رابطة مالكى ايكول فولجا

[koko22m]

المشاركة الأصلية كتبت بواسطة Compact

تم انشاء هذا الموضوع لتبادل الخبرة و المنفعة العامة لكل مالكى الايكول فولجا و ليكون مرجع الى كل من يحتاج اى معلومات عنه ..... دى اول جملة فى اول مشاركة فى الموضوع هنا...يعنى الموضوع معمول عشان يتلم فيه اكبر معلومات عن الفولجا فى مكان واحد.

ممكن تعمل موضوع باسمك عن الفولجا و ده حقك الطبيعى فى المنتدى , انما تحط رابط لمشاركة ليه انت عاملها جديد حالا ... ده اسمه اعلان و سعى لمجد شخصى و مكانه مش هنا .

ممكن تعمل copy & paste للكلام اللى فى الرابط لو عايز تشارك فى الرابطة من اجل الافادة و المصلحة العامة و ليس من اجل تشعيب الموضوع او مجد شخصى (جبت الديب من ديله ) , خصوصا انها مشاركة شخصية ليك مش لحد تانى .

معلوماتك و تجاربك على العين و الرأس ولكن اسلوبك غير مقبول فى تداول المعلومة و غير مرحب به فى اى موضوع يخصنى شخصيا بالمنتدى .

و على فكرة اى طبنجة فى الدنيا لو تم قص جزء من سوستة الخزنة حتاخد طلقات زيادة

و مشاركتك هنا ما هى باسمك برضه

استاذ Compact

اسمحلى ادافع عن الهجوم اللى سيادتك وجهته ليا و انا شايف انه بدون وجه حق و هيكون فى شوية نقط

1 - ممكن تعمل copy & paste للكلام اللى فى الرابط لو عايز تشارك فى الرابطة من اجل الافادة و المصلحة العامة - كنت هلاقى اللى هيرد عليا زى سيادتك كدا و هيقولى موضوع مكرر

2 - ليس من اجل تشعيب الموضوع - انا و لله الحمد مش محتاج اشعب المواضيع بتاعتى لانها صحيح كلها بتكون على قدها و دا لأنى هاوى مبتدأ و افتخر بس تقدر سيادتك تشوف فى بروفايلى هتلاقيها كلها مواضيع فيها تفاعل مع كل الاعضاء

3- جبت الديب من ديله ) - فى اعتقادى ايوة لأن زى ما سيادتك شايف ان من ضمن عيوب المسدس العيبين دول و اعتقد ان محدش كان مشارك بموضوع زى دا قبل كدا

4 - معلوماتك و تجاربك على العين و الرأس - المدح الوحيد اللى سيادتكم قولتهولى و انا عارف انها سخرية بس مش فاهم من ايه

5 - اسلوبك غير مقبول فى تداول المعلومة - انا كنت قاصد انى اتكلم بروح فكاهة و انا عارف انن بقينا و لله الحمد شعب مش بيعرف يضحك و غير كدا كنت فرحان بالتعديل

6 - غير مرحب به فى اى موضوع يخصنى شخصيا بالمنتدى - اشكرك على ذوقك و حسن استماعك و ستكون مشاركتك فى اى مواضيع تخصنى شرف ليا

7 - و على فكرة اى طبنجة فى الدنيا لو تم قص جزء من سوستة الخزنة حتاخد طلقات زيادة - انا مقربتش على السوستة خاااااااااااااااالص و اتمنى تعيد النظر فى الموضوع

و اخيرا اشكرك على حسن الرد و جمال المجاملة و زوق المعاملة