى الغلاف بتاع الطلقة مش فى محتوى الطلقة , الفكرة فى زيادة حرق الطلقة جوة بيت النار عشان يديها اندفاع اكتر و مدى اكتر.

الطلقة الهاى باور وزنها بيبقى اتقل من الطلقة العادية بسبب وزن الغلاف السميك

بمعنى ان الطلقة محتواها زى الطلقة العادية و بيزودوا المكونات الحارقة اللى جواها بنسبة بسيطة بس الغلاف بيبقى سمكه اكتر عشان يخنق الطلقة وهى بتضرب فبالتالى يخلى الطلقة تتحرق اكتر من جواها فى بيت النار فبالتالى بيديها قوة اندفاع اكتر ( عشان كده مش اى طبنجة تنفع مع الطلقات الهاى باور) , وفيها كربون عالى و بيهبب الطبنجة زى الطلقات التركى الصوت كده , و بتخلى الارتداد اقوى بكتير (عشان الطلقة بتتحرق جامد جوة الطبنجة) , وعشان كده استحالة استخدامها فى بلد الحلوان

و على فكرة بلدنا مصر مفهاش طلقات هاى باور بس فيها طبنجات كتير هاى باور , معظم الطبنجات ذات الغرفة المغلقة زى الجلوك و السبرنج فيلد و جيريكو ديزرت ايجل و بعض موديلات سميث و هكلر و شتاير و تورس البرازيلى , انما مثلا البريتا92 بعظمتها و جودتها متنفعش تضرب هاى باور كتير , لان كده بيت النار حيتأذى أوى مع الوقت و ارتدادها حيبقى عنيف اوى , والحلوان المحلى بتاعنا لو شاف طلقة الهاى باور قدامه يسيح قبل مايضربها , كمان من قوة الارتداد حياخدك و يرجع بيك و ممكن يتفكك من بعضه لو ضرب خزنة كاملة هاى باور

طلقات الهاى باور ملهاش اى لازمة و غير عملية فى المسافات القريبة , هى اصلا معمولة كأحد الحلول لزيادة المدى سواء المدى المؤثر او النهائى , و غير عملية فى المسافات العادية و المتوسطة اللى هى استخدام المدنيين , و صوتها يخرم اجدعها ودن فى الدنيا و لازم سدادات الودان لو حتتمرن بيها حتى لو كنت رامبو شخصيا , و فى جيوش كتير جزء كبير من ذخيرتها الاساسية طلقات هاى باور.

على فكرة مصر كويسة قوى فى تصنيع بعض العيارات الخارقة الحارقة و طلقات الهاى باور للرشاشات الثقيلة و بتصدرها لامريكا و روسيا كمان .

و الطلقات ريمنجتون هاى باور هى احسن طلقات هاى باور للطبنجات ال 9مم لحد دلوقتى , بس الموضوع لسة بيتطور جامد, و سمعت ان اف-ان عملت طلقة هاى باور و صوتها مش عالى زى الريمنجتون , لان صوتها بيبقى عالى جدا جدا و الناس فى اوروبا و امريكا مهووسين بيها ( موضة ) .

معلش معنديش ارقام دقيقة للزيادة فى مكونات الطلقة و الفرق فى الاوزان بيبقى اد ايه

و ارجو ان اكون قد افدتك